ព័ត៌មានជាតិ
ប្តូរប្រើប្រព័ន្ធបច្ចេកវិទ្យា សេវាសាធារណៈកើនចំណូលមួយឆ្នាំពី ៣ លាន ដល់ ៥០ លានដុល្លារ
បើតាមការគូសបញ្ជាក់ពីលោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ចាប់តាំងពីការដាក់ឲ្យប្រើប្រាស់ជាផ្លូវការនូវប្រព័ន្ធបច្ចេកវិទ្យាឌីជីថលរបស់ក្រសួងសាធារណការកន្លងមក បានធ្វើឲ្យចំណូលសេវាសាធារណៈមានការកើនឡើងដល់ ៥០លានដុល្លារក្នុងមួយឆ្នាំ។
លោក ស៊ុន ចាន់ថុល មានប្រសាសន៍ពាក់ព័ន្ធទៅនឹងការប្រើប្រាស់ប្រព័ន្ធបច្ចេកវិទ្យាឌីជីថលថា មុនពេលដែលក្រសួងសាធារណការ និងដឹកជញ្ជូន ដាក់ចេញឲ្យប្រើប្រព័ន្ធបច្ចេកវិទ្យាឌីជីថលនេះ ក្នុងមួយឆ្នាំៗក្រសួងសាធារណការទទួលបានកម្រៃពីសេវាសាធារណៈប្រមាណ ៣ លានដុល្លារប៉ុណ្ណោះក្នុងមួយឆ្នាំៗ។ ប៉ុន្តែក្រោយពេលក្រសួងសាធារណការ សម្រេចប្រកាសដាក់ឲ្យប្រើប្រាស់ជាផ្លូវការប្រព័ន្ធបច្ចេកវិទ្យាធ្វើឲ្យក្រសួងសាធារណការ អាចទទួលបានកម្រៃពីសេវាសាធារណៈប្រមាណ ៥០ លានដុល្លារក្នុងមួយឆ្នាំ។
«ជាក់ស្តែងបើយើងក្រឡេកមើលមុននេះបន្តិច យើងឃើញថា មុននិងក្រោយ ការដាក់ឲ្យប្រើប្រព័ន្ធបច្ចេកវិទ្យា ចំណូលសេវាសាធារណៈមួយឆ្នាំបានជាង ៣លានដុល្លារ ឥលូវនេះកើនដល់ ៥០លានដុល្លារ ក្នុងមួយឆ្នាំដូច្នេះឃើញថាសេវាសាធារណៈពិតមានសារៈសំខាន់ណាស់»។
ទន្ទឹមនេះ លោក ស៊ុន ចាន់ថុល ក៏បានយកឱកាសនេះលើកឡើងផងដែរថា បច្ចុប្បន្ននៅក្រុមប្រឹក្សាអភិវឌ្ឍន៍កម្ពុជាបានកំពុងអភិវឌ្ឍន៍ប្រព័ន្ធបច្ចេកវិទ្យាឌីជីថលដូចគ្នានេះដែរ ដើម្បីឲ្យអ្នកវិនិយោគងាយស្រួលនៅក្នុងការបំពេញបែបបទស្នើសុំដាក់ទុកវិនិយោគនៅកម្ពុជា និងឈានសម្រេចឲ្យបាននៅក្នុងឆ្នាំ២០២៤ ដើម្បីងាយស្រួលដល់អ្នកវិនិយោគមកបណ្ដាក់ទុននៅក្នុងប្រទេសកម្ពុជា។
លោក ស៊ុន ចាន់ថុល ក៏បានសម្តែងការអបអរសាទរដល់រដ្ឋមន្ត្រីក្រសួងសាធារណការនិងដឹកជញ្ជូនលោក ប៉េង ពោធិ៍នា ដែលបានដាក់ចេញគោលនយោបាយ ការពង្រឹង និងការប្រើប្រាស់បច្ចេកវិទ្យាទំនើប ដើម្បីកាត់បន្ថយពេលវេលា និងការចំណាយនានា។ លោកអះអាងថា ក្នុងនាមជាអនុប្រធានក្រុមប្រឹក្សាអភិវឌ្ឍន៍កម្ពុជា លោកនឹងប្ដេជ្ញាចិត្តចូលរួមអនុវត្តការងារទាំងនេះជាមួយរដ្ឋមន្ត្រីក្រសួងសាធារណការឲ្យមានប្រសិទ្ធភាពខ្ពស់៕
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៩ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ