ព័ត៌មានជាតិ
ប្រធានក្លិបអ្នកកាសែតកម្ពុជា៖ ចង់ជួយជំរុញផ្សព្វផ្សាយទេសចរណ៍ តែស្ថាប័នពាក់ព័ន្ធហាក់យល់ថា “រឿងរបស់អ្នក”
ខណៈដែលប៉ុន្មានថ្ងៃទៀតនៅខេត្តសៀមរាបនឹងមានរៀបចំព្រឹត្តិការណ៍បុណ្យទន្លេ ស្របពេលដែលខេត្តទេសចរណ៍វប្បធម៌នេះ រដ្ឋាភិបាលកំពុងជំរុញចលនាឆ្នាំទស្សនាសៀមរាបផងនោះ ថ្នាក់ដឹកនាំកំពូលរបស់ក្លិបអ្នកកាសែតកម្ពុជាក៏បានលើកពីកម្សោយកិច្ចសហការពីអាជ្ញាធរមូលដ្ឋាន រួមទាំងក្រសួងពាក់ព័ន្ធជាមួយបណ្តាញអ្នកសារព័ត៌មានដើម្បីចូលរួមផ្សព្វផ្សាយជាផ្នែកជំរុញទាក់ទាញទេសចរមកកម្សាន្តឲ្យបានច្រើនលើខេត្តគោលដៅទេសចរណ៍ដ៏ធំមួយនេះ។
លោក ពុយ គា ប្រធានក្លិបអ្នកកាសែតកម្ពុជាបានបង្ហោះសារនៅលើបណ្តាញសង្គមហ្វេសបុក ខណៈដែលលោកគ្រោងដឹកនាំអ្នកសារព័ត៌មានជាង ៣០ អង្គភាព ដើម្បីចូលរួមជួយផ្សព្វផ្សាយទ្រង់ទ្រាយធំពីសក្កានុពលទេសចរណ៍នៅខេត្តសៀមរាប។ បើតាមអ្នកកាសែតជើងចាស់ដែលទើបឡើងមកដឹកនាំក្លិបអ្នកកាសែតកម្ពុជា បានមើលឃើញពីកង្វះកិច្ចសហការពីស្ថាប័នក្រសួងពាក់ព័ន្ធរួមទាំងអាជ្ញាធរខេត្ត រហូតដល់លោកប្រើប្រាស់ពាក្យក្នុងសំណេរថា «រឿងរបស់អ្នក»។
លោកបានសរសេរយ៉ាងដូច្នេះថា «ដោយមើលឃើញវិស័យទេសចរណ៍នៅខេត្តសៀមរាប មិនទាន់មានកំណើនភ្ញៀវល្អ ក្លិបអ្នកកាសែតកម្ពុជាក៏សាកល្បងដឹកនាំសារព័ត៌មានជិត 30 ស្ថាប័ន រួមទាំងសារព័ត៌មានជាភាសាចិនផងនៅប៉ុន្មានថ្ងៃខាងមុខនេះ ដើម្បីចូលរួមជួយផ្សព្វផ្សាយទ្រង់ទ្រាយធំពីសក្កានុពលទេសចរណ៍នៅខេត្តសៀមរាប។ ក្រុមហ៊ុនច្រើនណាស់សម្តែងក្តីរីករាយចូលរួមសហការ ប៉ុន្តែផ្នែករដ្ឋជាពិសេសក្រសួងនិងខេត្តហាក់ដូចជាយល់ថា “រឿងរបស់អ្នក”។
យ៉ាងណាមិញ ផ្តល់សម្ភាសន៍ដល់កម្ពុជាថ្មីតាមទូរសព្ទបន្ថែមនៅព្រឹកនេះ លោក ពុយ គា បានបញ្ជាក់ថា លោកកំពុងធ្វើការជាមួយក្រសួងនិងអាជ្ញាធរលើកិច្ចការនេះបន្តទៀត។
លោកថា «ឥលូវនេះយើងមានព័ត៌មានច្រើននិងឆ្លើយឆ្លងគ្នាឡើងវល់។ ទាក់ទងរឿងហ្នឹង មែនទែនទៅក៏មានការស្នើសុំច្រើនណាស់ ក្រសួងនេះក្រសួងនោះ ដុតដៃដុតជើង មិនដឹងថាម៉េច»។
យ៉ាងណា មុននេះបន្តិចលោក ពុយ គា បានបង្ហោះសារក្រោយមានការឆ្លើយឆ្លងមួយពីអាជ្ញាធរខេត្តនិងក្រសួងទេសចរណ៍ដោយលើកឡើងថា ដោយសារមានបញ្ហាទំនាក់ទំនងទើបធ្វើឱ្យមានការយឺតយ៉ាវក្នុងការឆ្លើយតប។
បើតាមលោក ពុយ គា ឥឡូវស្ថាប័នទាំងពីរបានព្យាយាមជួយសម្រួលភ្លាមៗលើផ្នែកដឹកជញ្ជូន ការរៀបចំទីតាំងផ្តិតយករូបភាពក៏ដូចជាកិច្ចសម្ភាសន៍ជាមួយរដ្ឋមន្រ្តីក្រសួងទេសចរណ៍ និងអភិបាលខេត្តសៀមរាប។
ខេត្តសៀមរាបនឹងរៀបចំពិធីបុណ្យទន្លេនៅប៉ុន្មានថ្ងៃទៀតនេះ ដើម្បីជំរុញចលនាការមកទស្សនារបស់ភ្ញៀវទេសចរជាតិអន្តរជាតិ និងបង្កើនយុទ្ធនាការផ្សព្វផ្សាយសក្តានុពលទេសចរណ៍។
ការរៀបចំបុណ្យទន្លេនៅខេត្តសៀមរាប ក៏ស្របតាមយុទ្ធនាការ «ទស្សនាខេត្តសៀមរាបឆ្នាំ ២០២៤» ដែលរដ្ឋាភិបាលបានប្រកាសដាក់ចេញ ដើម្បីបង្កើនវិសាលភាពភ្ញៀវទេសចរមកកម្សាន្តច្រើនថែមទៀត។
តាមរយៈការរៀបចំបុណ្យទន្លេជារៀងរាល់ឆ្នាំបានជួយផ្សព្វផ្សាយ ក៏ដូចជាបង្ហាញមោទនភាពរបស់ខេត្តនីមួយៗ។ ដោយឡែកខេត្តសៀមរាបដែលទទួលធ្វើជាម្ចាស់ផ្ទះនៅឆ្នាំនេះ ក៏មានការអញ្ជើញទីភ្នាក់ងារបរទេសក៏ដូចជាបុគ្គលល្បីៗដើម្បីមកចូលរួមផ្សព្វផ្សាយព្រឹត្តិការណ៍ទេសចរណ៍ប្រចាំឆ្នាំនេះ។
បើតាមលោក សូ ម៉ារ៉ា រដ្ឋលេខាធិការក្រសួងទេសចរណ៍បានថ្លែងនៅក្នុងសន្និសីទថា កម្មវិធីបុណ្យទន្លេនៅខេត្តសៀមរាប នឹងមានការចូលរួមពីបណ្តាញភ្នាក់ងារផ្សព្វផ្សាយធំៗ ជាពិសេសមានការនាំបវរកញ្ញាពិភពលោកជាង ១០០ នាក់មកពី ៧០ ប្រទេសមកចូលរួមទស្សនានិងជួយផ្សព្វផ្សាយពីព្រឹត្តិការណ៍ដ៏ពិសេសនេះ។
ពិធីបុណ្យទន្លេលើកទី ៨ នៅខេត្តសៀមរាប រៀបចំឡើងក្រោមប្រធានបទ “ទន្លេដើម្បីសន្តិភាព និងការអភិវឌ្ឍ” ដែលនឹងប្រព្រឹត្តទៅរយៈពេល ២ ថ្ងៃពីថ្ងៃទី១៦-១៧ ខែមីនា ឆ្នាំ២០២៤។
លោក សូ ម៉ារ៉ា បានឲ្យដឹងថា ពិធីបុណ្យទន្លេនៅខេត្តសៀមរាបគ្រោងចំណាយថវិការៀបចំប្រមាណ ៤៥០ លានរៀល ហើយរំពឹងថានឹងទទួលទេសចររង្វង់ ១ លាននាក់មកកម្សាន្ត៕
ពិធីចុះហត្ថលេខាលើអនុស្សរណៈនៃការយោគយល់គ្នារវាង BKD Academy នឹង Manulife Cambodia
នគរបាលឃាត់ខ្លួនជនសង្ស័យម្នាក់ ហ៊ានបង្ហោះលក់កាំភ្លើងជាសាធារណៈនិង ដកហូតកាំភ្លើងបាន៧ដើម
មន្ត្រីជាន់ខ្ពស់នៃក្រសួងសាធារណការ និងដឹកជញ្ជូនបន្តចុះពិនិត្យវឌ្ឍនភាពការស្ថាបនាផ្លូវជាតិលេខ៧
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
សម្តេចធិបតី ជំរុញឱ្យពន្លឿនការរៀបចំនូវច្បាប់សន្តិសុខសាយប័រ
ទំនងឆ្លងចរន្ដ រថយន្ដ FORD RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
តារាចិន វ័យ២៧ឆ្នាំ ស្លាប់ដោយសារជំងឺដូចគ្នាជាមួយ Barbie Hsu
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
យន្តហោះ២គ្រឿងទៀត បុកគ្នានៅ អាមេរិក
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?