ព័ត៌មានជាតិ
សហគមន៍ពន្លកថ្មី ប្រមូលទិញផ្លែស្វាយកែវរមៀតពីកសិករ យកទៅកែច្នៃធ្វើដំណាប់ និងនាំចេញទៅក្រៅប្រទេស
សហគមន៍ពន្លកថ្មី កំពុងចាប់ផ្ដើមប្រមូលទិញផ្លែស្វាយកែវរមៀតពីកសិករ ក្នុងស្រុកកងមាស ខេត្តកំពង់ចាម ដើម្បីនាំចេញទៅក្រៅប្រទេស និងមួយចំណែកទៀត នាំចូលទៅក្នុងរោងចក្រកែច្នៃធ្វើដំណាប់ស្វាយមួយ មានមូលដ្ឋានក្នុងស្រុកស្រាប់ ដែលស្ថិតក្នុង ខេត្តកំពង់ស្ពឺ។
អ្នកស្រី ម៉ាច រីណា លេខា សហគមន៍ពន្លកថ្មី បានប្រាប់ឱ្យ កម្ពុជាថ្មី ដឹងថា សហគមន៍របស់អ្នកស្រី ទើបតែប្រមូលទិញស្វាយពីប្រជាកសិករខ្មែរ នៅចុងដៃប្រមូលផល ក្នុងឆ្នាំនេះតែប៉ុណ្ណោះ។
អ្នកស្រី បន្ថែមទៀតថា ការប្រមូលទិញស្វាយពីកសិករនេះ ដើម្បីនាំចេញចូលទៅក្នុងរោងចក្រកែច្នៃដំណាប់ស្វាយមួយ ដែលស្ថិតនៅក្នុងខេត្តកំពង់ស្ពឺ និងមួយចំណែកទៀតនាំចេញទៅក្រៅប្រទេស រួមមាន៖ ប្រទេសវៀតណាម ប្រទេសថៃ ជាដើម។
អ្នកស្រី ម៉ាច រីណា បន្តទៀតថា សម្រាប់តម្លៃស្វាយដែលទិញពីប្រជាកសិករវិញ អាស្រ័យទៅលើគុណភាពស្វាយ និងទំហំរបស់ស្វាយ ដោយគិតត្រឹម ៣ផ្លែ ស្មើ ១គីឡូ គិតក្នុងតម្លៃ ៤៥០រៀល។ ចំណែកផ្លែស្វាយដែលតូចៗ គិតតាមតម្លៃតូច និងអាស្រ័យតាមទីផ្សារបច្ចុប្បន្ន ផងដែរ។
អ្នកស្រី បញ្ជាក់ទៀតថា ចំពោះការប្រមូលទិញផ្លែស្វាយពីកសិករ គឺកសិករត្រូវយកផ្លែស្វាយមកដល់សហគមន៍ផ្ទាល់ ដោយសារសហគមន៍ មិនបានចុះទៅទិញដល់ចំការ និងទីតាំងផ្ទាល់របស់បងប្អូនប្រជាកសិករ នោះឡើយ។
សូមជម្រាបថា សហគមន៍ពន្លកថ្មី ជាសហគមន៍មួយដែលបានបង្កើតឡើង ដើម្បីប្រមូលទិញផ្លែស្វាយ និងបន្លែផ្លែឈើផ្សេងៗទៀត ពីប្រជាកសិករខ្មែរ ដើម្បីនាំយកទៅក្រៅប្រទេស។ សហគមន៍នេះ មានទីតាំងស្ថិតនៅក្នុងភូមិ ដំណាក់ជ្រៃ ឃុំពាមជីកង ស្រុកកងមាស ខេត្តកំពង់ចាម៕
អត្ថបទ ៖ សួស សិត
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា