ព័ត៌មានជាតិ

២ ខែ ដើមឆ្នាំ ២០២៤ ចិនបោះទុនប្រមាណ ៥៤៥ លានដុល្លារវិនិយោគនៅកម្ពុជា

បានផុស

១០ ខែ មុន

នៅ

ថ្ងៃព្រហស្បតិ៍ ១៤ មីនា ២០២៤

ដោយ

វិនិយោគិនចិននៅតែនាំមុខគេសម្រាប់ការបង្ហូរទុនវិនិយោគនៅប្រទេសកម្ពុជា។ ២ ខែដើមឆ្នាំ ២០២៤ វិនិយោគិនចិនបានបោះទុនវិនិយោគប្រមាណ ៥៤៥ លានដុល្លារ ស្មើ ៣៩% នៃទំហំទុនវិនិយោគសរុប។ នេះបើតាមលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទំហំទុនវិនិយោគមានការកើនឡើងយ៉ាងសម្បើមក្នុងរយៈពេល ២ ខែ ដើមឆ្នាំ២០២៤ នេះ មានប្រមាណជាង ១.៣ ប៊ីលានដុល្លារអាមេរិក កើនឡើងជាង ៥០០% បើធៀបនឹងរយៈពេលដូចគ្នា ក្នុងឆ្នាំ២០២៣ ក្នុងនោះរំហូរវិនិយោគចិនមានប្រមាណ ៥៤៥ លានដុល្លារ។

លោក ជា វុទ្ធី បានគូសរំលេចថា រំហូរទុនវិនិយោគពីប្រទេសចិនតែងតែឈរនៅលំដាប់លើគេដែលភាគច្រើនប្រមូលផ្តុំ ក្នុងវិស័យឧស្សាហកម្ម, ហេដ្ឋារចនាសម្ព័ន្ធ, និងកសិឧស្សាហកម្ម។

នៅឆ្នាំ២០២៣ ទំហំទុនវិនិយោគសរុបនៅកម្ពុជាមានប្រមាណ ៤.៩ ប៊ីលានដុល្លារអាមេរិក ក្នុងនោះរំហូរទុនវិនិយោគសរុបពីប្រទេសចិនមានដល់ទៅប្រមាណជាង ៣ ប៊ីលានដុល្លារអាមេរិក ដែលរួមចំណែកជាងពាក់កណ្តាល (៦៦%) នៃរំហូរទុនវិនិយោគសរុប៕