Connect with us

ព័ត៌មានជាតិ

បេក្ខជនជាង ១ពាន់នាក់ ប្រឡងចូលក្របខណ្ឌក្រសួងសាធារណការ និងដឹកជញ្ជូន ខណៈជ្រើសយកតែ ៩៩នាក់ប៉ុណ្ណោះ

បានផុស

នៅ

ក្រសួងមុខងារសាធារណៈ នៅថ្ងៃទី ៤ ខែមីនា ឆ្នាំ ២០២៤នេះ បានរៀបចំការប្រឡងប្រជែងជ្រើសរើសមន្ត្រីរាជការចូលបម្រើការងារក្នុងក្របខណ្ឌក្រសួងសាធារណការ និងដឹកជញ្ជូន នៅសាលាភូមិន្ទរដ្ឋបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរការរៀបចំការប្រឡងប្រជែងនេះ ត្រូវបានយកចិត្តទុកដាក់ត្រួតពិនិត្យជាខ្លាំងពីសំណាក់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង ដោយឯកឧត្ដមបានត្រួតពិនិត្យការតាក់តែងវិញ្ញាសា និងការជ្រើសរើសវិញ្ញាសាសម្រាប់ការប្រឡង ផងដែរ។

លោក ពេជ្រ វិជ្ជាគន្ធី អគ្គនាយក នៃអគ្គនាយកដ្ឋានគ្រប់គ្រងមុខងារសាធារណៈ និងជាសមាជិកគណៈមេប្រយោគ មានប្រសាសន៍ប្រាប់ក្រុមអ្នកសារព័ត៌មានថា ការជ្រើសរើសមន្ត្រីរាជការចូលបម្រើការងារ ក្នុងក្របខណ្ឌក្រសួងសាធារណការ និងដឹកជញ្ជូន នាពេលនេះ គឺមានចំនួន ៩៩នាក់ ហើយបេក្ខជនដែលបានដាក់ពាក្យ និងមានសិទ្ធិប្រឡងប្រជែងមានចំនួន ១,៤២៤នាក់។ ក្នុងនោះ មានស្ត្រីចំនួន ៥៣៩នាក់ និងមានព្រះសង្ឃចំនួន ១២អង្គ។

ការប្រឡងប្រជែង ត្រូវបានបែងចែកជា ៣១បន្ទប់ ហើយវិញ្ញាសាត្រូវបានរៀបចំឡើង តាមរយៈអនុក្រឹត្យរបស់រាជរដ្ឋាភិបាលលេខ ៣៧ ស្តីពី ការដាក់ឲ្យអនុវត្តនិយាមនិតិវិធីប្រតិបត្តិ សម្រាប់ការប្រឡងប្រជែងជ្រើសរើសមន្រ្តីរាជការស៊ីវិល។ ចំពោះវិញ្ញាសាមានចំនួន ៣ គឺ ១.វិញ្ញាសាវប្បធម៌ទូទៅ ២.វិញ្ញាសាជំនាញ និង ៣.វិញ្ញាសាភាសាអង់គ្លេស។

លោក ពេជ្រ វិជ្ជាគន្ធី បានឲ្យដឹងបន្តថា ចំពោះវិញ្ញាសាជំនាញ គឺមានរហូតដល់ ១១ជំនាញ ដែលរួមមាន៖ ព័ត៌មានវិទ្យា, គណនេយ្យ, ស្ថាបត្យកម្ម និងឌីហ្សាញ ជាដើម។

«ការរៀបចំនេះ គឺគណៈកម្មការ គាត់មករៀបចំតាំងពីពេលព្រឹក ហើយអ្នកធ្វើវិញ្ញាសាគាត់មកតាំងពីម៉ោង ៦ដែរ ហើយគាត់ទទួលបានការណែនាំអំពីរបៀបរបប នៃការធ្វើវិញ្ញាសា ពេលដែលយើងធ្វើវិញ្ញាសា គឺយើងធ្វើដូចដំណើរការរាល់ដងអញ្ចឹង ធ្វើហើយគឺយើងរៀបចំកូបពី និងវេចខ្ចប់ស្ដង់ដារបស់យើង តាមលក្ខណៈបច្ចេកទេសរបស់យើង»។ នេះជាការបញ្ជាក់បន្ថែមពីលោក ពេជ្រ វិជ្ជាគន្ធី អគ្គនាយក នៃអគ្គនាយកដ្ឋានគ្រប់គ្រងមុខងារសាធារណៈ។

កាលពីថ្ងៃទី ៣ ខែមីនា ឆ្នាំ ២០២៤ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានលើកឡើងថា បេក្ខជនដែលចូលរួមប្រឡងប្រជែង ត្រូវមានសមត្ថភាពល្អប្រសើរជាងគេ ទើបមានឱកាសទទួលបានលទ្ធផលឈ្នះគេ។

ឯកឧត្តម ហ៊ុន ម៉ានី បានបង្ហោះសារនៅលើទំព័រហ្វេសប៊ុកថា «រាជរដ្ឋាភិបាលកម្ពុជា បានយកចិត្តទុកដាក់គិតគូរគ្រប់សព្វបែបយ៉ាង រួមទាំងការរៀបចំនិយាមនីតិវិធីប្រតិបត្តិ ដើម្បីផ្តល់ឱកាស ឬផ្តល់ជាវេទិកាសម្រាប់ការបញ្ចេញសមត្ថភាពស្មើៗគ្នា ជូនប្រជាពលរដ្ឋបានចូលរួមប្រឡងប្រជែង ក្លាយជាមន្ត្រីរាជការស៊ីវិលក្របខ័ណ្ឌ។ ពិតណាស់ បេក្ខជនទាំងអស់គ្នា សុទ្ធតែមានសមត្ថភាពស្របពេលជាមួយគ្នា។ ដូច្នេះ អ្វីដែលគួរធ្វើ គឺសូមបេក្ខជនខិតខំប្រឹងប្រែងបញ្ចេញសមត្ថភាពឲ្យបានល្អប្រសើរជាងគេ ដើម្បីទទួលបានលទ្ធផលឈ្នះបេក្ខជនដទៃទៀត ព្រោះនេះជាការប្រឡងប្រជែង»៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៧ ម៉ោង មុន

កសិករនៅស្រុកបារ៉ាយណ៍ បង្ហាញក្ដីសប្បាយរីករាយ ក្រោយអ្នកឧកញ៉ា ឡេង ណាវ៉ាត្រា បន្តក្នុងបុព្វហេតុរួមគ្នាជួយកសិករយើង រួមគ្នាជួយជាតិ និងប្រជាជនយើង

សន្តិសុខសង្គម៨ ម៉ោង មុន

មនុស្ស៣នាក់​បាន​ស្លាប់ និង​២នាក់​ទៀត​កំពុង​ជួយ​សង្គ្រោះ សង្ស័យ​ករណី​ពុលស្រា ​ស

ព័ត៌មានជាតិ៩ ម៉ោង មុន

ប្រធាន​សហគមន៍​ដែន​ជម្រក​សត្វព្រៃ​សង្ឃ​រុក្ខាវន្ត អំពាវនាវ​​ប្រជាពលរដ្ឋ ឱ្យ​បញ្ឈប់​លបលួច​បរបាញ់ និងដាក់អន្ទាក់សត្វព្រៃ ក្នុងតំបន់អភិរក្ស

ព័ត៌មានជាតិ៩ ម៉ោង មុន

សង្គមស៊ីវិល សហជីព និងពលរដ្ឋចាត់ទុកកម្មវិធី«ផ្តល់ដី ការពារព្រៃ» គឺជាយន្តការដោះស្រាយបញ្ហាដីធ្លីជូនគ្រួសារក្រីក្រយ៉ាងពិតប្រាកដ

ព័ត៌មានជាតិ១១ ម៉ោង មុន

ផ្លូវថ្មើរជើង(Walk street) ចាប់​ពី​មុខ​ប្រៃសណីយ៍ដល់ ​ព្រះបរមរាជវាំងនឹងដំណើរការ នៅថ្ងៃទី០១កុម្ភៈ

Sokha Hotels

ព័ត៌មានពេញនិយម