ព័ត៌មានជាតិ

លោក ស៊ុន ចាន់ថុល ស្នើឲ្យពិចារណាសាងសង់ផ្លូវដែកតភ្ជាប់ទៅតំបន់សេដ្ឋកិច្ចពិសេស

បានផុស

១ year មុន

នៅ

ថ្ងៃសុក្រ ១ មីនា ២០២៤

ដោយ

លោក ស៊ុន ចាន់ថុល បានស្នើឲ្យរដ្ឋមន្ត្រីក្រសួងសាធារណការនិងដឹកជញ្ជូនពិចារណាសិក្សាសាងសង់ផ្លូវដែកខ្នាយតូចៗតភ្ជាប់ទៅតំបន់សេដ្ឋកិច្ចពិសេស។

សំណើរនេះត្រូវបានលើកឡើង ខណៈដែលលោកចូលរួមបិទសន្និបាតបូកសរុបលទ្ធផលការងាររបស់ក្រសួងសាធារណការនិងដឹកជញ្ជូនកាលពីរសៀលថ្ងៃទី ២៩ ខែកុម្ភៈ ឆ្នាំ ២០២៤ ។

លោក ស៊ុន ចាន់ថុល ឧបនាយករដ្ឋមន្រ្តី អនុប្រធានក្រុមប្រឹក្សាអភិវឌ្ឍន៍កម្ពុជាបានគូសបញ្ជាក់ថា ការសិក្សាសាងសង់ផ្លូវដែកខ្នាយតូចៗទៅតំបន់សេដ្ឋកិច្ចពិសេស ដើម្បីកាត់បន្ថយថ្លៃដឹកជញ្ជូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧបនាយករដ្ឋមន្រ្តីបានលើកពីគម្រោងអភិវឌ្ឍតំបន់សេដ្ឋកិច្ចពិសេសជប៉ុននៅខេត្តពោធិ៍សាត់។ លោកថា ក្រុមហ៊ុនមីនីបៀបានទិញដីទំហំ ៥០ ហិកតា ដើម្បីអភិវឌ្ឍជាតំបន់សេដ្ឋកិច្ចពិសេស។

លោកថា តំបន់ឧស្សាហកម្មនេះមានចម្ងាយប្រហែលតែ ៨ គីឡូម៉ែត្រពីកំណាត់ផ្លូវដែកពីភ្នំពេញទៅពោធិ៍សាត់ បាត់ដំបង និងបន្ទាយមានជ័យ ប៉ោយប៉ែត។ អីចឹងទេការសាងសង់ផ្លូវដែកខ្នាយតូចៗបន្ថែមតភ្ជាប់មកតំបន់សេដ្ឋកិច្ចពិសេសនឹងជួយសម្រួលនិងកាត់បន្ថយថ្លៃដឹកជញ្ជូន។

បន្ថែមពីនេះ លោកឧបនាយករដ្ឋមន្ត្រីក៏ឲ្យសិក្សាផងដែរលើការសាងសង់ផ្លូវដែកខ្នាយតូចតភ្ជាប់មកតំបន់សេដ្ឋកិច្ចពិសេសភ្នំពេញ៕