ព័ត៌មានជាតិ
នាយកដ្ឋានប្រឆាំងបទល្មើសបច្ចេកវិទ្យា ស្នើឱ្យមានការប្រុងប្រយ័ត្នកុំចុចចូលតំណភ្ជាប់ (Link) ផ្តេសផ្តាស់
នាយកដ្ឋានប្រឆាំងបទល្មើសបច្ចេកវិទ្យា បានអំពាវនាវឱ្យមហាជនមានការប្រុងប្រយ័ត្នខ្ពស់ចំពោះការផ្ញើសារឱ្យចុចដំណភ្ជាប់ (Link) ឬ ចូលគណនីធនាគារផ្ទាល់ខ្លួន ចៀសវាងត្រូវបានបោកប្រាស់តាមប្រព័ន្ធអេឡិចត្រូនិច។ នេះបើតាមការផ្សព្វផ្សាយនៅលើទំព័រហ្វេសប៊ុករបស់អគ្គស្នងការដ្ឋាននគរបាលជាតិ ថ្ងៃទី០៥ ខែមីនា ឆ្នាំ២០២៤។
![](https://www.kampucheathmey.com/wp-content/uploads/2024/03/image-266-1024x1024.png)
រូបភាព៖ នាយកដ្ឋានប្រឆាំងបទល្មើសបច្ចេកវិទ្យា
នៅក្នុងការអំពាវនានោះបានបញ្ជាក់ថា ប្រសិនបើមានសារ (SMS) ស្នើសុំជាបន្ទាន់នូវព័ត៌មានផ្ទាល់ខ្លួន ដើម្បីចូលទៅកាន់គណនីធនាគារ ការស្នើសុំលេខអត្តសញ្ញាណ ឬក៏ដើម្បីបញ្ជាក់នូវព័ត៌មានគណនីធនាគាររបស់លោកអ្នក សូមកុំចុចទៅលើតំណភ្ជាប់ (Link) ដែលទទួលបាននោះ ឬកុំឆ្លើយតប និងផ្ដល់នូវព័ត៌មានផ្ទាល់ខ្លួន ឬព័ត៌មានគណនី ជាដាច់ខាត។ បើមានការមន្ទិលសង្ស័យ នាយកដ្ឋានប្រឆាំងបទល្មើសបច្ចេកវិទ្យា ស្នើឱ្យទំនាក់ទំនងទៅកាន់គ្រឹះស្ថានហិរញ្ញវត្ថុរបស់នោះ ដើម្បីបញ្ជាក់អោយបានច្បាស់លាស់មុននិងចុចទៅលើតំណភ្ជាប់ (Link)។ នាយកដ្ឋានប្រឆាំងបទល្មើសបច្ចេកវិទ្យា បញ្ជាក់ទៅកាន់សាធារណជនគ្រប់រូបដែលបានប្រើប្រាស់បណ្តាញសង្គមនានា សូមកុំចុចតំណរភ្ជាប់ទាំងឡាយណាដែលគ្មានប្រភពច្បាស់លាស់ ចៀសវាងការកើតឡើងនូវហានិភ័យផ្សេងៗ។
![](https://www.kampucheathmey.com/wp-content/uploads/2024/03/image-267.png)
តាមការសង្កេត បច្ចុប្បន្ននេះមនុស្សគ្រប់រូបតែងនិយមប្រើប្រាស់បណ្តាញសង្គមជាច្រើន ហើយក៏ជួយផ្តល់ប្រយោជន៍ជាច្រើនមកវិញដែរ។ ទន្ទឹមនេះ ក៏មានគុណវិបត្តិនានាចំពោះបណ្តាញសង្គម ដែលមនុស្សគ្រប់រូបគួរមានការយល់ដឹងខ្ពស់ និងប្រុងប្រយ័ត្នផងដែរ។ ជាក់ស្តែង ក្នុងអំឡុងពេលនេះ ក៏មានជនឆបោកមួយចំនួន ឆ្លៀតឱកាសនេះបោកប្រាស់មនុស្សតាមរយៈបណ្តាញសង្គម ដូចជាការចុចដំណភ្ជាប់ ឬ ចូលគណនីធនាគារ និងបោកប្រាស់ឱ្យផ្ញើលុយឱ្យពួកគេថែមទៀត។ ករណីនេះនៅតែមានប្រជាជនមួយចំនួនត្រូវបានជនឆបោក បោកប្រាស់លុយកាក់អស់ជាច្រើនតាមវិធីសាស្ត្រផ្សេងៗ ដូច្នេះ មុននឹងសម្រេចថាជឿអ្វីមួយត្រូវស្វែងយល់ឱ្យបានច្បាស់ និងស៊ើបដំណឹងនោះឱ្យបានត្រឹមត្រូវជាមុនសិន៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ