ព័ត៌មានជាតិ

ឯកឧត្ដម ហ៊ុន ម៉ានី ដឹកនាំកិច្ចប្រជុំគណៈកម្មាធិការគណបក្សក្រុង-សង្កាត់ នៃក្រុងឧដុង្គម៉ែជ័យ ដើម្បីតាមដានវឌ្ឍនភាពការងារ

បានផុស

១១ ខែ មុន

នៅ

ថ្ងៃសៅរ៍ ១៦ មីនា ២០២៤

ដោយ

នារសៀលថ្ងៃទី១៦ ខែមីនា ឆ្នាំ២០២៤ នេះ ឯកឧត្តម ហ៊ុន ម៉ានី ប្រធានក្រុមការងារគណបក្សប្រជាជនកម្ពុជាខេត្តកំពង់ស្ពឺ បានដឹកនាំកិច្ចប្រជុំជាមួយក្រុមការងារ គណៈកម្មាធិការគណបក្សក្រុង និងសង្កាត់ នៃក្រុងឧដុង្គម៉ែជ័យ ដើម្បីតាមដានវឌ្ឍនភាពការងារ និងស្តាប់នូវសំណូមពរ ក៏ដូចជាបញ្ហាប្រឈមដែលក្រុមការងារជួបប្រទះ នៅស្នាក់ការគណបក្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីស្តាប់របាយការណ៍ ឯកឧត្តម ហ៊ុន ម៉ានី បានថ្លែងអំណរគុណចំពោះថ្នាក់ដឹកនាំក្រុមការងារ គណៈកម្មាធិការគណបក្សក្រុង និងសង្កាត់ នៃក្រុងឧដុង្គម៉ែជ័យ ដែលបានចំណាយពេលវេលាមកចូលរួមប្រជុំ និងចូលរួមផ្តល់រាយការណ៍ ផ្តល់មតិយោបល់ ចែករំលែកបទពិសោធន៍ មកកាន់អង្គប្រជុំ។

ឯកឧត្តមបានគូសបញ្ជាក់ថា គ្រប់ពេលដែលឯកឧត្តមបានមកដល់ទឹកដីក្រុងឧដុង្គម៉ែជ័យ គឺតែងតែទទួលបានឱកាសរៀនសូត្របន្ត តាមរយៈការចែករំលេកបទពិសោធន៍ថ្នាក់ដឹកនាំនៅមូលដ្ឋានក្រុងឧដុង្គម៉ែជ័យផ្ទាល់តែម្តង។

សរុបមតិនៃអង្គប្រជុំនារសៀលនេះ ឯកឧត្តមបានកោតសរសើរចំពោះកិច្ចខិតខំប្រឹងប្រែង និងការសហការយ៉ាងសកម្មរបស់ក្រុមការងារ គណៈកម្មាធិការគណបក្ស ក្រុង សង្កាត់ ដែលបានរួមគ្នានាំមកនូវភាពជោគជ័យជូនគណបក្សនាពេលកន្លងមក។

ជាមួយនេះ ឯកឧត្តមបានលើកទឹកចិត្តដល់សមាជិក សមាជិកាក្នុងអង្គប្រជុំឱ្យបន្តរក្សាសាមគ្គីឯកភាពទាំងទស្សន និងគោលជំហរ រួមទាំងរបៀបរបបធ្វើការងារ ដើម្បីនូវភាពឈ្នះរបស់គណបក្សប្រជាជនកម្ពុជា៕