ព័ត៌មានជាតិ

លោក Southgate ប្រាប់មូលហេតុ Ben White មិនចូលរួមក្រុមអង់គ្លេស

បានផុស

៦ ខែ មុន

នៅ

ថ្ងៃសុក្រ ១៥ មីនា ២០២៤

ដោយ

ខ្សែការពារ Ben White មិនមានឈ្មោះក្នុងក្រុមបាល់ទាត់ជម្រើសជាតិអង់គ្លេសទេ ចាប់តាំងពីសុំដកខ្លួនចេញពីក្រុមជម្រើសជាតិនៅព្រឹត្តិការណ៍ World Cup ឆ្នាំ២០២២ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Gareth Southgate គ្រូបង្វឹកក្រុមជម្រើសជាតិអង់គ្លេសបានគោរពដល់ការសម្រេចចិត្ត របស់ខ្សែការពារ Ben White ដែលបានបដិសេធចូលរួមជាមួយក្រុមអង់គ្លេស។ លោកបានទទួលស្គាល់ថា White ជាកីឡាករលេចធ្លោក្នុងក្រុម Arsenal នៅរដូវកាលនេះ។

លោក Gareth Southgate អាចនឹងប្រឈមនឹងការរិះគន់ពីអ្នកគាំទ្រ ប៉ុន្តែគ្រូបង្វឹករួបនេះមិនលាក់បាំងហេតុផល នៅពីក្រោយការអវត្តមានរបស់ Ben White ក្នុងការប្រកួតពេលខាងមុខជាមួយប្រេស៊ីល និងបែលហ្ស៊ិក។

លោក Southgate ទទួលបានព័ត៌មានពីនាយកផ្នែកកីឡារបស់ក្លិប Arsenal ថា White មិនមានបំណងពិចារណាសម្រាប់ការចូលរួមជាមួយក្រុមអង់គ្លេសនៅពេលនេះទេ។ រឿងនេះកើតឡើង បន្ទាប់ពីរូបគេត្រូវបានបញ្ជូនទៅផ្ទះវិញក្នុងពាក់កណ្តាលទីព្រឹត្តិការណ៍ World Cup ឆ្នាំ២០២២ ដែលសមាគមបាល់ទាត់អង់គ្លេសចាត់ទុកជាហេតុផលផ្ទាល់ខ្លួន។

លោក Southgate បាននិយាយថា សប្តាហ៍មុន Ben ប្រាប់ថា White មិនចង់ពិចារណាក្នុងការចូលរួមជាមួយក្រុមអង់គ្លេសពេលនេះទេ។ «សម្រាប់ខ្ញុំ នោះជារឿងអាម៉ាស់មួយ។ សម្រាប់ខ្ញុំ ប្រទេសអង់គ្លេសគឺឈានដល់ចំណុចកំពូល។ ហើយរឿងដែលខ្ញុំសោកស្តាយក្នុងជីវិតរបស់ខ្ញុំ គឺជារឿងដែលខ្ញុំមិនធ្លាប់បានទៅដល់គោលដៅ»។

ប្រែសម្រួល៖ ផា រតនា
ប្រភព៖ football.london