ព័ត៌មានជាតិ
ដីក្នុងភូមិសាស្រ្តក្រុងបាត់ដំបង និងស្រុកសង្កែ ត្រៀមបម្រុងអភិវឌ្ឍន៍ជាអាកាសយានដ្ឋានបាត់ដំបងថ្នាក់ ៤C
លោក ម៉ៅ ហាវណ្ណាល់ រដ្ឋមន្រ្ដីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល និងជាប្រធានគណៈកម្មការអន្តរក្រសួងមានប្រសាសន៍ថា ក្នុងគោលដៅលើកកម្ពស់ប្រសិទ្ធភាពលើការដឹកជញ្ជូនផ្លូវអាកាស អាកាសយានដ្ឋានបាត់ដំបងនឹងអភិវឌ្ឍន៍ទៅជាអាកាសយានដ្ឋានលំដាប់ថ្នាក់ ៤C នាពេលឆាប់ៗខាងមុខ។
កាលពីថ្ងៃទី១៩ ខែមីនា ឆ្នាំ២០២៤ គណៈកម្មការអន្តរក្រសួង អាជ្ញាធរខេត្តបាត់ដំបង ព្រមទាំងក្រុមការងារបច្ចេកទេសបានជួបប្រជុំគ្នាដើម្បីពិនិត្យវាយតម្លៃ និងសិក្សាអំពីលទ្ធភាពស្ដារនិងអភិវឌ្ឍន៍អាកាសយានដ្ឋានបាត់ដំបងឲ្យក្លាយជាអាកាសយានដ្ឋានលំដាប់ថ្នាក់ ៤C។ កិច្ចប្រជុំក៏បានលើកឡើងពីដំណោះស្រាយនានាដល់ប្រជាពលរដ្ឋដែលកំពុងរស់នៅអាស្រ័យផល ក្នុងបរិវេណអាកាសយានដ្ឋានបាត់ដំបង និងលើដីដែលត្រូវពង្រីក។
លោក ម៉ៅ ហាវណ្ណាល់ បានគូសបញ្ជាក់ថា ដីដែលមានទីតាំងស្ថិតក្នុងភូមិសាស្រ្តក្រុងបាត់ដំបងនិងស្រុកសង្កែ ដែលត្រៀមបម្រុងសម្រាប់អភិវឌ្ឍន៍ជាអាកាសយានដ្ឋានបាត់ដំបងឲ្យក្លាយជាលំដាប់ថ្នាក់ ៤C នឹងត្រូវចុះរៀបចំដាំបង្គោលកំណត់ព្រំលើបរិវេណដីអាកាសយានដ្ឋានដែលមានស្រាប់ និងបរិវេណដីដែលជាតម្រូវការក្នុងការពង្រីកបន្ថែម។
លោក ម៉ៅ ហាវណ្ណាល់ ក៏បានបានសំណូមពរដល់រដ្ឋបាលខេត្តបាត់ដំបង ឲ្យជួយសហការជាមួយក្រុមការងារអន្តរក្រសួង និងក្រុមការងារបច្ចេកទេសដើម្បីធ្វើយ៉ាងណាពន្លឿនការសិក្សាវាយតម្លៃពីការដោះស្រាយបញ្ហាប្រឈមនានា ដើម្បីសំដៅធ្វើយ៉ាងណាឲ្យដំណើរការបោះបង្គោលកំណត់ព្រំខណ្ឌការពង្រីកអាកាសយានដ្ឋាន និងការដោះស្រាយផលប៉ះពាល់ដល់ប្រជាពលរដ្ឋ ប្រព្រឹត្តទៅដោយរលូន។
ស្របពេលជាមួយគ្នានេះ លោក សុខ លូ អភិបាលខេត្តបាត់ដំបងបានសម្តែងការត្រេកអរចំពោះការអភិវឌ្ឍ និងលើកកម្រិតថ្នាក់អាកាសយានដ្ឋានបាត់ដំបង។ ក្នុងនាមរដ្ឋបាលខេត្តបាត់ដំបង លោកបានត្រៀមខ្លួនសម្រាប់កិច្ចសហការជាមួយក្រុមការងារអន្តរក្រសួង និងក្រុមការងារបច្ចេកទេស ដើម្បីធ្វើឲ្យដំណើរការសិក្សាពីការអភិវឌ្ឍអាកាសយានដ្ឋានបាត់ដំបង បានប្រព្រឹត្តទៅបានយ៉ាងរលូននិងជោគជ័យ។
សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា កាលពីថ្ងៃទី ១០ ខែវិច្ឆិកា ឆ្នាំ២០២៣ បានចេញអនុក្រឹត្យស្ដីពីការធ្វើ ចំណាត់ថ្នាក់ជាទ្រព្យសម្បត្តិសាធារណៈរបស់រដ្ឋដី ដែលមានទីតាំងស្ថិតនៅក្នុងភូមិសាស្រ្តក្រុងបាត់ដំបងនិងស្រុកសង្កែ ខេត្តបាត់ដំបង សម្រាប់អភិវឌ្ឍអាកាសយានដ្ឋានបាត់ដំបងលំដាប់៤C ដោយមានរដ្ឋលេខាធិការដ្ឋានអាកាសចរណ៍ស៊ីវិលជាអាជ្ញាធរកាន់កាប់។
អាកាសយានដ្ឋានខេត្តបាត់ដំបង ឬដែលនិយមហៅរត់មាត់ថា ព្រលានយន្តហោះបែកចានបានចាប់ផ្តើមប្រតិបត្តិការនៅ ឆ្នាំ ១៩៦៨ និងបច្ចុប្បន្នប្រើប្រាស់ជាមូលដ្ឋានទ័ពអាកាស។
ព្រលាននេះមិនសូវមានសកម្មភាពទេ ដោយមានត្រឹមតែការហោះហើរចុះចតដោយយន្តហោះឯកជនខ្នាតតូចម្តងម្កាលតែប៉ុណ្ណោះ៕
ប្រធានក្រុមយុវជនសង្គមស៊ីវិល ៖ ទណ្ឌិត សម រង្ស៊ី និងបក្ខពួកកំពុងបំផុសបំផុលចរិត«ភេរវកម្ម»នៅកម្ពុជា
ក្រសួងសាធារណការ៖ ការផ្សាយថា «គម្រោងព្រែកជីកហ្វូណនតេជោ ជាប់គាំងព្រោះបញ្ហាលុយវិនិយោគចិន» ជាព័ត៌មានមិនពិត
តំណាង ICAPP សរសើរកម្ពុជាបន្តរក្សាបានសន្ដិភាព ស្ថិរភាព ខណៈប្រទេសមួយចំនួនក្នុងពិភពលោកកំពុងស្ថិតក្នុងភាពមិនច្បាស់លាស់
ផ្លូវការហើយ! គ្រុឌ បង្ហាញកីឡាករ ៨គូ ញាក់សាច់តែម្តង! នឹងត្រូវជួបគ្នា ក្នុងព្រឹត្តិការណ៍ជើងឯកគ្រុឌគុនខ្មែរ កម្ពុជា-ក្រិក នៅប្រទេសក្រិក
សាកលវិទ្យាល័យន័រតុន រៀបចំពិធីប្រគល់រង្វាន់ដល់និស្សិតជ័យលាភីផ្នែកសរសេរ និងនិយាយភាសាអង់គ្លេស
ទូកទេសចរណ៍មួយគ្រឿងលិចបាត់ទាំងស្រុងក្នុងសមុទ្រកោះរ៉ុង
មីស៊ីលរុស្ស៊ី បាញ់លើអ៊ុយក្រែន ជាមីស៊ីលហោះលឿនជាងសំឡេង១០ដង គ្មានអ្វីស្ទាក់ចាប់បាន
អាមេរិក ត្រៀមខ្លួន បាញ់នុយក្លេអ៊ែររួចហើយ
រុស្ស៊ី គំរាមវាយប្រហារប្រទេសជាសមាជិកអង្គការ ណាតូ
«ពិព័រណ៍ជំនាញ និងសាកលវិទ្យាល័យ» ជាឱកាសឱ្យសិស្សបានស្គាល់ពីខ្លួនឯង និងរើសជំនាញបានត្រឹមត្រូវ
-
ជីវិតកម្សាន្ដ៤ ថ្ងៃ agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានអន្ដរជាតិ៤ ថ្ងៃ agoជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
-
សន្តិសុខសង្គម៦ ម៉ោង agoទូកទេសចរណ៍មួយគ្រឿងលិចបាត់ទាំងស្រុងក្នុងសមុទ្រកោះរ៉ុង
-
ជីវិតកម្សាន្ដ៤ ថ្ងៃ agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានជាតិ៥ ថ្ងៃ ago៣ ថ្ងៃពិធីបុណ្យអុំទូក សំរាមជាង ១ ម៉ឺនតោន បានប្រមូលដឹកចេញទៅកាន់ទីលានចាក់សំរាម
-
ព័ត៌មានជាតិ១ សប្តាហ៍ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក
-
ព័ត៌មានជាតិ៤ ថ្ងៃ agoជនជាតិដើមភាគតិចទំពួន នៅតែប្រកាន់ខ្ជាប់នូវទម្លាប់«សែនអ្នកតាម្ចាស់ភូមិ»ចំពោះអ្នកប្រព្រឹត្តខុស«មានកូនមុនរៀបការ»
-
សន្តិសុខសង្គម៣ ថ្ងៃ agoUpdate៖ ឃាត់ខ្លួនម្ចាស់គ្លីនិកពីរនាក់ប្ដីប្រពន្ធ ករណីចាក់ថ្នាំប្រតិកម្មបណ្ដាលឲ្យស្ត្រីម្នាក់ស្លាប់