ព័ត៌មានជាតិ
ឯកឧត្ដម ហ៊ុន ម៉ានី កោតសរសើរការងារ ស.ស.យ.ក វិស័យមហាផ្ទៃ ដែលជំរុញឲ្យមានការលូតលាស់ទៅមុខជាបន្តបន្ទាប់
ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា កោតសរសើរ និងវាយតម្លៃខ្ពស់ចំពោះការអនុវត្តការងារកន្លងមករបស់ក្រុមការងារ ស.ស.យ.ក វិស័យមហាផ្ទៃ ដែលជំរុញឲ្យមានការលូតលាស់ទៅមុខជាបន្តបន្ទាប់ ក្នុងបុព្វហេតុលើកស្ទួយឧត្ដមភាពជាតិ។
ការកោតសរសើរ និងវាយតម្លៃខ្ពស់នេះ ក្នុងឱកាស ឯកឧត្ដម ហ៊ុន ម៉ានី រួមដំណើរដោយ ឯកឧត្ដម អនុប្រធាន ស.ស.យ.ក បានអញ្ជើញជាគណៈអធិបតីក្នុងពិធីប្រកាសទទួលស្គាល់សមាសភាពក្រុមការងារ ស.ស.យ.ក ក្នុងវិស័យមហាផ្ទៃ នៅសាលប្រជុំ នៃក្រសួងមហាផ្ទៃ កាលពីរសៀលថ្ងៃទី ១២ ខែមីនា ឆ្នាំ ២០២៤ ម្សិលមិញ។
នាឱកាសនោះ ឯកឧត្ដម ហ៊ុន ម៉ានី បានសម្ដែងនូវសេចក្ដីសោមនស្សរីករាយ ដែលបានមកជួបជុំអ្នកចូលរួមទាំងអស់។ ទន្ទឹមនោះ ឯកឧត្ដម ក៏បានធ្វើការកោតសរសើរ និងវាយតម្លៃខ្ពស់ចំពោះការអនុវត្តការងារកន្លងមករបស់ ក្រុមការងារ ស.ស.យ.ក វិស័យមហាផ្ទៃ ជាពិសេសក្នុងការស្ម័គ្រចិត្តចូលរួមជាមួយ ស.ស.យ.ក ដែលជំរុញឲ្យមានការលូតលាស់ទៅមុខជាបន្តបន្ទាប់ ក្នុងបុព្វហេតុលើកស្ទួយឧត្ដមភាពជាតិ។ ជាក់ស្ដែង ស.ស.យ.ក ក្នុងវិស័យមហាផ្ទៃ បានរៀបចំការសម្ដែងគុនល្បុក្កតោ តាមរយៈកម្មវិធីអង្គរសង្ក្រាន្ត និងបានចូលរួមលើកស្ទួយគុនល្បុក្កតោ រហូតដល់ត្រូវបានបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ ផងដែរ។
ជាមួយគ្នានេះដែរ ឯកឧត្ដម ក៏បានលើកឡើងពីប្រវត្តិ នៃការកកើត ស.ស.យ.ក រលឹកគុណតម្លៃ នៃស្មារតី ២ ធ្នូ និងបានចែករំលែកទស្សនៈល្អៗ ពាក់ព័ន្ធនឹងការងារ ស.ស.យ.ក ដោយលើកទឹកចិត្តឲ្យ សមាជិក សមាជិកា ក្រុមការងារទាំងអស់ បន្តចូលរួមបំពេញបេសកកម្ម ស.ស.យ.ក តាមលទ្ធភាពរៀងៗ ខ្លួន ទៅតាមចំណេះដឹង និងជំនាញដែលខ្លួនមាន និងសិក្សាស្វែងយល់ឲ្យបានច្បាស់ពីលក្ខន្តិកៈ បទបញ្ជាផ្ទៃក្នុងរបស់ ស.ស.យ.ក ដើម្បីចូលរួមក្នុងបុព្វហេតុសង្គមជាតិ។
គួរជម្រាបថា ពិធីប្រកាសទទួលស្គាល់សមាសភាពក្រុមការងារ ស.ស.យ.ក ក្នុងវិស័យមហាផ្ទៃ នៅសាលប្រជុំ នៃក្រសួងមហាផ្ទៃ ម្សិលមិញនេះ ក៏មានការអញ្ជើញចូលរួមពី ឯកឧត្ដម លោកជំទាវ លោក លោកស្រី គណៈអចិន្ត្រៃយ៍ នៃគណៈកម្មាធិការកណ្ដាល ស.ស.យ.ក និងសមាជិក សមាជិកា ប្រមាណ ៣០០ រូប ផងដែរ៕
អត្ថបទ ៖ ពិសី
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២៣ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ