ព័ត៌មានជាតិ
អាជ្ញាធរឃុំឈ្នួមានជ័យ ជីកប្រឡាយស្ថាបនាផ្លូវទាក់ទាញទេសចរណ៍ទស្សនាតំបន់រហាលកេះដែលសំបូរសត្វស្លាបរាប់មុឺនក្បាល
ដើម្បីទាក់ទាញអោយភ្ញៀវទេសចរទៅទស្សនាសហគមន៍តំបន់ការពារធម្មជាតិទេសចរណ៍រហាលកេះ(អាវៀង)ដែលសំបូរសត្វស្លាបរាប់មុឺនក្បាលហោះហើរលើវេហា និងចូលទ្រនំទំលើមែកឈើនាពេលរសៀលនៅរដូវវស្សាបាន ខណះបច្ចុប្បន្នតំបន់ទេសចរណ៍មួយនេះដែលនៅមិនឆ្ងាយពីទីរួមខេត្តបន្ទាយមានជ័យប្រមាណជា២៣គីឡូម៉ែត្រ ស្ថិតនៅក្នុងឃុំឈ្នួមានជ័យស្រុកព្រះនេត្រព្រះជាប់នឹងក្រុងសិរីសោភ័ណមិនអាចធ្វើដំណើរបាននារដូវវស្សា។ ទើបអាជ្ញាធរឃុំឈ្នួមានជ័យបានខិតខំរកដៃគូមកអភិឌ្ឍន៍ជីកប្រឡាយស្ថាបនាផ្លូវតភ្ជាប់ពីផ្លូវជាតិលេខ៦A ដែលជាផ្លូវទេសចរណ៍ដ៏សំខាន់ទៅកាន់តំបន់ទេសចរណ៍រហាលកេះខាងលើតាមរយៈជិះទូកកាណូតនារដូវវស្សាទឹកលិច។
![](https://www.kampucheathmey.com/wp-content/uploads/2024/03/photo_2024-03-08_14-48-00-1024x682.jpg)
តាមរយះការផ្តល់បទសម្ភាសពីលោក ខុង ប៊ុន មេឃុំឈ្នួមានជ័យដល់អ្នកយកព័ត៍មានយើងកាលពីរសៀលថ្ងៃទី៧មីនា បានអោយដឹងថា ជាកិច្ចផ្តួចផ្តើមរបស់លោកនៅដើមឆ្នាំ២០២៤នេះដើម្បីសម្រួលដល់ការធ្វើដំណើររបស់ភ្ញៀវទេសចរ និងជាប្រយោជន៍សម្រាប់កសិករបានទឹកស្រោចស្របដំំណាំកសិកម្មឃុំបានធ្វើគម្រោងចំនួន២ គឺជីកប្រឡាយប្រវែងជាង៨គីឡូម៉ែត្រ ទៅទល់នឹងបឹងអភិរក្សរហាលកេះដើម្បីអោយភ្ញៀវទេសចរអាចទៅកំសាន្តលេងនារដូវវស្សា និងមួយទៀតគឺការលើកផ្លូវប្រវែងជាង៣គីឡូម៉ែត្រតភ្ជាប់ពីផ្លូវភូមិរពាក់ដែលភ្ជាប់ពីផ្លូវជាតិលេខ៦A ទៅដល់តំបន់សត្វស្លាប។
![](https://www.kampucheathmey.com/wp-content/uploads/2024/03/photo_2024-03-08_14-47-52-1024x682.jpg)
តាមការរំពឹងទុកក្រោយជីកប្រឡាយ និងស្ថាបនាផ្លូវនៅខែមេសាខាងមុខដែលជារដូវបុណ្យចូលឆ្នាំប្រពៃណីជាតិនឹងមានភ្ញៀវទេសចរមកកំសាន្តច្រើន ហើយរហូតដល់ខែវស្សាក៏នៅតែមានភ្ញៀវមកកំសាន្តលេងតាមរយះការជិះទូកកាណូត ដោយបច្ចុប្បន្នចាប់ពីចុងខែមករា មកជាពិសេសរៀងរាល់ថ្ងៃសៅរ៍ ថ្ងៃអាទិត្យ មានភ្ញៀវមកកំសាន្តលេងចន្លោះពី២០០ទៅ៣០០នាក់ ធ្វើដំណើរតាមម៉ូតូ រថយន្តគ្រប់ប្រភេទ តាមផ្លូវគោកលើផ្លូវខ្នងប្រឡាយ រួចកាត់វាលស្រែទៅកាន់ទីនោះ។ភ្ញៀវបានអង្គុយមើលថ្ងៃលិច មើលសត្វស្វាបហើរចូលទ្រនំ រាប់ម៉ឺនសែនក្បាល នៅវេលាចាប់ពីម៉ោង ៥ ទៅម៉ោង៦ល្ងាច ។ ក្រៅពីនេះភ្ញៀវទេសចរក៏អាចជិះទូកលេងលើផ្ទៃបឹងមើលការនេសាទត្រី ជាលក្ខណៈគ្រួសារ និងអាចទស្សនាការដាំផ្លែឪឡឹក ឬទិញបរិភោគភ្លាមៗនៅនឹងចម្ការ។
![](https://www.kampucheathmey.com/wp-content/uploads/2024/03/photo_2024-03-08_14-48-04-1024x682.jpg)
តាមអាជ្ញាធរប្រវត្តិតំបន់នេះវាជាទំនប់ស្ទាក់បំបែក និងបង្វែរទឹកនៃប្រព័ន្ធធារាសាស្ត្រ ដែលកសាងឡើងក្នុងសម័យកម្ពុជាប្រជាធិបតេយ្យ (ឆ្នាំ១៩៧៥-៧៩ ) ។ តំបន់រហាលកេះនេះមានផ្ទៃដីទឹក និងព្រៃលិចទឹក ទំហំ ២៨ ហិកតា។ មានសត្វស្លាបបានកើនចំនួនជិត ១០ ប្រភេទ។ រួមមានសត្វស្លាប ចង្គៀលខ្យង ក្អែកទឹក ស្មោញ ត្រយ៉ង ទាព្រៃ ទុងប្រផេះ ខ្វែកធំ ទោម ត្លុម មាន់ទឹក ជាដើម។ ក្រៅពីនោះ មានសត្វកុក យ៉ាងច្រើនដែរ ៕
អត្ថបទ៖ អ ពៅ
![](https://www.kampucheathmey.com/wp-content/uploads/2024/03/photo_2024-03-08_14-48-10-1024x478.jpg)
![](https://www.kampucheathmey.com/wp-content/uploads/2024/03/photo_2024-03-08_14-48-07-1024x478.jpg)
![](https://www.kampucheathmey.com/wp-content/uploads/2024/03/photo_2024-03-08_14-47-57.jpg)
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ