ព័ត៌មានជាតិ

កម្ពុជា-ម៉ាឡេស៊ីមានសក្ដានុពលខ្ពស់លើការធ្វើពាណិជ្ជកម្មប្រេងដូង និងអង្ករ

បានផុស

១២ ខែ មុន

នៅ

ថ្ងៃអង្គារ ២៧ កុម្ភៈ ២០២៤

ដោយ

លោក ដាតុ ស៊េរី អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី បានលើកឡើងថា កម្ពុជា និងម៉ាឡេស៊ី មានសក្ដានុពលខ្ពស់ក្នុងការធ្វើពាណិជ្ជកម្ម ប្រេងដូង និងអង្ករ។ ហើយថា ក្រសួងពាណិជ្ជកម្មរវាងប្រទេសទាំងពីរនឹងយកវេទិកាគណៈកម្មការពាណិជ្ជកម្មរួម (JTC) ដើម្បីស្វែរកដំណោះស្រាយពាណិជ្ជកម្ម និងទេសចររវាងប្រទេសទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ដាតុ ស៊េរី អាន់វ៉ា អ៊ីប្រាហ៊ីម លើកឡើង នៅក្នុងសន្និសីទសារព័ត៌មានរួមជាមួយសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជានៅព្រឹកថ្ងៃទី ២៧ ខែកុម្ភៈ ឆ្នាំ ២០២៤ ក្នុងឱកាសសម្ដេចធិបតីទស្សនកិច្ចនៅម៉ាឡេស៊ី។

យោងតាមទិន្នន័យពីអគ្គនាយកដ្ឋានគយ និងរដ្ឋាករកម្ពុជាបង្ហាញថា ពាណិជ្ជកម្មទ្វេភាគីកម្ពុជា-ម៉ាឡេស៊ីក្នុងឆ្នាំ ២០២៣ មានទំហំជាង ៦៣២ លានដុល្លារ កើនឡើងជិត ២ ភាគរយ ធៀបនឹងឆ្នាំ ២០២២។

ក្នុងនោះកម្ពុជានាំចេញទៅម៉ាឡេស៊ីបានជាង ១០០ លានដុល្លារធ្លាក់ចុះជាង ៦ ភាគរយ ខណៈម៉ាឡេស៊ីនាំចូលមកកម្ពុជាមានទំហំជាង ៤៩០ លានដុល្លារកើនឡើង ១.៦ ភាគរយ៕