ព័ត៌មានជាតិ
រដ្ឋមន្ត្រីអប់រំ ចុះពិនិត្យការរៀន និងបង្រៀន នៅគ្រឹស្ថានសិក្សា ក្នុងខេត្តកំពង់ធំ
នៅថ្ងៃទី២០ ខែកុម្ភៈ ឆ្នាំ២០២៤ នេះ បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានដឹកនាំក្រុមការងារទស្សនកិច្ច ពិនិត្យការងាររៀន និងបង្រៀននៅគ្រឹស្ថានសិក្សា ក៏ដូចជាឈ្វេងយល់ពីមតិយោបល់ បញ្ហាប្រឈមផ្សេងៗ នៅស្ថានសិក្សា ចំនួន៣ ក្នុងខេត្តកំពង់ធំ គឺ វិទ្យាល័យហ៊ុនសែនស្រះបន្ទាយ អនុវិទ្យាល័យ ហ៊ុនសែនគ្រើលអណ្តូងពោធិ៍ ក្នុងស្រុកតាំងគោក និងសាលាបឋមសិក្សាបឹងត្បូង ក្នុងស្រុកបារាយណ៍។

មានប្រសាសន៍ក្នុងឱកាសនេះ បណ្ឌិតសភាចារ្យ ឧបនាយករដ្ឋមន្ត្រី បានកោតសរសើរ និងថ្លែងអំណរគុណចំពោះគណៈគ្រប់គ្រងសាលា ក៏ដូចជាលោកគ្រូអ្នកគ្រូ ដែលខិតខំប្រឹងប្រែងយកអស់កម្លាំងកាយចិត្តបំពេញភារកិច្ច ដឹកនាំបង្ហាត់បង្រៀនសិស្សឱ្យទទួលបានលទ្ធផលល្អក្នុងការសិក្សា និងស្នើឱ្យបន្តរក្សាស្មារតីសហការគ្នាចូលរួមអនុវត្តកំណែទម្រង់វិស័យអប់រំនៅកម្ពុជាឱ្យកាន់តែរីកចម្រើនទៅមុខទៀត។

ជាមួយនេះដែរ ដើម្បីកែលម្អការបង្រៀនឱ្យកាន់តែប្រសើរ ឈានទៅលើកកម្ពស់លទ្ធផលសិក្សាសិស្សបន្ថែមទៀត បណ្ឌិតសភាចារ្យ ឧបនាយករដ្ឋមន្ត្រី បានណែនាំ ឱ្យរៀបចំរបៀបបង្រៀនថ្មីៗ ដោយផ្ដោតលើការពង្រឹងសមត្ថភាពរិះគិត វិភាគស៊ីជម្រៅ បង្រៀនឱ្យសិស្សមានភាពឆ្លាតវៃចេះបកស្រាយ រកអំណះអំណាង ស្វែងរកគោលគំនិតសំខាន់ៗតាមរយៈការអានឱ្យបានច្រើន និងផ្ដោតលើការពង្រឹងសមត្ថភាពដែលផ្សារភ្ជាប់នឹងការរស់នៅជាក់ស្ដែង អាចយកចំណេះដឹងមកប្រើប្រាស់ក្នុងជីវភាពប្រចាំថ្ងៃ ក៏ដូចជាការរៀបចំកម្មវិធីក្រៅម៉ោងសិក្សា បង្កើតជាគម្រោងផ្សេងៗ និងក្លឹបស្វ័យសិក្សាជាដើម បន្ថែមពីលើកម្មវិធីរៀនពេញមួយថ្ងៃ៕


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ