ព័ត៌មានជាតិ

វាយប្លន់ក្នុងផ្សារទំនើប ស៊ីធីម៉ល ត្រូវសន្តិសុខចាប់ប្រគល់ឲ្យសមត្ថកិច្ច

បានផុស

៤ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

ជនសង្ស័យម្នាក់ លាក់ខ្លួនសម្ងំក្នុងបន្ទប់ទឹក ក្នុងផ្សារទំនើប ស៊ីធី ម៉ល ធ្វើសកម្មភាពច្របាច់ ក និង វាយស្ត្រីអនាម័យម្នាក់ ប្លន់យកទូរស័ព្ទបានសម្រេច ហើយព្យាយាមរត់គេចខ្លួន តែត្រូវសន្តិសុខផ្សារ តាមចាប់បានមកវិញភ្លាមៗ។

ហេតុការណ៍នេះ កើតឡើងកាលពីល្ងាចថ្ងៃទី១៧ ខែកុម្ភៈ ឆ្នាំ២០២១ នៅចំណុចផ្សារទំនើប ស៊ីធី ម៉ល សង្កាត់វាលវង់ ខណ្ឌ៧មករា រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះឈ្មោះ វ៉ាន់ លក្ខិណា ភេទស្រី អាយុ៣១ឆ្នាំ មុខរបរអនាម័យនៅផ្សារទំនើប ស៊ីធី ម៉ល។ ចំណែកជនសង្ស័យឈ្មោះ សុខ តូលី ភេទប្រុស អាយុ២៧ឆ្នាំ មុខរបររត់តុនៅច្បារអំពៅ ។ប្រភពបានឲ្យដឹងថា មុនកើតហេតុស្ត្រីរងគ្រោះបានចូលក្នុងបន្ទប់ទឹកបត់ជើង ស្រាប់តែមានជន បានលោតមកច្របាច់ ក និងវាយប្លន់យកទូរស័ព្ទពីជនរងគ្រោះ រួចរត់គេចខ្លួន តែត្រូវបានសន្តិសុខផ្សារ ចាប់ខ្លួនបានមកវិញភ្លាមៗ ប្រគល់ឲ្យសមត្ថកិច្ច ។

ក្រោយពីឃាត់ខ្លួន ជនសង្ស័យត្រូវបានធ្វើតេស្តរកសារធាតុញៀន ជាលទ្ធផល គឺ វិជ្ជមាន ហើយសមត្ថកិច្ចកំពុងកសាងសំណុំរឿងចាត់ការតាមនីតិវិធី៕

អត្ថបទ ៖ សុខុម