រដ្ឋបាលរាជធានីកំពុងជួសជុលចាក់អ៊ុតកៅស៊ូផ្លូវ លេខ៨៦,៦១ និងផ្លូវលេខ៩០ក្នុងមូលដ្ឋានខណ្ឌដូនពេញ

រដ្ឋបាលរាជធានីភ្នំពេញបាននិងកំពុងដំណើរការជួសជុលចាក់អ៊ុតកៅផ្លូវលេខ៨៦ពីមហាវិថីព្រះមុនីវង្សដល់ផ្លូវលេខ ៦១ និងជួសជុលផ្លូវ ៦១ ដល់ផ្លូវលេខ៩០ និងផ្លូវលេខ៩០មុខសាលាខណ្ឌដូនពេញ ក្នុងសង្កាត់ស្រះចក កំពុងដំណើរការជួសជុលជង្ហុកសំបុកមាន់ដោយចាក់អ៊ុតកៅស៊ូឱ្យមានសោភ័ណ្ឌភាពឡើងវិញងាយស្រួលក្នុងការធ្វើដំណើររបស់ប្រជាពលរដ្ឋ។

លោកសាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញបានឱ្យថា៖ អនុវត្តតាមការណែនាំពីលោក​ឃួង ស្រេង អភិបាលរាជធានីភ្នំពេញ មន្ទីរសាធារណការ និងដឹកជញ្ជូនរាជធានីភ្នំពេញបានធ្វើការជួសជុលចាក់អ៊ុតកៅផ្លូវលេខ៨៦ពីមហាវិថីព្រះមុនីវង្សដល់ផ្លូវលេខ៦១ និងជួសជុលផ្លូវលេខ៦១ដល់ផ្លូវលេខ៩០និងផ្លូវលេខ៩០មុខសាលាខណ្ឌដូនពេញក្នុងសង្កាត់ស្រះចក ដែលទទួលរងការខួចខាតដោយជង្ហុកសំបុកមាន់ ដើម្បីធ្វើយ៉ាងណាឱ្យផ្លូវទាំងនេះមានសោភ័ណ្ឌភាពឡើងវិញងាយស្រួលក្នុងការធ្វើដំណើររបស់ប្រជាពលរដ្ឋ។

លោកប្រធានមន្ទីរបន្តថា៖ ការងារជួសជុលផ្លូវជង្ហុក សំបុកមាន់ដោយចាក់អ៊ុតកៅស៊ូឡើងវិញនេះត្រូវធ្វើនៅតំបន់ផ្សេងទៀតក្នុងរាជធានីភ្នំពេញឱ្យរួចរាល់មុនរដូវភ្លៀងមកដល់៕

អត្ថបទ៖ ស្រីរ័ត្ន