ព័ត៌មានជាតិ

លទ្ធផលបោះឆ្នោតព្រឹទ្ធសភាបណ្ដោះអាសន្ន នៅខេត្តកែប គណបក្សប្រជាជនកម្ពុជា នាំមុខ

បានផុស

៧ ខែ មុន

នៅ

ថ្ងៃអាទិត្យ ២៥ កុម្ភៈ ២០២៤

ដោយ

ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី ៥ ឆ្នាំ ២០២៤ កំពុងដំណើរការទូទាំងប្រទេស ក្នុងនោះ អង្គបោះឆ្នោតនៅខេត្តកែប បានមកចូលរួមបោះឆ្នោតគ្រប់ចំនួនទាំង ៣២ រូប ដោយ គណបក្សប្រជាជនកម្ពុជា ទទួលបាន ៣១ សន្លឹកឆ្នោត គណបក្សឆន្ទៈខ្មែរ ១ សន្លឹកឆ្នោត រីឯគណបក្សហ្វ៊ុនស៊ិនប៉ិច និងគណបក្សកម្លាំងជាតិ មិនទទួលបានសន្លឹកឆ្នោតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គី វុទ្ធី ប្រធានលេខាធិការដ្ឋានរៀបចំការបោះឆ្នោតខេត្តកែប បានប្រាប់ឱ្យដឹងនៅថ្ងៃទី ២៥ ខែកុម្ភៈ ឆ្នាំ ២០២៤ នេះថា ការិយាល័យលេខ ៥០០៤ នៃខេត្តកែប បានបញ្ចប់ការបោះឆ្នោតនៅវេលាម៉ោង ៧ និង ៣៥ នាទីព្រឹក ដោយអង្គបោះឆ្នោតទាំងអស់ បានមកចូលរួមបោះឆ្នោតតាមពេលកំណត់ ជាមួយស្ថានភាពប្រព្រឹត្តិទៅ មានភាពល្អប្រសើរ ពោលគឺមិនមានភាពអវិជ្ជមានណាមួយកើតឡើងនោះទេ៕

អត្ថបទ ៖ សឹង រ៉ាត់