ព័ត៌មានជាតិ
ឯកឧត្ដម ហ៊ុន ម៉ានី លើកទឹកចិត្តបេក្ខជនប្រឡងមន្ត្រីរាជការស៊ីវិលមិនជាប់ សូមកុំបាក់ទឹកចិត្ត
ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង បានលើកទឹកចិត្តដល់បេក្ខជនដែលមិនទាន់ទទួលជោគជ័យចេញពីការប្រឡងប្រជែងជ្រើសរើសមន្ត្រីរាជការស៊ីវិល ឲ្យបម្រើការងារនៅអង្គភាពប្រឆាំងអំពើពុករលួយ ក្រសួងសាធារណការ និងដឹកជញ្ជូន និងក្រសួងកសិកម្ម រុក្ខាប្រមាញ់ និងនេសាទ សូមកុំមានការបាក់ទឹកចិត្ត។
កាលពីយប់ថ្ងៃទី ១១ ខែមីនា ឆ្នាំ ២០២៤ តាមរយៈទំព័រហ្វេសប៊ុក ឯកឧត្ដម ហ៊ុន ម៉ានី ឧបនាយករដ្ឋមន្ត្រី បានសរសេរថា ថ្ងៃនេះ យើងបានប្រកាសលទ្ធផល នៃការប្រឡងប្រជែងជ្រើសរើសមន្ត្រីរាជការស៊ីវិល ឲ្យបម្រើការងារនៅអង្គភាពប្រឆាំងអំពើពុករលួយ ក្រសួងសាធារណការ និងដឹកជញ្ជូន និងក្រសួងកសិកម្ម រុក្ខាប្រមាញ់ និងនេសាទ ហើយ ឯកឧត្ដម សូមចូលរួមអបអរសាទរបេក្ខជនជ័យលាភីទាំងអស់គ្នា។
ឯកឧត្ដម ហ៊ុន ម៉ានី សរសេរបន្តថា លទ្ធផលថ្ងៃនេះ មិនត្រឹមតែជាការបើកទំព័រថ្មីឆ្ពោះទៅវិជ្ជាជីវៈជាមន្ត្រីរាជការស៊ីវិលប្រកបដោយឧត្ដមភាពក្នុងបេសកកម្មបម្រើប្រទេសជាតិ និងប្រជាជនតែប៉ុណ្ណោះទេ ថែមទាំងជាផ្នែកមួយដែលបេក្ខជនបានចូលរួមជំរុញការរីកលូតលាស់របស់សង្គមកម្ពុជា តាមរយៈមន្ត្រីរាជការមានគុណភាព មានសមត្ថភាព និងមានចំណេះដឹង។ ដូច្នេះ បេក្ខជន តោងមានមោទនភាពលើលទ្ធផលទទួលបាន ហើយចាប់យកឱកាសនេះវិវឌ្ឍខ្លួនជាមន្ត្រីរាជការដែលកាន់តែមាន គុណភាព និងឧត្ដមភាព សម្រាប់ជាមោទនភាពដល់ក្រុមគ្រួសារ និងប្រទេសជាតិ។
ឯកឧត្ដមឧបនាយករដ្ឋមន្ត្រី សរសេរបន្ថែមថា ទន្ទឹមនឹងការអបអរសាទរនេះ ឯកឧត្ដម ក៏សូមលើកទឹកចិត្តដល់បេក្ខជនដែលមិនទាន់ទទួលបានជោគជ័យចេញពីការប្រឡងប្រជែង នាពេលនេះ សូមកុំមានការបាក់ទឹកចិត្ត ត្បិតថារាជរដ្ឋាភិបាលកម្ពុជា ក្រោមការដឹកនាំរបស់ សម្ដេចធិបតី នាយករដ្ឋមន្ត្រី បានយកចិត្តទុកដាក់ និងតែងតែផ្ដល់ឱកាសជាបន្តបន្ទាប់ជូនប្រជាពលរដ្ឋបានចូលរួមប្រឡងប្រជែងស្មើៗ ភាពគ្នា ជាហូរហែ។ ជាក់ស្ដែង ក្រសួងមុខងារសាធារណៈ កំពុងបន្តដឹកនាំរៀបចំការប្រឡងប្រជែងជ្រើសរើសមន្ត្រីរាជការស៊ីវិលជូនក្រសួង-ស្ថាប័នអប់រំ យុវជន និងកីឡា ក៏ដូចជា ក្រសួង-ស្ថាប័ន ដទៃទៀត ជាបន្តបន្ទាប់។
គួរជម្រាបថា ក្រសួងមុខងារសាធារណៈ បានរៀបចំដំណើរការប្រឡងប្រជែងជ្រើសរើសមន្ត្រីរាជការ ចូលបម្រើការងារក្នុងក្របខណ្ឌក្រសួង-ស្ថាប័ន ចំនួន ៣ ដែលធ្វើឡើងរយៈពេល ៣ ថ្ងៃ ជាប់គ្នា ចាប់ពីថ្ងៃទី ៣ ដល់ថ្ងៃទី ៥ ខែមីនា ឆ្នាំ ២០២៤។ ក្រសួង-ស្ថាប័ន ទាំង ៣ នោះ រួមមាន ៖ អង្គភាពប្រឆាំងអំពើពុករលួយ, ក្រសួងសាធារណការ និងដឹកជញ្ជូន និងក្រសួងកសិកម្ម រុក្ខាប្រមាញ់ និងនេសាទ។ ចំពោះលទ្ធផល នៃការប្រឡងប្រជែងចូលក្របខណ្ឌអង្គភាពប្រឆាំងអំពើពុករលួយ គឺមានបេក្ខជនជាប់ជាស្ថាពរ ចំនួន ៣៣ នាក់ ដោយក្នុងនោះស្ត្រី ១៣ នាក់, ចំណែក ក្រសួងសាធារណការ និងដឹកជញ្ជូន មានបេក្ខជនជាប់ជាស្ថាពរចំនួន ៩៩ នាក់ ដោយក្នុងនោះស្ត្រី ១៨ នាក់ និងក្រសួងកសិកម្ម រុក្ខាប្រមាញ់ និងនេសាទ មានបេក្ខជនជាប់ជាស្ថាពរ ចំនួន ៥២ នាក់ ដោយក្នុងនោះមានស្ត្រី ចំនួន ១៧ នាក់៕
អត្ថបទ ៖ ពិសី
នគរបាលនាយកដ្ឋានប្រឆាំងបទល្មើសសេដ្ឋកិច្ច ចុះដកហូតទឹកឃ្មុំក្លែងបន្លំប្រភពដើមប្រមាណជិត ២០តោន
កម្ពុជាមានក្រុមហ៊ុនវិនិយោគអាជីវកម្មរ៉ែមាស ១១ ក្រុមហ៊ុន ប្រតិបត្តិការនៅ ៦ ខេត្ត ទូទាំងប្រទេស
លោក តាន់ អ៊ីឈីតាន់ ចុះប្រគល់រង្វាន់ ១០០លានរៀល ដោយផ្ទាល់ដល់អ្នកមានសំណាងនៅស្រុកកំចាយមារ ខេត្តព្រៃវែង
កសិករម្នាក់ ដាំដំណាំមួយប្រភេទនៅក្នុងស្រុកទឹកឈូ ដែលផ្លែវា១គីឡូក្រាមអាចលក់តម្លៃបានជាង១ពាន់ដុល្លាអាមេរិក
អ្នកធ្លាប់ប្រើ ប.ស.ស.ថា គ្មានការកំណត់ចំនួនដងដូចការប្រឌិតព័ត៌មានឡើយ
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៤ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១៦ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត