ព័ត៌មានជាតិ
កម្ពុជា ក្លាយជាប្រទេសគំរូ និងឈានមុខគេ នៅមហាអនុតំបន់ទន្លេមេគង្គ ក្នុងការលុបបំបាត់ជំងឺគ្រុនចាញ់
ប្រទេសកម្ពុជា ត្រូវបានគេចាត់ថ្នាក់ជាប្រទេសគំរូទទួលបានពិន្ទុកម្រិត A និងឈានមុខគេ ចំណោមប្រទេសនៅមហាអនុតំបន់ទន្លេមេគង្គក្នុងការលុបបំបាត់ជំងឺគ្រុនចាញ់។
លោកវេជ្ជបណ្ឌិត ហ៊ុយ រ៉េកុល ប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ប៉ារ៉ាស៊ីតសាស្ត្រ និងបាណកសាស្ត្រ បានឱ្យដឹងថា ការចាត់ទុកប្រទេសកម្ពុជាជាប្រទេសគំរូក្នុងការលុបបំបាត់ជំងឺគ្រុនចាញ់នេះ ដោយសារតែកម្ពុជាទទួលបានជោគជ័យជាបន្តបន្ទាប់ ពីមួយឆ្នាំទៅមួយឆ្នាំយើងបានកាត់បន្ថយករណីជំងឺគ្រុនចាញ់ថយចុះស្ទើរមួយរយភាគរយ និងមិនមានអ្នកស្លាប់ដោយសារជំងឺនេះទេ ចាប់តាំងពីឆ្នាំ ២០១៨ មក ដែលនាំឱ្យកម្ពុជាក្លាយជាប្រទេសទទួលបានជោគជ័យក្នុងការកាត់បន្ថយអត្រាស្លាប់ដោយសារជំងឺគ្រុនចាញ់មុនគោលដៅ ៣ ឆ្នាំ គ្រោងទុក ឆ្នាំ ២០២០។
លោកវេជ្ជបណ្ឌិត ហ៊ុយ រ៉េកុល បានបន្តថា ជាក់ស្ដែងឆ្នាំ ២០២៣ នេះ កម្ពុជា មានករណីជំងឺគ្រុនចាញ់តែ ១ ៣៨៤ ករណី និងមិនមានអ្នកស្លាប់ទេ មានការថយចុះបើធៀបទៅនឹងឆ្នាំ ២០២២ ដែលមានចំនួន ៤ ០៤១ ករណី។ ចំណោម ១ ៣៨៤ ករណី ក្នុងនោះមានជំងឺគ្រុនចាញ់ប្រភេទវីវ៉ាក់ចំនួន ១ ៣០៩ ករណី និងជំងឺគ្រុនចាញ់សន្ធំ ចំនួន ៣៤ ករណី។
លោកវេជ្ជបណ្ឌិត បានបញ្ជាក់ថា ដោយឡែកនៅដើមឆ្នាំ ២០២៤ នេះ មានករណីជំងឺគ្រុនចាញ់ ៩៨ ករណី ក្នុងនោះមានជំងឺគ្រុនចាញ់ប្រភេទវីវ៉ាក់ ៩៦ ករណី និងជំងឺគ្រុនចាញ់សន្ធំ ចំនួនតែ ២ ករណី។
លោកវេជ្ជបណ្ឌិត រំពឹងថា កម្ពុជា នឹងអាចឈានទៅលុបបំបាត់ជំងឺគ្រុនចាញ់ទាំងពីរប្រភេទខាងលើនេះបានទាំងស្រុងនៅឆ្នាំ ២០២៥ ខាងមុខនេះ ដោយសារយើងបានបង្កើនការផ្សព្វផ្សាយដល់ប្រជាពលរដ្ឋរស់នៅក្នុងសំបុកចម្លងជំងឺគ្រុនចាញ់ឱ្យបានយល់ដឹងកាន់តែច្បាស់ពីវិធីការពារជំងឺគ្រុនចាញ់ ផ្តល់ថ្នាំបង្ការការពារដល់ពលរដ្ឋរស់នៅតំបន់ប្រឈមខ្ពស់ជាងគេទៅនឹងជំងឺគ្រុនចាញ់ ក៏ដូចជាផ្តល់មុងជ្រលក់ថ្នាំដល់ពលរដ្ឋមានមុខរបរចូលព្រៃប្រចាំថ្ងៃផងដែរ។ ក្រៅពីនេះ យើងមានសម្ភារៈគ្រប់គ្រាន់ដូចជាឧបករណ៍ធ្វើតេស្តរកមេរោគគ្រុនចាញ់ មុងជ្រលក់ថ្នាំការពារជំងឺគ្រុនចាញ់ និងឱសថព្យាបាលជំងឺគ្រុនចាញ់ប្រកបដោយប្រសិទ្ធភាពខ្ពស់។
លោកវេជ្ជបណ្ឌិត បានជំរុញដល់ភាគីពាក់ព័ន្ធទាំងអស់ ត្រូវរួមគ្នាបន្ដការងារប្រយុទ្ធនឹងជំងឺគ្រុនចាញ់ឱ្យកាន់តែសកម្មថែមទៀត ដើម្បីឈានទៅលុបបំបាត់ជំងឺគ្រុនចាញ់នៅឆ្នាំ ២០២៥ ខាងមុខនេះ សំដៅចូលរួមលើកកម្ពស់សុខុមាលភាព និងសុខភាពប្រជាពលរដ្ឋកម្ពុជា។
ជាមួយគ្នានេះ លោកវេជ្ជបណ្ឌិត បានបញ្ជាក់ថា «សូមបងប្អូនប្រជាពលរដ្ឋមានមុខរបរចូលព្រៃប្រចាំថ្ងៃ សូមអនុវត្តតាមការណែនាំរបស់ក្រសួងសុខាភិបាល ឬ អ្នកស្ម័គ្រចិត្តភូមិ ហើយប្រសិនបើបងប្អូនអនុវត្តតាមនោះ គឺជាជោគជ័យរបស់កម្មវិធីគ្រុនចាញ់ហើយ»។
លោកវេជ្ជបណ្ឌិត បានណែនាំថា ប្រសិនបើមានការសង្ស័យកើតជំងឺគ្រុនចាញ់ ត្រូវប្រញាប់ស្វែងរកសេវាធ្វើតេស្តឈាមនៅមូលដ្ឋានសុខាភិបាលសាធារណៈឱ្យបានឆាប់រហ័សដែលនៅជិតបំផុត តាមរយៈអ្នកស្ម័គ្រចិត្តភូមិ មណ្ឌលសុខភាព និងមន្ទីរពេទ្យ ដើម្បីពិនិត្យព្យាបាលជំងឺគ្រុនចាញ់ឱ្យបានទាន់ពេលវេលា៕
អត្ថបទ ៖ សំអឿន
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ការសិក្សា៖ មនុស្សរាប់លាននាក់នៅអឺរ៉ុបនឹងស្លាប់ដោយសារកម្ដៅ ខណៈដែលពិភពលោកឡើងកម្តៅ
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
អ្នកនាំពាក្យ ពន្យល់មូលហេតុពីការផ្អាកប្រឡងសិស្សពូកែក្នុងឆ្នាំសិក្សា ២០២៤-២០២៥
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ២២ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ១៣ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៤ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក