ព័ត៌មានជាតិ

ឯកឧត្តម ហ៊ុន ម៉ានី ៖ ១៨ មីនា ១៩៧០ ជាចំណុចចាប់ផ្តើមនៃសោកនាដកម្មដ៏អាក្រក់បំផុតសម្រាប់កម្ពុជា

បានផុស

១០ ខែ មុន

នៅ

ថ្ងៃចន្ទ ១៨ មីនា ២០២៤

ដោយ

ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈបានលើកឡើងថា ១៨ មីនា ១៩៧០ ជាចំណុចចាប់ផ្តើមនៃសោកនាដកម្មដ៏អាក្រក់បំផុតសម្រាប់កម្ពុជា។ ប្រជាជាតិកម្ពុជាបានធ្លាក់ក្នុងរណ្តៅនៃភ្លើងសង្គ្រាម ដែលនាំដល់ការបំផ្លិចបំផ្លាញ និងរបបប្រល័យពូជសាសន៍ ស្ទើរតែបាត់បង់ចេញពីផែនទីពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្តាញសង្គមតេឡេក្រាមឯកឧត្ដមបានគូសបញ្ជាក់ថា មេរៀនប្រវត្តិសាស្ត្រមួយនេះ បានបង្រៀនយើងឱ្យស្គាល់ច្បាស់ពីឥទ្ធិពលនៃសង្គ្រាម និងគ្រោះថ្នាក់នៃការបែកបាក់ជាតិ។ យើងទាំងអស់គ្នា ជាអ្នកជំនាន់ក្រោយត្រូវស្វែងយល់ពីតម្លៃ នៃសន្តិភាព និងស្រលាញ់សន្តិភាពដែលត្រូវបានកសាងឡើងវិញយ៉ាងលំបាកបំផុត។

សូមបញ្ជាក់ថា ថ្ងៃទី១៨ ខែមីនា កាលពី៥៤ឆ្នាំមុន (១៨មីនា ១៩៧០ -១៨ មីនា២០២៤)គឺជាថ្ងៃដែលអ្នកនយោបាយមួយក្រុមរួមមានព្រះអង្គម្ចាស់ ស៊ីសុវត្ថិ សិរីមតៈ សេនាប្រមុខ លន់ នល់ លោក អ៊ិន តាំ និងលោក ចេង ហេង ជាដើមបានរួមគ្នាប្រព្រឹត្តទង្វើក្បត់ដោយធ្វើរដ្ឋប្រហារទម្លាក់ សម្តេច នរោត្តម សីហនុ ចេញពីព្រះប្រមុខរដ្ឋសង្គមរាស្ត្រនិយម។