ព័ត៌មានជាតិ
App ថ្មីក្រសួងបរិស្ថាន អាចតាមដានដឹងដំណើរការស្នើសុំវាយតម្លៃផលប៉ះពាល់បរិស្ថានពីរោងចក្រសហគ្រាស
លោក អ៊ាង សុផល្លែត រដ្ឋមន្រ្តីក្រសួងបរិស្ថានបានឲ្យដឹងថា ក្រសួងបរិស្ថាននឹងបង្កើត App ថ្មី (E-Administration) ដែលនឹងជួយសម្រួលដល់ដំណើរការស្នើសុំការវាយតម្លៃផលប៉ះពាល់បរិស្ថានពីសហគ្រាសរោងចក្រនានា។
«តាមរយៈ App នេះ នៅពេលក្រុមហ៊ុន ឬរោងចក្រសហគ្រាស ដាក់ស្នើសុំវាយតម្លៃផលប៉ះពាល់បរិស្ថាន (EIA) ថ្នាក់ដឹកនាំក្រសួងនឹងដឹងឮទាំងអស់គ្នា។ ពីណាកាក់ឯកសារ ពីណាខ្ទប់ឯកសារមើលដឹងទាំងអស់ អីចឹងលាក់លែងបាន»។ នេះបើតាមលោក អ៊ាង សុផល្លែត។
អ្វីដែលលោកស្នើគឺឲ្យក្រុមហ៊ុន ឬសហគ្រាសយកឯកសារមកចុះបញ្ជីនៅរដ្ឋបាលក្រសួង ចុះលេខនៅរដ្ឋបាល ដែលអាចឲ្យលោករួមទាំងថ្នាក់ដឹកនាំផ្សេងទៀតអាចតាមដានដឹងពីដំណើរការនៃការស្នើសុំនេះ។
លោកបានបញ្ជាក់ថា លទ្ធផលការធ្វើវាយតម្លៃផលប៉ះពាល់បឋមយ៉ាងយូរមួយខែ និងពេញលេញពី ៣ ទៅ ៦ ខែ ដែលកន្លងទៅត្រូវចាយពេលរាប់ឆ្នាំ។
លោកក៏បានបញ្ជាក់បន្ថែមមានការលើកឡើងហេតុអ្វីយកការវាយតម្លៃផលប៉ះពាល់បរិស្ថាន (EIA) ឲ្យនៅក្រោមរដ្ឋមន្រ្តី ចាត់ចែង ម៉េចមិនឲ្យនៅក្រោមអគ្គនាយក។ បើតាមលោក អ៊ាង សុផល្លែត ការដាក់នៅក្រោមរដ្ឋមន្រ្តីដើម្បីសម្រួលឲ្យបានលឿនកុំឲ្យឆ្លងកាត់នីតីវិធីស្មុគស្មាញច្រើនពេក។
យោងតាមក្របខ័ណ្ឌច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិឆ្នាំ១៩៩៦ រាល់ការអនុវត្តគម្រោងវិនិយោគ តម្រូវឱ្យមានការវាយតម្លៃហេតុប៉ះពាល់បរិស្ថាន។ សកម្មភាពទាំងនោះរួមមាន គម្រោងកសិ-ឧស្សាហកម្ម រោងចក្រផ្នែកផលិតផលពីឈើ និងក្រដាស ការរុករករ៉ែ រោងចក្រសារធាតុគីមី វាយនភណ្ឌ រោងចក្រថាមពល ទេសចរណ៍ និងហេដ្ឋារចនាសម្ព័ន្ធជាដើម។
ទោះជាយ៉ាងណា ក៏មានការលើកលែងលើគម្រោងទាំងឡាយណាដែលមានលក្ខណៈពិសេសនិងមានសារៈសំខាន់ខ្លាំង ដែលសម្រេចដោយរាជរដ្ឋាភិបាល។
កាលពីថ្ងៃទី០៣ ខែកុម្ភៈ ឆ្នាំ២០២០ ក្រសួងបរិស្ថានបានចេញប្រកាសលេខ ០២១ ស្តីពីការចាត់ថ្នាក់នៃការវាយតម្លៃហេតុប៉ះពាល់បរិស្ថានសម្រាប់គម្រោងអភិវឌ្ឍន៍ ដែលជាការធ្វើបច្ចុប្បន្នភាពបន្ថែមលើអនុក្រឹត្យលេខ ៧២ ស្តីពីការវាយតម្លៃហេតុប៉ះពាល់បរិស្ថានចុះថ្ងៃទី១១ ខែ សីហា ឆ្នាំ១៩៩៩ និងប្រកាសរួមលេខ ១៤២៨ ស្តីពីថ្លៃសេវាសាធារណៈចុះថ្ងៃទី២០ ខែ វិច្ឆិកា ឆ្នាំ២០១៤ ដែលចេញដោយក្រសួងសេដ្ឋកិច្ច និងហិរញ្ញវត្ថុ និងក្រសួងសេដ្ឋកិច្ចនិងហិរញ្ញវត្ថុ។ គោលបំណងដើម្បីចាត់ថ្នាក់គម្រោងវិនិយោគណាដែលជាកម្មវត្ថុនៃការវាយតម្លៃហេតុប៉ះពាល់បរិស្ថានដំបូង ឬការវាយតម្លៃហេតុប៉ះពាល់បរិស្ថានពេញលេញ ដោយផ្អែកលើលក្ខណៈនិង/ឬទំហំនៃគម្រោង។
គោលដៅនៃប្រកាសនេះគឺ ការចាត់ថ្នាក់នៃការវាយតម្លៃហេតុប៉ះពាល់បរិស្ថានសម្រាប់គម្រោងអភិវឌ្ឍន៍ដែលតម្រូវឱ្យមានកិច្ចសន្យាការពារបរិស្ថាន ឬការវាយតម្លៃហេតុប៉ះពាល់បរិស្ថានដំបូង ឬការវាយតម្លៃហេតុប៉ះពាល់បរិស្ថានពេញលេញ។ ប្រកាសនេះត្រូវបានអនុវត្តចំពោះរាល់សំណើនៃគម្រោងអភិវឌ្ឍន៍ដែលរួមមានគម្រោងដែលមានស្រាប់ និងកំពុងបន្តរបស់
បុគ្គល ឯកជន ឬក្រុមហ៊ុនឯកជន ក្រុមហ៊ុនបណ្តាក់ទុនរួមគ្នា ក្រុមហ៊ុនសាធារណៈ ឬក្រសួង ឬទីភ្នាក់ងាររបស់រដ្ឋាភិបាល៕
ម្ចាស់ Telegram ថាខ្លួននឹងផ្តល់ទិន្នន័យអ្នកប្រើប្រាស់ដល់អាជ្ញាធរតាមដីកា
ឈ្វេងយល់ពីនីតិវិធីនៃការដកខ្លួនចេញពីកិច្ចសហប្រតិបត្តិការCLV-DTA
តើក្រុមហេសបូឡានៅលីបង់ជានរណា និង ហេតុអ្វីត្រូវធ្វើសត្រូវជាមួយអ៊ីស្រាអែល?
តុលាការកំពូល បំភ្លឺអង្គហេតុ និងច្បាប់ ជុំវិញវិវាទដីធ្លីនៅវត្តចង្ក្រានតាព្រហ្មស្ទឹងមានជ័យ
ជំនឿកប់សពរួមក្នុងព្រៃជនជាតិដើមភាគតិចខេត្តមណ្ឌលគិរីដាក់ពាងចំណាំំ ចែកតាមឋានៈគ្រួសារ
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ
រលកយក្សស៊ូណាមិតូចមួយវាយប្រហារប្រជុំកោះ Izu របស់ជប៉ុន
កម្ពស់ទឹកទន្លេមេគង្គខេត្តក្រចេះខ្វះតែ ០,៦០ ម៉ែត្រទៀត ដល់កម្រិតប្រកាសឲ្យប្រុងប្រយ័ត្ន
ឡើងកម្តៅ! អ៊ីស្រាអែល សម្លាប់មនុស្សជិត ៥០០នាក់នៅលីបង់ ខណៈអាមេរិក បញ្ជូនទ័ពបន្ថែមទៅ មជ្ឈិមបូព៌ា
-
ព័ត៌មានជាតិ៦ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានជាតិ៤ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១០ ម៉ោង agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានអន្ដរជាតិ៦ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ១ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ