ព័ត៌មានជាតិ

មន្ទីរពេទ្យតេជោសែន កោះធំ បំពាក់ប្រព័ន្ធបច្ចេកវិទ្យាទំនើប នឹងសម្ពោធដាក់ឱ្យប្រើប្រាស់ជាផ្លូវការ ស្អែកនេះ

បានផុស

១១ ខែ មុន

នៅ

ថ្ងៃអង្គារ ១២ មីនា ២០២៤

ដោយ

មន្ទីរពេទ្យតេជោសែន កោះធំ នឹងសម្ពោធដាក់ឱ្យប្រើប្រាស់ជាផ្លូវការ នៅថ្ងៃទី ១៣ ខែមីនា ឆ្នាំ ២០២៤ ស្អែកនេះ ក្រោមអធិបតីភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសដឹកនាំចុះពិនិត្យការរៀបចំការបំពាក់សម្ភារៈបរិក្ខារពេទ្យ ហេដ្ឋារចនាសម្ព័ន្ធ មន្ទីរពេទ្យតេជោសែន កោះធំ ត្រៀមសម្ពោធនៅថ្ងៃស្អែក លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានឱ្យដឹងថា មន្ទីរពេទ្យនេះ មានទីតាំងស្ថិតក្នុងស្រុកកោះធំ ខេត្តកណ្ដាល និងបានសាងសង់អគារថ្មី ៣ ខ្នង ទំហំសរុប ១២.៥៤៤,៤ ម៉ែត្រការ៉េ ដែលអាចផ្ទុកគ្រែអ្នកជំងឺបាន ១៥០ គ្រែ មានបំពាក់ដោយម៉ាស៊ីនត្រជាក់ ប្រព័ន្ធបច្ចេកវិទ្យាទំនើប សម្ភារៈបរិក្ខារពេទ្យ និងឧបករណ៍បច្ចេកទេសទំនើបៗ បម្រើឱ្យការព្យាបាល។

អគារថ្មីចំនួន ០៣ ខ្នង រួមមាន ៖ ១) អគារមន្ទីរពេទ្យ ចំនួន ០១ ខ្នង មាន ០៣ ជាន់ ដែលជាន់ផ្ទាល់ដី មានទំហំ ៣.៥១៤,៨ ម៉ែត្រការ៉េ ជាន់ទី ១ មានទំហំ ៣.៥១៤,៨ ម៉ែត្រការ៉េ និង ជាន់ទី ២ មានទំហំ ៣.៥១៤,៨ ម៉ែត្រការ៉េ ស្មើនឹងទំហំសរុប ១០.៥៤៤,៤ ម៉ែត្រការ៉េ។ ២) អគារខាងឆ្វេង ចំនួន ០១ ខ្នង មាន ០២ ជាន់ ដែលជាន់ផ្ទាល់ដី មានទំហំ ៥០០ ម៉ែត្រការ៉េ និង ជាន់ទី ១ មានទំហំ ៥០០ ម៉ែត្រការ៉េ ស្មើនឹងទំហំសរុប ១០០០ ម៉ែត្រការ៉េ។ ៣) អគារខាងស្តាំចំនួន ០១ ខ្នង មាន ០២ ជាន់ ដែលជាន់ផ្ទាល់ដីមានទំហំ ៥០០ ម៉ែត្រការ៉េ និង ជាន់ទី ១ មានទំហំ ៥០០ ម៉ែត្រការ៉េ ស្មើនឹងទំហំសរុប ១០០០ ម៉ែត្រការ៉េ៕

អត្ថបទ ៖ សំអឿន