ព័ត៌មានជាតិ
ក្រសួងការងារ ដាក់ចេញផែនការយុទ្ធសាស្ត្រក្នុងការលើកកម្ពស់សុវត្ថិភាព សុខភាពការងារ និងសុខដុមនីយកម្ម នៃទំនាក់ទំនងវិជ្ជាជីវៈ
ក្រសួងការងារ និងបណ្ដុះបណ្ដាលវិជ្ជាជីវៈ បានដាក់ចេញនូវសូចនាករកម្រិតយុទ្ធសាស្ត្រ ដើម្បីលើកកម្ពស់សុវត្ថិភាព និងសុខភាពការងារ ការអភិវឌ្ឍលក្ខខណ្ឌការងារ និងសុខដុមនីយកម្ម នៃទំនាក់ទំនងវិជ្ជាជីវៈ ទៅក្នុងផែនការយុទ្ធសាស្ត្ររយៈពេល ៥ ឆ្នាំ របស់ក្រសួងការងារ និងបណ្ដុះបណ្ដាលវិជ្ជាជីវៈ។ នេះបើតាមការលើកឡើងរបស់ លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ។
លោកបានគូសបញ្ជាក់ថា សូចនាករកម្រិតយុទ្ធសាស្ត្រទាំងនេះ គឺជាកិច្ចការងារអាទិភាពមួយយ៉ាងសំខាន់ដែលរាជរដ្ឋាភិបាលបន្តយកចិត្តទុកដាក់ពង្រឹងការអនុវត្ត ជាពិសេសវាបានរំលេចនៅក្នុងមុំទី ១ ស្ដីពីការអភិវឌ្ឍទីផ្សារការងារ នៃបញ្ចកោណទី ៣ ស្តីពីការអភិវឌ្ឍវិស័យឯកជន និងការងារ ក្នុង «យុទ្ធសាស្ត្របញ្ចកោណដំណាក់កាលទី ១» របស់រាជរដ្ឋាភិបាលអាណត្តិទី ៧ នេះ។
លោកពន្យល់ថា ផែនការយុទ្ធសាស្ត្រទាំងនោះមានដូចជា នៅក្នុងអាណត្តិនេះ ក្រសួងការងារ នឹងបន្តយកចិត្តទុកដាក់លើការពង្រឹងការអនុវត្តច្បាប់ និងអភិវឌ្ឍន៍ក្របខណ្ឌគតិយុត្តិស្របតាមការប្រែប្រួល នៃលក្ខខណ្ឌការងារ និងការលេចឡើង នៃប្រភេទការងារថ្មីៗ ស្របតាមការវិវត្តន៍ នៃពិភពការងារ បន្តពង្រឹងយន្តការអធិការកិច្ចការងារ តាមរយៈការចាត់វិធានការយ៉ាងម៉ឺងម៉ាត់ចំពោះសហគ្រាស គ្រឹះស្ថាន ដែលអនុវត្តមិនបានត្រឹមត្រូវតាមច្បាប់ និងលិខិតបទដ្ឋានពាក់ព័ន្ធនឹងវិស័យការងារ ការលើកកម្ពស់លក្ខខណ្ឌសុវត្ថិភាព និងសុខភាពការងារ ព្រមទាំងធានាថា លក្ខខណ្ឌការងារនៅកម្ពុជាត្រូវបានអនុវត្តដោយអនុលោមតាមបទដ្ឋានការងារអន្តរជាតិ និងគោលនយោបាយពាណិជ្ជកម្មផ្សារភ្ជាប់នឹងលក្ខខណ្ឌការងារ។
លោកបន្តថា ដូចនេះ ក្រសួងការងារ នឹងបន្តប្ដេជ្ញាចិត្តក្នុងការលុបបំបាត់ទម្រង់ធ្ងន់ធ្ងរបំផុត នៃពលកម្មកុមារ ការពង្រឹងយន្តការស្ថាប័ន និងតួអង្គការស្ថាប័ន និងតួអង្គពាក់ព័ន្ធ ក្នុងការពិភាក្សាកំណត់ប្រាក់ឈ្នួលអប្បបរមា និងអត្ថប្រយោជន៍កម្មករ-និយោជិត ដោយផ្អែកលើលក្ខខណ្ឌវិនិច្ឆ័យបែបសង្គម និងសេដ្ឋកិច្ច ការលើកកម្ពស់សុខដុមនីយកម្ម នៃទំនាក់ទំនងវិជ្ជាជីវៈ តាមរយៈការអនុវត្តសិទ្ធិ និងតួនាទីរបស់អង្គការវិជ្ជាជីវៈប្រកបដោយភាពស្មោះត្រង់ សុចរិត ស្អាតស្អំ និងក្រមសីលធម៌វិជ្ជាជីវៈ និងភាពឆាប់រហ័ស នៃការដោះស្រាយវិវាទការងារ ដើម្បីប្រែក្លាយសហគ្រាសមួយជាសហគមន៍សុខសាន្តមួយ។
លោកបានគូសបញ្ជាក់បន្ថែមថា សូចនាករកម្រិតយុទ្ធសាស្ត្រ ដែលត្រូវសម្រេចឱ្យបានក្នុងការអនុវត្តយុទ្ធសាស្ត្រនេះ រួមមាន ៖ ទី១.អត្រាសហគ្រាស គ្រឹះស្ថាន ដែលអនុលោមតាមច្បាប់ និងលិខិតបទដ្ឋានពាក់ព័ន្ធកើនឡើង ដើម្បីប្រែក្លាយ“សហគ្រាសមួយជាសហគមន៍សុខសាន្តមួយ” និងធានាបាននូវអាជីវកម្មប្រកបដោយទំនួលខុសត្រូវ និងការប្រើប្រាស់ពលកម្មស្អាតស្អំ។ ទី២.រាល់ករណីទម្រង់ធ្ងន់ធ្ងរបំផុត នៃពលកម្មកុមារ ត្រូវបានអន្តរាគមន៍ និងចាត់វិធានការតាមច្បាប់យ៉ាងម៉ឺងម៉ាត់ ដោយមិនមានការលើកលែង ក្នុងរយៈពេល ២៤ ម៉ោង។ ទី៣.ចំនួនកម្មករ-និយោជិត ទទួលរងគ្រោះថ្នាក់ការងារក្នុងចំណោមកម្មករ-និយោជិត មានការថយចុះយ៉ាងតិច ១០% ក្នុងមួយឆ្នាំ។ ទី៤. អត្រាវិវាទការងារ ឬការស្រាយបំភ្លឺច្បាប់ និងលិខិតបទដ្ឋានគតិយុត្តិពាក់ព័ន្ធ ដែលប្ដឹង ឬ ស្នើសុំមកក្រសួងជាស្ថាប័នដំបូង កើនឡើង ដើម្បីទទួលបានការជឿទុកចិត្តរបស់កម្មករ-និយោជិត និយោជក និងភាគីពាក់ព័ន្ធ។ ទី៥.អត្រា នៃសំណើ ឬ បណ្ដឹងពាក់ព័ន្ធនឹងអនុសញ្ញាអន្តរជាតិខាងការងារ ត្រូវបានដោះស្រាយទាន់ពេលវេលា កើនឡើង ដើម្បីរក្សាកេរ្តិ៍ឈ្មោះកម្ពុជា ជាប្រទេសដែលគោរពបទដ្ឋានអន្តរជាតិខាងការងារក្នុងខ្សែច្រវាក់ផ្គត់ផ្គង់សកល។
ទន្ទឹមនេះ លោកបញ្ជាក់ថា សូចនាករកម្រិតយុទ្ធសាស្ត្រទាំងនេះ ត្រូវបានដាក់ចូលទៅក្នុងផែនការយុទ្ធសាស្ត្ររយៈពេល ៥ ឆ្នាំ របស់ក្រសួងការងារ និងបណ្ដុះបណ្ដាលវិជ្ជាជីវៈ ស្របតាមយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ដើម្បីលើកកម្ពស់សុវត្ថិភាពរបស់កម្មករ-និយោជិត នៅក្នុងរោងចក្រ សហគ្រាស និងលុបបំបាត់ពលកម្មកុមារ និងវិវាទការងារផងដែរ៕
គណៈកម្មាធិការសិទ្ធិមនុស្សថា ស្ថានភាពសិទ្ធិមនុស្សក្នុងពន្ធនាគារគឺល្អប្រសើរ ដោយជនជាប់ឃុំអាចប្រតិបត្តិជំនឿសាសនាបាន
អាជ្ញាធរជាតិប្រយុទ្ធប្រឆាំងគ្រឿងញៀន និងសាលាមធ្យមសិក្សាសុខាភិបាលភូមិភាគស្ទឹងត្រែង រួមគ្នាផ្សព្វផ្សាយពីអត្ថប្រយោជន៍ App NoDrug
មេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
តុលាការចោទអ្នកបើករថយន្តបង្កគ្រោះថ្នាក់ឲ្យលោក Ruth Ko ស្លាប់ ពីបទ «បើកបរបង្កគ្រោះថ្នាក់ចរាចរណ៍បណ្តាលឲ្យស្លាប់អ្នកដទៃ»
អាមេរិកមិនទាន់មានផែនការបង្កើនកងទ័ពនៅ កោះ Greenland ទេ
មេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
កម្លាំងពន្លត់អគ្គីភ័យកើនដល់៧៥០០នាក់ ខណៈភ្លើងរាលដាលដល់ Hollywood Hills ដែលគម្រាមលំនៅឋាន១០ម៉ឺនខ្នងទៀត
-
ព័ត៌មានជាតិ១ សប្តាហ៍ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៤ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ១ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ១ សប្តាហ៍ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ១ សប្តាហ៍ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច១ សប្តាហ៍ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច១ សប្តាហ៍ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ២ ម៉ោង agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា