ព័ត៌មានជាតិ
អ្នកនាំពាក្យ ៖ ស្ត្រីជាកម្មការិនីដើរតួនាទីដ៏សំខាន់ក្នុងការចូលរួមលើកស្ទួយសង្គម និងសេដ្ឋកិច្ចជាតិ
អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានអះអាងថា ស្ត្រីជាកម្មការិនីបម្រើការងារក្នុងវិស័យកាត់ដេរ បានដើរតួនាទីដ៏សំខាន់ក្នុងការចូលរួមលើកស្ទួយសង្គម និងសេដ្ឋកិច្ចជាតិ ឱ្យកាន់តែរីកចម្រើន។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ៧ មីនា នេះថា បច្ចុប្បន្ននៅទូទាំងប្រទេសមានរោងចក្រកាត់ដេរចំនួន ១ ៥៣៩ មានកម្មករ ចំនួន ៨៩៩ ៤៨៣ នាក់ ក្នុងនោះមានស្ត្រីចំនួន ៦៧៩ ៦៣៦ នាក់។
លោកបានបន្តថា កម្លាំងស្ត្រី ជាស្នួល នៃឧស្សាហកម្មកាត់ដេរ ហើយចំណូលបានមកពីការងារចូលរួមចំណែកក្នុងជីវភាពប្រចាំថ្ងៃរបស់គាត់ និងក្រុមគ្រួសាររាប់លាននាក់ ដែលទាំងនេះជាការរួមចំណែកទ្រទង់សេដ្ឋកិច្ចគ្រួសារ សេដ្ឋកិច្ចជាតិ និងកាត់បន្ថយភាពក្រក្រី។
លោកបានណែនាំដល់កម្មករ-កម្មការិនី ថា «ឱកាសការងារមានច្រើនណាស់ ដែលរោងចក្រសហគ្រាស កំពុងជ្រើសរើសសព្វថ្ងៃ និងកាន់តែច្រើនទៅនៅពេលខាងមុខ។ សូមលើកទឹកចិត្តដល់បងប្អូនខិតខំធ្វើការងារ គោរពច្បាប់ការងារ សម្រេចឱ្យបានសហគ្រាសមួយ សហគមន៍សុខសាន្តមួយ ដើម្បីលើកកម្ពស់ជីវភាព ចូលរួមអភិវឌ្ឍន៍ប្រទេសជាតិ និងសុខដុមរមនាសង្គម»។
ជាមួយគ្នានេះ លោក កត្តា អ៊ន បានជំរុញឱ្យកម្មករ-កម្មការិនី ត្រូវអភិវឌ្ឍន៍ចំណេះដឹងបន្ថែម ពិសេសចូលរួមក្នុងកម្មវិធីបណ្ដុះបណ្ដាលវិជ្ជាជីវៈរបស់រាជរដ្ឋាភិបាលដោយឥតគិតថ្លៃ ដើម្បីទទួលបាននូវចំណេះជំនាញថ្មីៗ សំដៅធ្វើយ៉ាងណាក្លាយជាកម្មករ-និយោជិត ដែលមានជំនាញវិជ្ជាជីវៈពិតប្រាកដ។
លោកបានបន្ថែមថា កម្មវិធីបណ្ដុះបណ្ដាលជំនាញនេះចែកចេញជា ៣ វេន គឺ វេនទី ១ ចាប់ពីថ្ងៃច័ន្ទ ដល់ថ្ងៃសុក្រ រៀនពេលព្រឹក និងល្ងាច។ វេនទី ២ ចាប់ពីថ្ងៃច័ន្ទ ដល់ថ្ងៃសុក្រ រៀនពេលយប់ និងវេនទី ៣ រៀននៅថ្ងៃសៅរ៍ និងថ្ងៃអាទិត្យ រៀនពេលព្រឹក និងល្ងាច ខណៈបច្ចុប្បន្នមានយុវជនមកពីគ្រួសារក្រីក្រ ងាយរងហានិភ័យ និងយុវជនទូទៅ ក្នុងនោះមានកម្មករ-និយោជិត ដែរនោះ កំពុងសិក្សាជំនាញចំនួន ១២ ១១២ នាក់ ស្រី ៤ ១២០ នាក់ ចែកជា ៥៣៥ ថ្នាក់ ក្នុងនោះក្រុមគោលដៅមានចំនួន ៥ ៦៤៤ នាក់ ស្រី ២ ២៧១ នាក់ សិក្សាលើវិស័យ សំណង់ អគ្គិសនី និងថាមពល , អេឡិចត្រូនិក, កម្មន្តសាល, មេកានិកទូទៅ/មេកានិករថយន្ត, ធុរកិច្ច និងព័ត៌មានវិទ្យា , សេវាកម្ម, បរិក្ខារត្រជាក់ និងកម្តៅ ,ទេសចរណ៍, និង កសិកម្ម និង កសិ-ឧស្សាហកម្ម៕
អត្ថបទ ៖ សំអឿន
កងកម្លាំងឆ្មាំព្រំដែនរដ្ឋ Karen មីយ៉ាន់ម៉ាប្រគល់ ជនជាតិចិន៣៦៥នាក់ឱ្យថៃ
របាយការណ៍ចុងបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
គណៈរដ្ឋមន្ត្រីថៃអនុម័ត បុណ្យបណ្តែតកន្ទោង ក្នុងបញ្ជីភណ្ឌវប្បធម៌អរូបីរបស់យូណេស្កូ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
សម្តេច ម៉ែន សំអន ចូលរួមសោកស្តាយចំពោះការបាត់បង់បងប្រុសធំ សម្តេចតេជោ ហ៊ុន សែន
-
ព័ត៌មានអន្ដរជាតិ១៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?