ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នៅខេត្តសៀមរាប ដំណើរការល្អ

ការរៀបចំការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ នៅខេត្តសៀមរាប បានបើកដំណើរការហើយចាប់ពីម៉ោង ៧ ០០នាទី នៅព្រឹកថ្ងៃទី២៥ ខែកុម្ភៈ ឆ្នាំ២០២៤ បានប្រព្រឹត្តទៅក្នុងសភាពស្ងប់ស្ងាត់ល្អ និង មានសន្តិសសុខ និងសណ្តាប់ធ្នាប់ល្អ។

ខេត្តសៀមរាប ស្ថិតនៅមណ្ឌលភូមិភាគ៤ ហើយការរៀបចំការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ នេះ មានការិយាល័យចំនួន ២ ស្ថិតក្នុងវិទ្យាល័យអង្គរ ក្នុងសង្កាត់សាលាកំរើក ក្រុងសៀមរាប ខេត្តសៀមរាប គឺការិយាល័យលេខ ៤០០៤ និងលេខ ៤០០៥។

សមាជិកក្រុមប្រឹក្សាឃុំ សង្កាត់ ចំនួន ៦៦៨នាក់ មកពីឃុំ/សង្កាត់ទាំង ១២ នៃក្រុងស្រុកក្នុងទូទាំងខេត្តសៀមរាប និងសមាជិកសភាមណ្ឌលសៀមរាបចំនួន ៦នាក់ទៀត សរុបទាំងអស់ចំនួន ៦៧៤នាក់ បានចូលរួមបោះឆ្នោត ស្របតាមនីតិវិធី និងច្បាប់ស្តីពីការបោះឆ្នោត៕

អត្ថបទ៖ គឿន វេត