ព័ត៌មានជាតិ
និស្សិត RUFA រួមគ្នាបង្កើតកម្មវិធី ដើម្បីអបអរសាទរ ទិវាវប្បធម៌ជាតិលើកទី២៦
និស្សិត នៃសកលវិទ្យាល័យភូមិន្ទវិចិត្រសិល្បៈ ក្រោមការសម្របសម្រួលពីសំណាក់ សាស្រ្ដាចារ្យ លោកគ្រូ-អ្នកគ្រូ ដែលសុទ្ធសឹងតែមានជំនាញ ផ្នែកវប្បធម៌ សិល្បៈបុរាណ រួមគ្នាបង្កើតកម្មវិធី ដើម្បីអបអរសាទរ ទិវាវប្បធម៌ជាតិលើកទី២៦ ក្រោមប្រធានបទ «យុវជនដើម្បីវប្បធម៌ជាតិ» កាលពីថ្ងៃទី ០៥ ខែមីនា ឆ្នាំ២០២៤ ម្សិញមិញនេះ។

ក្នុងកម្មវិធី ដែលប្រព្រឹត្តនៅនៅក្នុងបរិវេណ សាកលវិទ្យាល័យភូមិន្ទវិចិត្រសិល្បៈ នេះដែរ គេសង្កេតឃើញថា មានយុវជន-យុវនារី សិស្ស-និស្សិត បាននាំគ្នាមកចូលរួមទស្សនាការសម្ដែង របស់និស្សិតមកពីតេប៉ាដឺម៉ង់ ផ្សេងៗ ក្នុងនោះរួមមាន៖ របាំក្បាច់បុរាណ «តាខឺង» របាំប្រពៃណី« រៃនិងស្រមោច» ល្ខោននិយាយរឿងកន្ទុយបារី ល្ខោនយីកេ រឿងមាយើង ឈុតដូរប្រពន្ធ របាំសហសម័យ សម្ដែងដោយក្រុម ក្រឹស្ណរៈ ការសម្ដែងម៉ូដសម្លៀកបំពាក់ច្នៃអំពីហូលខ្មែរ និងការសម្ដែងមួយចំនួនទៀត ផងដែរ។

គូសបញ្ជាក់ថា គោលបំណងនៃការរៀបចំកម្មវិធីនេះឡើង ដើម្បីយុវជន-យុវនារី សិស្ស-និស្សិត ក៏ដូចជាសាធារណៈជនខ្មែរទូទៅ បានស្គាល់ និងបានស្វែងយល់ពី ប្រភពនៃឬសគល់ វប្បធម៌ អរិយធម៌ សិល្បៈបុរាណខ្មែរ ដែលបានបន្សល់ទុកមកតាំងពីជំនាន់ដូនតាខ្មែរ និងដើម្បីអភិរក្ស ថែរក្សាសម្បត្តិវប្បធម៌ទាំងអស់នេះ ឱ្យនៅគង់វង្សរហូតទៅ។

សូមជម្រាបថា ដើម្បីអបអរសាទរ ទិវាវប្បធម៌ជាតិ លើកទី២៦ ក្រោមប្រធានបទ «យុវជនដើម្បីវប្បធម៌ជាតិ» និស្សិត និងគណៈគ្រប់គ្រងសាកលវិទ្យាល័យភូមិន្ទវិចិត្រសិល្បៈ បានរួមគ្នាបង្កើតកម្មវិធីផ្ទាំងទស្សនីយភាព ផ្សេងៗ ដើម្បីសម្ដែងជូនសាធារណៈជនទូទៅ ក្នុងគោលបំណងចង់យុវជន សិស្ស-និស្សិត បានស្គាល់ និងបានស្វែងយល់ពី វប្បធម៌-អរិយធម៌ ពោលគឺសិល្បៈបុរាណរបស់ខ្មែរ ដែលមានប្រវត្តិដ៏យូរលង់ណាស់មកហើយ៕
អត្ថបទ ៖ សួស សិត




-
ព័ត៌មានជាតិ១ សប្តាហ៍ ago
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
សន្តិសុខសង្គម៥ ថ្ងៃ ago
មនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៧ ថ្ងៃ ago
យប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៤ ថ្ងៃ ago
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ៦ ថ្ងៃ ago
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ៤ ថ្ងៃ ago
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សន្តិសុខសង្គម៧ ថ្ងៃ ago
ខ្យល់កន្ត្រាក់ និងរន្ទះបាញ់ កើតឡើងលើស្រុកចំនួនពីរក្នុងខេត្តបាត់ដំបង
-
ព័ត៌មានអន្ដរជាតិ២ ថ្ងៃ ago
ត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក