ព័ត៌មានជាតិ

រដ្ឋាភិបាល បានឧបត្ថម្ភថវិកាដល់ខេត្តជាប់ព្រំដែន សម្រាប់ធ្វើចត្តាឡីស័ក ចំនួន៩៤៨៥លានរៀល

បានផុស

៤ years មុន

នៅ

ថ្ងៃសុក្រ ១៩ កុម្ភៈ ២០២១

ដោយ

រដ្ឋមន្ត្រីក្រសួងសុខាភិបាល បានមានប្រសាសន៍ថា រហូតមកដល់ថ្ងៃទី១៨ ខែកុម្ភៈ ឆ្នាំ២០២១នេះ រដ្ឋាភិបាល បានឧបត្ថម្ភថវិកាដល់ខេត្តជាប់ព្រំដែនកម្ពុជា-ថៃ សម្រាប់ធ្វើចត្តាឡីស័កចំនួន៩៤៨៥លានរៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសន្និសីទកាសែត នៅទីស្តីការក្រសួងសុខាភិបាលនៅព្រឹកនេះ លោក សាស្ត្រាចារ្យ ម៉មប៊ុនហេង រដ្ឋមន្ត្រីក្រសួងសុខាភិបាលបានឲ្យដឹងថា ក្នុងនោះរដ្ឋាភិបាលក៏បានផ្ដល់ជាឃីតចំនួន៤៣០០០ឃីត ដែលក្នុងនោះមានកន្ទេល ភួយ សារុង ក្រមា និងមីចំនួន២៤៧០០កេសនិងទឹកបរិសុទ្ធចំនួន៥២០០០ដប។ លោករដ្ឋមន្ត្រីបានបន្តថា ទន្ទឹមនឹងនេះ រដ្ឋាភិបាលបានផ្តល់របបអាហារ ក្នុង១នាក់ចំនួន២ម៉ឺនរៀល ផងដែរ សម្រាប់សម្រួលដល់បងប្អូនពលករធ្វើចត្តាឡីស័ក។ លោករដ្ឋមន្ត្រីបានបន្ថែមថា រហូតមកដល់ពេលនេះ មានពលករខ្មែរបានធ្វើចត្តាឡីស័កចំនួន៣៨៩៤៤នាក់ ក្នុងនោះអ្នកកំពុងធ្វើចត្តាឡីស័កចំនួន១១៧៩២នាក់។

លោករដ្ឋមន្ត្រីបានឲ្យដឹងទៀតថា ដោយឡែកអ្នកកំពុងធ្វើចត្តាឡីស័កនៅខេត្តជាប់ព្រំដែនវៀតណាម មានចំនួន២០៤២នាក់ និងទទួលបានការឧបត្ថម្ភពីរាជរដ្ឋាភិបាលនិងឧបករណ៍ប្រើប្រាស់ដូចនៅខេត្តជាប់ព្រំដែនកម្ពុជាថៃដែរ។ លោករដ្ឋមន្ត្រីបានបញ្ជាក់ថា រដ្ឋាភិបាលក៏បានត្រៀមថវិកាបម្រុង សម្រាប់ឧបត្ថម្ភដល់ខេត្តជាប់ព្រំដែនសម្រាប់ធ្វើចត្តាឡីស័កចំនួន៤៤៥លានបន្ថែមទៀត ផងដែរ៕

អត្ថបទ៖ សំអឿន

សូមចុចអាន៖ អាជ្ញាធរខេត្តបន្ទាយមានជ័យប្រកាសស្វែងរកពលករខ្មែរម្នាក់លួចរត់ចេញពីកន្លែងចត្តាឡីស័ក