ព័ត៌មានជាតិ

បន្តរកឃើញអ្នកឆ្លងកូវីដ ០៤ នាក់ទៀត មានបុរសចំណាស់អាយុ ៦២ ឆ្នាំ

បានផុស

៤ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

ស្ថានភាពនៅព្រឹកនេះ នៅតែបន្តរកឃើញអ្នកឆ្លងកូវីដ ០៤ នាក់ទៀតជាអ្នកដំណើរមកពីក្រៅ។ អ្នកឆ្លងទាំង ០៤ នាក់មានឥណ្ឌូណេស៊ី ០២ នាក់ ស្វីស ០១ នាក់ និងចិន ០១នាក់។

បុរសឥណ្ឌូណេស៊ីឆ្លងកូវីដ ១៩ មានអាយុ ១៨ ឆ្នាំទាំងពីរនាក់ ដោយម្នាក់នៅប៉ោយប៉ែត ខេត្តបន្ទាយមានជ័យ និង ម្នាក់ទៀតនៅស្រុកកោះធំខេត្តកណ្តាល។ បុរសទាំងពីរនាក់បានធ្វើដំណើរពីឥណ្ឌូណេស៊ីបន្តជើងហោះហើរនៅសិង្ហបុរី បានមកដល់ប្រទេសកម្ពុជានៅថ្ងៃ ១៦ កុម្ភៈ ត្រូវបានបញ្ជាក់មានវិជ្ជមានកូវីដ ១៩ ដោយវិទ្យាស្ថានសុខភាពសាធារណៈ។

អ្នកដំណើរជនជាតិចិនមានវិរុសកូវីដ ១៩ ម្នាក់ទៀត មានអាយុ ៣២ ឆ្នាំ ស្នាក់នៅរាជធានីភ្នំពេញ។ ស្រ្តីរូបនេះបានធ្វើដំណើរពីចិនបន្តជើងហោះហើរនៅប្រទេសកូរ៉េខាងត្បូង មកដល់ប្រទេសកម្ពុជានៅថ្ងៃ ០៧ កុម្ភៈ ២០២០។

ជនរងគ្រោះចាស់ជាងគេមានអាយុ ៦២ ឆ្នាំជនជាតិស្វីស បានឆ្លងកូវីដ ១៩។ បុរសចំណាស់នេះធ្វើដំណើរពីស្វីសបន្តជើងហោះហើរនៅប្រទេសសិង្ហបុរី មកដល់ប្រទេសកម្ពុជានៅថ្ងៃ ០៤ កុម្ភៈ ២០២០៕

អ្នកឆ្លងទាំង ០៤ នាក់ត្រូវបានបញ្ជូនទៅសម្រាកព្យាបាល និងអ្នកប៉ះពាល់ជាអ្នករួមដំណើរត្រូវបានបញ្ចូនទៅធ្វើចត្តាឡីស័កបន្តទៀត៕