ព័ត៌មានជាតិ
ផ្លូវជាតិលេខ ២១ ចម្ងាយជិតជាងគេទៅច្រកព្រំដែនវៀតណាមមានកូនព្រែកជាង ៥០ កន្លែង
ផ្លូវជាតិលេខ ២១ ដែលតភ្ជាប់ពីទីរួមខេត្តកណ្ដាលទៅកាន់ច្រកទ្វារជ្រៃធំ ជាផ្លូវជាតិដែលមានចម្ងាយជិតជាងគេទៅព្រំដែនប្រទេសវៀតណាម។
នៅតាមបណ្ដោយផ្លូវជាតិជាច្រកដឹកជញ្ជូនដ៏សំខាន់នេះ ក៏មានកូនព្រែកច្រើនជាង ៥០ កន្លែងលើប្រវែងខ្សែផ្លូវជាង ៦៣ គីឡូម៉ែត្រ។
«ផ្លូវនេះវាពិតជាមានការលំបាកបន្តិចទៅលើការសាងសង់។ ការចំណាយក៏ច្រើន មូលហេតុនៅត្រង់ថាយើងមានកូនព្រែកច្រើនណាស់នៅតាមដងផ្លូវនេះ»។ នេះបើតាមការថ្លែងបញ្ជាក់របស់សម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជាក្នុងពិធីសម្ពោធផ្លូវជាតិលេខ ២១ កាលពីឆ្នាំ ២០២២។
អតីតប្រមុខមេដឹកនាំកម្ពុជាបានអះអាងនៅពេលនោះថា មានមនុស្សខ្លះបានមកលួចខ្សឹបឲ្យលុបកូនព្រែកតូចៗដើម្បីជំនួសវិញដោយការចាក់ដី ហើយចំណេញដីធ្លីទៀតផង។ ប៉ុន្តែសម្តេចបានប្រាប់ទៅវិញថា រឿងហ្នឹងវាជាបទពិសោធន៍មួយដែលធ្លាប់បានឃើញតាមផ្លូវជាតិលេខ ១។ ផ្លូវជាតិលេខ ១ ត្រង់ចំណុចស្ពានដែលជប៉ុនកសាងពីរកន្លែង ពីដើមជាព្រែក ប៉ុន្តែ ប៉ុល ពត បានបិទ។ ដល់បិទ ទឹកជំនន់ឆ្នាំ ២០០០ ស្ទើរតែលិចទីក្រុងភ្នំពេញ ហើយពេលនោះសម្តេចបានដាក់បទបញ្ជាកាត់ផ្លូវជាតិលេខ ១ ទើបបន្ធូរចរន្តទឹកពីខាងលើចុះមក។
នៅភាគខាងក្រោមតាមបណ្ដោយផ្លូវជាតិលេខ ២១ គឺមានស្ពានកាត់ព្រែកតូច/ធំ រហូតដល់ជាង ៥០ ស្ពាន។ បើតាមសម្តេចតេជោ ត្រូវកសាងស្ពានមិនអាចលុបព្រែកបានទេ ត្បិតព្រែកនាំចូលដីល្បាប់ហ្នឹងម្ខាង តែម្ខាងទៀតគឺចរាចរបន្លាស់ទីត្រីនៅពេលដែលមានទឹកឡើង ដែលធ្វើឱ្យកើតមានធនធានត្រីនៅផ្នែកខាងក្រោម និងការស្រោចស្រពទឹកសម្រាប់ដោះស្រាយវិស័យកសិកម្មរបស់យើង។
ផ្លូវជាតិលេខ២១ មានប្រវែងសរុប ៦៣,៦ គីឡូម៉ែត្រ ចាប់ពីរង្វង់មូលតាខ្មៅដល់ច្រកជ្រៃធំព្រំដែនវៀតណាម បានសម្ពោធដាក់ឲ្យប្រើប្រាស់កាលពីឆ្នាំ ២០២២ ក្រោមឥណទានសម្បទានពីរដ្ឋាភិបាលនៃសាធារណរដ្ឋកូរ៉េ។
លោក ស៊ុន ចាន់ថុល អតីតរដ្ឋមន្ត្រីក្រសួងសាធារណការនិងដឹកជញ្ជូន បានលើកឡើងអំពីសារៈសំខាន់នៃខ្សែផ្លូវមួយនេះ។
លោក ស៊ុន ចាន់ថុល បានបញ្ជាក់ថា បើគិតអំពីផ្លូវទាំងអស់ដែលតភ្ជាប់ជាមួយសាធារណរដ្ឋសង្គមនិយមវៀតណាម ផ្លូវជាតិលេខ ២១ មានចម្ងាយជិតជាងគេក្នុងការផ្លាស់ប្តូរទំនិញទៅវិញទៅមក។ មិនគ្រាន់តែទំនិញទេសម្រាប់ច្រកនេះ ការផ្លាស់ប្តូរគ្នាពិសេសការនាំអគ្គិសនីពីវៀតណាមមកកាន់កម្ពុជាក៏ធ្វើទៅតាមច្រកនេះយ៉ាងច្រើនផងដែរ៕
ធ្លាក់ភ្លៀងលិចលង់ផ្ទះប្រជាពលរដ្ឋនៅក្រុងប៉ោយប៉ែត
តួកគី ត្រៀមខ្លួនធ្វើជាអ្នកត្រួតពិនិត្យបទឈប់បាញ់នៅអ៊ុយក្រែន
ក្រសួងការងារដោះស្រាយបញ្ចប់ទំនាស់ រវាងរដ្ឋបាលនិងបុគ្គលិករោងចក្រស៊ីង កៃ សេន
តុលាការខេត្តសៀមរាប សម្រេចឃុំខ្លួនឧត្តមសេនីយ៍មួយរូប ពីបទប៉ុនប៉ងសូកប៉ាន់
មាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
មាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
កាន់តែមិនស្រួលខ្លាំង! ប៉ាគីស្ថាន កោះហៅមន្ត្រីនុយក្លេអ៊ែរ មកប្រជុំគ្នា ក្រោយបាញ់មីស៊ីលសងសឹកឥណ្ឌា
ពូទីន ស្នើកិច្ចចរចាសន្តិភាពដោយផ្ទាល់ជាមួយអ៊ុយក្រែន នៅសប្ដាហ៍ក្រោយ
អឺរ៉ុបទាមទារបទឈប់បាញ់ដោយគ្មានលក្ខខណ្ឌនៅអ៊ុយក្រែន គំរាមដាក់ទណ្ឌកម្មថ្មីលើរុស្ស៊ី
ប៉ាគីស្ថាន បាញ់ផ្លោងសម្លាប់មន្ត្រីជាន់ខ្ពស់ឥណ្ឌានៅ តំបន់កាស្មៀរ
-
ព័ត៌មានអន្ដរជាតិ៤ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ៧ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
ព័ត៌មានអន្ដរជាតិ៥ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៣ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៤ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៥ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ២ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ៤ ថ្ងៃ agoរឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា