លោក ឯម ច័ន្ទមករា ត្រូវបានព្រះមហាក្សត្រ ផ្ទេរ និងតែងតាំងជារដ្ឋលេខាធិការក្រសួងយុត្តិធម៌

ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យ ផ្ទេរលោក ឯម ច័ន្ទមករា ពីរដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា ឱ្យទៅបំពេញការងារនៅក្រសួងយុត្តិធម៌។

តាមព្រះរាជក្រឹត្យចុះថ្ងៃទី ២៣ ខែកុម្ភៈ ឆ្នាំ២០២៤ នេះ ការផ្ទេរនេះ គឺព្រះមហាក្សត្រទ្រង់បានយល់នូវសេចក្ដីក្រាបបង្គំទូលថ្វាយរបស់សម្ដេចមហាបរវធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

ដោយឡែក សម្រាប់នៅក្នុងក្របខណ្ឌក្រសួងយុត្តិធម៌  នៅមុនការតែងតាំងលោក ឯម ច័ន្ទមករា ជារដ្ឋលេខាធិការក្រសួងយុត្តិធម៌នាពេលនេះ ក៏មាននៅការតែងតាំងលោក សេង ឌីណា អតីតអ្នកសារព័ត៌មានរបស់វិទ្យុបារាំងអន្តរជាតិ ជារដ្ឋលេខាធិការក្រសួងយុត្តិធម៌ផងដែរ។

ដោយ៖ ង៉ិល​ ណារ៉ាត់

ចុចអាន៖ អតីតនិពន្ធនាយកវិទ្យុបារាំង លោក សេង ឌីណា ត្រូវបានតែងតាំងជារដ្ឋលេខាធិការក្រសួងយុត្តិធម៌