ព័ត៌មានជាតិ

បណ្តុះកូនឈើបានជាង ៥៥ ម៉ឺនដើម ក្នុងគោលដៅ ១ លានដើម ចែកពលរដ្ឋដាំជារៀងរាល់ឆ្នាំ

បានផុស

៣ ខែ មុន

នៅ

ថ្ងៃពុធ ១៣ មីនា ២០២៤

ដោយ

រយៈពេល ៦ ខែនេះ មន្ទីរបរិស្ថាននៅតាមរាជធានី-ខេត្ត បណ្ដុះកូនឈើបានជាង ៥៥ ម៉ឺនដើម សម្រាប់យុទ្ធនាការចែកកូនឈើ ១ លាន ដើម ជូនប្រជាពលរដ្ឋដាំរៀងរាល់ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុទ្ធនាការចែកកូនឈើ ១លាន ដើម ជូនប្រជាពលរដ្ឋដាំរៀងរាល់ឆ្នាំ ដែលបានដាក់ចេញដោយរដ្ឋមន្ត្រីក្រសួងបរិស្ថាន លោក អ៊ាង សុផ្លែត គិតត្រឹមថ្ងៃទី១២ ខែមីនា នេះ មន្ទីរបរិស្ថាននៅតាមរាជធានី-ខេត្ត បណ្តុះកូនឈើបានជាង ៥៥ម៉ឺនដើម (៥៥៦,៨៧៩ ដើម) និងបានចែកកូនឈើជាបន្តបន្ទាប់ដល់ប្រជាពលរដ្ឋយកទៅដាំតាមផ្ទះ សាលារៀន វត្តអារាម សហគមន៍បានជាង ២០ ម៉ឺនដើម (២០៥ ៣៦៨ដើម)។

ដើម្បីរួមចំណែកបង្កើនភាពបៃតងស្របនឹងយុទ្ធសាស្រ្ដចក្រាវិស័យបរិស្ថាន ក្រសួងបរិស្ថានបានដាក់ចេញយុទ្ធនាការ ១០ តុលា ស្តីពីការរៀបចំបណ្តុះកូនឈើ សម្រាប់ចែកជូនប្រជាពលរដ្ឋដោយឥតគិតថ្លៃចំនួន ១លានដើម ជារៀងរាល់ឆ្នាំ ចាប់ពីឆ្នាំ ២០២៤ នេះ។ ការដាំដើមឈើ គឺស្របទៅនឹងស្ថានភាពដីសំដៅឲ្យមានការដាំដើមឈើឲ្យបានច្រើនជាងការកាប់ ដើម្បីបង្កើនការដាំដុះឈើ បង្កើនគម្របព្រៃឈើឲ្យបាន ៦០% នៅឆ្នាំ២០៥០៕