ព័ត៌មានជាតិ
ពលរដ្ឋឃុំជីផាត ជាង ៤០០ គ្រួសារ ស្នើសុំវាស់វែងធ្វើប្លង់កម្មសិទ្ធិ ខណៈរស់នៅអាស្រ័យតាំងពី ឆ្នាំ ១៩៨០
ក្រុមប្រជាពលរដ្ឋប្រមាណជាង ៤០០ គ្រួសារ រស់នៅក្នុងឃុំជីផាត ស្រុកថ្មបាំង បានស្នើសុំលោកស្រីអភិបាលខេត្តកោះកុង និងមន្ទីរជំនាញ ចុះពិនិត្យចេញបណ្ណកម្មសិទ្ធិកាន់កាប់ ខណៈពួកគាត់រស់នៅអាស្រ័យតាំងតែពីឆ្នាំ ១៩៨០។
អ្នកស្រី អ៊ូ សុខា និងលោក អ៊ុំ ព្រីង ជាពលរដ្ឋរស់នៅក្នុងឃុំជីផាត បានអះអាង កាលពីថ្ងៃទី ៤ ខែមីនា ឆ្នាំ ២០២៤ យ៉ាងដូច្នេះថា ពួកគាត់រស់នៅក្នុងមូលដ្ឋាននេះតាំងពីដូនតាមកម្ល៉េះ ដោយឆ្លងកាត់រឿងរ៉ាវជាច្រើនរវាងអង្គការសម្ព័ន្ធមិត្តសត្វព្រៃ រហូតដល់មានក្រុមយុវជនស្ម័គ្រចិត្តវាស់វែងរបស់ សម្តេចតេជោ ចុះមកកំណត់ព្រំដី អំឡុងឆ្នាំ ២០១២ ឬ ២០១៣។
បើតាមក្រុមតំណាងពលរដ្ឋដដែលបន្ថែមថា អំឡុងឆ្នាំ ២០២២ រាជរដ្ឋាភិបាល បានសម្រេចចេញអនុក្រឹត្យកាត់ឆ្វៀលដីដែលពួកគាត់រុករានធ្វើស្រែចម្ការមកឲ្យ។ ដូច្នេះពួកគាត់សុំស្នើដល់ លោកស្រី មិថុនា ភូថង អភិបាលខេត្តកោះកុង ព្រមទាំងមន្ទីរជំនាញពាក់ព័ន្ធ ចុះពិនិត្យចេញបណ្ណកម្មសិទ្ធិស្របច្បាប់ជូនពលរដ្ឋដោយក្តីអនុគ្រោះ។
ក្រុមតំណាងពលរដ្ឋដដែលបន្ថែមទៀតថា បច្ចុប្បន្ន ក្រុមខិលខូចមួយចំនួនតូច បានបំផុសបំភ្លៃព័ត៌មានចោទប្រកាន់ថា លោក ម៉ឹង សុភា មេឃុំជីផាត មានដីរាប់សិបហិតាលក់យកលុយធ្វើវិឡាដ៏ស្កឹមស្កៃ។ បញ្ហានេះ ក៏ត្រូវបានពលរដ្ឋរួមគ្នា អះអាងថា លោកមេឃុំជាមនុស្សល្អ ទើបពួកគាត់បោះឆ្នោតឲ្យធ្វើមេឃុំ។ ក្នុងនោះ គ្រាដែលប្រជាពលរដ្ឋមានទុក្ខលំបាក គឺមេឃុំតែងចេញមុខដោះស្រាយគ្រប់បែបយ៉ាង។ ដូច្នេះពួកគាត់បដិសេធការចុះផ្សាយព័ត៌មានបំភ្លៃការពិតទាំងនោះ។
ដោយឡែក លោក ម៉ឹង សុភា មេឃុំជីផាត ក៏បានចេញមុខបដិសេធទាំងស្រុងរាល់ព័ត៌មាន រាល់ការផ្សព្វផ្សាយ ឬ បង្ហោះចោទប្រកាន់មកលើរូបលោក ដែលបង្កចលាចល និងសន្តិសុខសង្គមផងដែរ។ លោកមេឃុំជីផាត បញ្ជាក់ថា លោកពិតជាមិនមានដីរាប់ហិតា ចាប់ពីស្ទឹងឆាយរមាស ដល់ស្ទឹងឆាយខ្ពស់ លក់ឲ្យប្រជាពលរដ្ឋតាមខេត្តសៀមរាប កំពង់ចាម និងខេត្តដទៃទៀតឡើយ។ នេះជារឿងមិនពិតប្រាកដ ដោយលោកស្នើដល់ស្ថាប័នសារព័ត៌មានដែលផ្សាយ សូមមានការបំភ្លឺជាសាធារណៈឡើងវិញ។
លោកមេឃុំជីផាត ក៏បានគូសបញ្ជាក់ដែរថា បើលោកមានដីនៅទីនោះ គឺមានតែ ២ ឬ ៣ ហិតា ប៉ុណ្ណោះ ដោយការលក់ទិញបន្តពីអតីតមេឃុំ និងប្រជាពលរដ្ឋដែលអាស្រ័យតាំងពីឆ្នាំ ១៩៨០ មកម្ល៉េះ។ ចំពោះភូមិសាស្ត្រដីទំនាស់មិនស្ថិតនៅក្នុងភូមិឈូក ឃុំជីខលើ ស្រុកស្រែអំបិល សោះឡើយ ពោលគឺជាក់ស្ដែងនៅក្នុងឃុំជីផាត ស្រុកថ្មបាំង ដោយមានការរស់នៅអាស្រ័យផលកសិកម្មជាក់ស្ដែង។
កាន់តែច្បាស់ពីបញ្ហានេះដែរ លោក សុខ សុទ្ធី អភិបាលរងខេត្តកោះកុង បានពន្យល់ប្រាប់អ្នកសារព័ត៌មានថា សព្វថ្ងៃទីតាំងដីទំនាស់ខាងលើ ស្ថិតនៅភូមិសាស្ត្រស្រុកស្រែអំបិល ប៉ុន្តែពលរដ្ឋឃុំជីផាត ជាអ្នករស់នៅធ្វើស្រែចម្ការពិតប្រាកដមែន។
យោងតាមការបញ្ជាក់របស់ លោក សុខ សុទ្ធី អ្នកនាំពាក្យខេត្តកោះកុង បានចង្អុលបង្ហាញថា កន្លងទៅ មានក្រុមជនខិលខូចមួយចំនួនតូច បានឃុបឃិតគ្នាលួចធ្វើប្លង់គោលខុសច្បាប់ទាក់ទងប្រជាពលរដ្ឋក្រៅខេត្តមកទិញលក់ដីឯកជន និងដីរដ្ឋ នៅចំណុចខាងលើ។ លុះក្រោយមក ក្រុមជនខិលខូច គ្មានដីជាក់ស្ដែងលក់ឲ្យគេ ដោយបានយកលុយពលរដ្ឋក្រៅខេត្តអស់ហើយ ក៏បង្កើតជាព័ត៌មានមួយចំនួនចេតនាអាក្រក់បំភ្លៃការពិតធ្វើឲ្យមហាជនយល់ច្រឡំ។
លោកអភិបាលរងខេត្ត ក៏បានអះអាងថា នាថ្ងៃទី ១២ ខែមីនា ខាងមុខនេះ នឹងមានការប្រជុំកំណត់ព្រំប្រទល់ដីទំនាស់ឲ្យបានច្បាស់ជូនពលរដ្ឋ និងអាចចុះបញ្ជីធ្វើប្លង់កម្មសិទ្ធិបានហើយ។ ដីទំនាស់ស្ថិតក្នុងភូមិសាស្ត្រខាងលើ មានប្រជាពលរដ្ឋប្រមាណ ៤០០ គ្រួសារ ហើយពួកគាត់សុទ្ធតែជាពលរដ្ឋរស់នៅឃុំជីផាតថ្មបាំង ពិតមែន ហើយថែមទាំងមានសាលក្ខប័ត្របញ្ជាក់លេខ ០០១ របស់យុវជនស្ម័គ្រចិត្ត សម្តេចតេជោ វាស់វែងជូនអំឡុងឆ្នាំ ២០១៣៕
អត្ថបទ ៖ សិរិវឌ្ឍនៈ
កសិករនៅស្រុកបារ៉ាយណ៍ បង្ហាញក្ដីសប្បាយរីករាយ ក្រោយអ្នកឧកញ៉ា ឡេង ណាវ៉ាត្រា បន្តក្នុងបុព្វហេតុរួមគ្នាជួយកសិករយើង រួមគ្នាជួយជាតិ និងប្រជាជនយើង
មនុស្ស៣នាក់បានស្លាប់ និង២នាក់ទៀតកំពុងជួយសង្គ្រោះ សង្ស័យករណីពុលស្រា ស
ប្រធានសហគមន៍ដែនជម្រកសត្វព្រៃសង្ឃរុក្ខាវន្ត អំពាវនាវប្រជាពលរដ្ឋ ឱ្យបញ្ឈប់លបលួចបរបាញ់ និងដាក់អន្ទាក់សត្វព្រៃ ក្នុងតំបន់អភិរក្ស
សង្គមស៊ីវិល សហជីព និងពលរដ្ឋចាត់ទុកកម្មវិធី«ផ្តល់ដី ការពារព្រៃ» គឺជាយន្តការដោះស្រាយបញ្ហាដីធ្លីជូនគ្រួសារក្រីក្រយ៉ាងពិតប្រាកដ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Selena ត្រូវគេគំរាមឲ្យចេញពីអាមេរិក ខណៈ Justin បែរបង្ហោះរូបសើចហាក់ឌឺដង
ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥
បុរសម្នាក់ ដុតផាវលេងមិនប្រយ័ត្ន ផ្ទុះបែកប្រអប់ដៃម្ខាង នៅខេត្តមណ្ឌលគិរី
-
ចរាចរណ៍៥ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៥ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ២៤ ម៉ោង agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ២ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៧ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង