លោក សូ ណារ៉ូ ថាមានជនទុច្ចរិត យកឈ្មោះលោក ទៅបង្កើតគណនីហ្វេសប៊ុកក្លែងក្លាយ  ដើម្បីបោកមហាជន

រដ្ឋមន្ត្រីប្រតិភូអមនាយករដ្ឋមន្ត្រី លោក សូ ណារ៉ូ នៅរាត្រីថ្ងៃទី ២១ ខែកុម្ភៈ ឆ្នាំ២០២៤ នេះ បានសរសេរនៅលើទំព័រហ្វេសប៊ុកផ្ទាល់ខ្លួនថា មានជនទុច្ចរិតបានយកឈ្មោះរបស់លោក ទៅបង្កើតគណនីហ្វេសប៊ុកក្លែងក្លាយ ក្នុងបំណងបោកប្រាស់សាធារណជន។

លោក​ សូ ណារ៉ូ បានសរសេរលើហ្វេសប៊ុកដូច្នេះថា “ខ្ញុំ សូ ណារ៉ូ សូមបដិសេធជាដាច់អហឹង្ការចំពោះជនទុច្ចរិតដែលបានយករូប និងឈ្មោះខ្ញុំដើម្បីបង្កើតអាខោន Facebook ក្លែងក្លាយ ក្នុងបំណងបោកប្រាស់សាធារណជន ដែលសូម្បីតែថ្ងៃខែឆ្នាំកំណើតខ្ញុំក៏ខុសផងដែរ”។

លោករដ្ឋមន្ត្រីប្រតិភូអមនាយករដ្ឋមន្ត្រី ក៏បានសូមឲ្យអាជ្ញាធម៌មានសមត្ថកិច្ចស្រាវជ្រាវចាប់ខ្លួនជនទុច្ចរិតនេះ។ បន្ថែមពីនេះ លោក ក៏បានប្រកាសមិនទទួលខុសត្រូវនូវរាល់សកម្មភាពខុសច្បាប់ ឬការបោកប្រាសណាមួយចេញគណនីហ្វេសប៊ុកក្លែងក្លាយទាំងនេះ៕