ព័ត៌មានជាតិ

ប.ស.ស អំពាវនាវដល់សមាជិកបាត់ ឬ ខូចបណ្ណ ប.ស.ស ត្រូវស្នើសុំបោះពុម្ពបណ្ណថ្មីប្រើប្រាស់ឡើងវិញ

បានផុស

១១ ខែ មុន

នៅ

ថ្ងៃចន្ទ ១១ មីនា ២០២៤

ដោយ

បេឡាជាតិសន្តិសុខសង្គម (ប.ស.ស) បានអំពាវនាវដល់សមាជិកបាត់ ឬ ខូចបណ្ណ ប.ស.ស ត្រូវស្នើសុំបោះពុម្ពបណ្ណថ្មីប្រើប្រាស់ឡើងវិញ ដោយភ្ជាប់មកជាមួយអត្តសញ្ញាណបណ្ណ ឬលិខិតឆ្លងដែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម ប.ស.ស បានឱ្យដឹងថា «នៅពេលសមាជិក ប.ស.ស បាត់ ឬ ខូចបណ្ណ ប.ស.ស សូមលោកអ្នកជូនដំណឹងមកកាន់សាខា ប.ស.ស ដែលនៅជិតបំផុត ដើម្បីស្នើសុំបោះពុម្ពបណ្ណថ្មីប្រើប្រាស់ឡើងវិញ»។

-សម្រាប់ការស្នើសុំបោះពុម្ពបណ្ណថ្មី តម្រូវឱ្យភ្ជាប់ឯកសាររួមមាន ៖ អត្តសញ្ញាណបណ្ណសញ្ជាតិខ្មែរច្បាប់ដើម និងសម្រាប់ជនជាតិបរទេស គឺត្រូវការលិខិតឆ្លងដែន ដើម្បីស្នើសុំបោះពុម្ពបណ្ណថ្មី។

-ការស្នើសុំបោះពុម្ពបណ្ណ ឬទុតិយតាឡើងវិញ ត្រូវចំណាយប្រាក់ ៥ ០០០ រៀល។

គួរបញ្ជាក់ថា ប.ស.ស បាននិងកំពុងអនុវត្តរបបសន្តិសុខសង្គមចំនួន ៣ រួមមាន របបថែទាំសុខភាព របបហានិភ័យការងារ និងរបបសោធននិវត្ត។ ក្រៅពីនេះ ប.ស.ស បានកំពុងអនុវត្តរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស ជាមន្ត្រីសាធារណៈ កម្មករ-និយោជិត និងបុគ្គលស្វ័យនិយោជន៍ផងដែរ៕

អត្ថបទ ៖ សំអឿន