ព័ត៌មានជាតិ
ក្រសួងអប់រំ នឹងពង្រីកវិសាលភាពបន្ថែមកម្មវិធីអក្ខរកម្មសម្រាប់ កម្មករ-កម្មការិនី តាមរោងចក្រ
ក្រសួងអប់រំ យុវជន និងកីឡា នឹងពង្រីកវិសាលភាពបន្ថែមការអនុវត្តកម្មវិធីអក្ខរកម្មសម្រាប់កម្មករ-កម្មការិនី តាមរោងចក្រ ដើម្បីចូលរួមលុបបំបាត់ អនក្ខរភាព ក្នុងចំណោមកម្មករ-កម្មការិនី។
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅរសៀលថ្ងៃទី ៤ មីនានេះថា កម្មវិធីអក្ខរកម្មសម្រាប់កម្មករ-កម្មការិនី តាមរោងចក្រនេះ ក្រសួងអប់រំ សហការជាមួយអង្គការយូណេស្កូ អង្គការស៊ីប៉ា អង្គការអាយឡូ វិទ្យាស្ថានបណ្ដុះបណ្ដាល វិស័យកាត់ដេរ នៅកម្ពុជា (ស៊ីជីធីអាយ) សមាគមអភិវឌ្ឍន៍ស្ត្រីកម្ពុជា (សអសក) បានអនុវត្តនៅតាមរោងចក្រមានចំនួន ២៤ ថ្នាក់ មានអ្នកសិក្សានៅតាមរោងចក្រចំនួន ៤៨៦ នាក់ ស្រី ៩០,៧៤ ភាគរយ។
លោកស្រីបានបន្តថា «អ្វីដែលក្រសួងកំពុងអនុវត្តគឺការពង្រឹងការអប់រំដើម្បីធ្វើយ៉ាងណាផ្តល់សញ្ញាបត្រសមមូលដល់ទៅកាន់អ្នកសិក្សា ព្រមទាំងពង្រីកវិសាលភាព នៃការអនុវត្តកម្មវិធីអក្ខរកម្មសម្រាប់កម្មករ-កម្មការិនីតាមរោងចក្រ កម្មវិធីសមមូលមធ្យម សិក្សាបឋមភូមិអប់រំក្រៅប្រព័ន្ធ និងកម្មវិធីសមមូលអប់រំកម្រិតមូលដ្ឋានតាមអ៊ីនធឺណិត ឱ្យបានទូលំទូលាយ កៀរគរធនធានសម្រាប់ជំរុញដំណើរការប្រែក្លាយមជ្ឈមណ្ឌលសិក្សាសហគមន៍ទៅជាមជ្ឈមណ្ឌលសិក្សាពេញមួយជីវិត ឱ្យបានពេញលេញ»។
លោកស្រីបានបន្តទៀតថា កម្មវិធីអក្ខរកម្មមានការយកចិត្តទុកដាក់ពីអ្នកសិក្សា ស្ថាប័នពាក់ព័ន្ធ ដៃគូអភិវឌ្ឍន៍ និងវិស័យឯកជន ដើម្បីរួមចំណែកអភិវឌ្ឍន៍ធនធានមនុស្សក្នុងការសិក្សាពេញមួយជីវិត និងលើកកម្ពស់សេដ្ឋកិច្ចជាតិ។
គួរបញ្ជាក់ថា មុននឹងឈានទៅបង្កើតថ្នាក់អក្ខរកម្មនៅតាមរោងចក្រនេះ ក្រសួងអប់រំ យុវជន និងកីឡា រួមជាមួយ អង្គការពាក់ព័ន្ធ ជាអ្នកជួយបណ្ដុះបណ្ដាលដល់គ្រូបង្គោលស្ម័គ្រចិត្តមកពីផ្នែករដ្ឋបាលរោងចក្រ ហើយការបង្រៀនធ្វើឡើងនៅការិយាល័យរដ្ឋបាល បន្ទប់ប្រជុំ និងបណ្ណាល័យ ធ្វើជាកន្លែងបង្រៀនដល់កម្មករ ដោយយកម៉ោងទំនេរពីម៉ោងការងារ ១ ម៉ោង ឬ ៤៥ នាទី ដូចជាម៉ោង ៤ ដល់ម៉ោង ៥ ល្ងាច ទៅតាមរោងចក្រនីមួយៗ ដែលកម្មវិធីនេះបង្រៀនរយៈពេល ៤ ខែ។
មុខវិជ្ជាដែលត្រូវបង្រៀនមានភាសាខ្មែរ ដែលមានបង្រៀនអក្សរ រួមបញ្ចូលមេរៀន អំពើហិង្សាក្នុងគ្រួសារ សុវត្ថិភាពការងារ សុខភាព ចរាចរណ៍ គ្រួសារគំរូ និងគណិតវិទ្យា ដែលបង្រៀនពីលេខបូក ដក គុណ និងចែក ដើម្បីឱ្យកម្មករចេះអាន សរសេរ និងចេះគិតលេខ៕
អត្ថបទ ៖ សំអឿន
សហជីពនៅកម្ពុជា និងប្រជាពលរដ្ឋថា លិមគិមយ៉ា គ្មានតម្លៃនឹងឱ្យរដ្ឋាភិបាលសម្លាប់ទេ ព្រោះជាអ្នកនយោបាយគ្មានសំឡេង
ព្រះរាជដំណាក់ស្តេច ជាកន្លែងកត់ត្រា ទុកជាប្រវត្តិសាស្ត្ររបស់យុវជនជំនាន់ក្រោយ
បណ្ឌិត គិន ភា៖ ៤០ឆ្នាំមកនេះ សម្តេចតេជោ ហ៊ុន សែន បានកសាងសមិទ្ធផលធំៗចំនួន៩ជូនប្រជាជាតិកម្ពុជា
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
អភិបាលក្រុងខេមរភូមិន្ទ ជំរុញដល់ពលរដ្ឋយកចិត្តទុកដាក់ថែរក្សាសុខភាព ខណៈអាកាសធាតុចុះត្រជាក់
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
កម្ពុជា បន្តចុះត្រជាក់ ១៨°C ដល់ថ្ងៃទី១៦មករា
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍១ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ