ព័ត៌មានជាតិ
រដ្ឋមន្ត្រីក្រសួងសាធារណការចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាមដងផ្លូវ
ដើម្បីចូលរួមទប់ស្កាត់សកម្មភាពអនាធិបតេយ្យ ដែលប៉ះពាល់ដល់សណ្ដាប់ធ្នាប់នៅតាមដងផ្លូវសាធារណៈ និងអាចបង្កឲ្យមានគ្រោះថ្នាក់ផ្សេងៗជាយថាហេតុ កាលពីថ្ងៃទី១៩ ខែមីនា ឆ្នាំ២០២៤ រដ្ឋមន្ត្រីក្រសួងសាធារណការ និងដឹកជញ្ជូន លោក ប៉េង ពោធិ៍នា បានដាក់ចេញយន្តការ ៥ ចំណុច ដល់សមាគមដឹកជញ្ជូន ក្រុមហ៊ុនដឹកជញ្ជូនទំនិញ និងអ្នកដំណើរ និងអ្នកបើកបរយានយន្តទាំងអស់ ត្រូវចូលរួមសហការឲ្យមានប្រសិទ្ធភាពខ្ពស់។
ក្នុងសេចក្តីណែនាំរបស់ក្រសួងសាធារណការបានគូសបញ្ជាក់ថា យោងតាមច្បាប់ស្តីពីចរាចរណ៍ផ្លូវគោក «មាត្រា២៨ និងមាត្រា៣០» និងយោងតាមអនុសាសន៍ដ៏ខ្ពង់ខ្ពស់បំផុតរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា លើការប្រើប្រាស់សញ្ញាសូរសព្ទ «ស៊ីផ្លេ» ជាពិសេស មួយរយៈចុងក្រោយនេះតែងមានសកម្មភាពអនាធិបតេយ្យនៅតាមដងផ្លូវសាធារណ ដោយយុវជន យុវនារី និងក្មេង បាននាំគ្នារាំលេងតាមស៊ីផ្លេរថយន្តធន់ធំ ដែលអាចបង្កគ្រោះថ្នាក់ជាយថាហេតុ។
ក្នុងគោលបំណងទប់ស្កាត់សកម្មភាពអនាធិបតេយ្យ ដែលប៉ះពាល់ដល់សណ្ដាប់ធ្នាប់នៅតាមដងផ្លូវសាធារណៈ និងអាចបង្កឲ្យមានគ្រោះថ្នាក់ផ្សេងៗជាយថាហេតុ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានដាក់ចេញនូវយន្តការអនុវត្ត និងណែនាំដល់សមាគម ដឹកជញ្ជូន ក្រុមហ៊ុនដឹកជញ្ជូនទំនិញនិងអ្នកដំណើរ និងអ្នកបើកបរយានយន្តទាំងអស់ ត្រូវចូលរួមសហការអនុវត្តឲ្យមានប្រសិទ្ធភាព។
យន្តការអនុវត្តទាំង ៥ ចំណុចរួមមាន ទី១. ការប្រើប្រាស់សញ្ញាសូរសព្ទ «ស៊ីផ្លេ” ត្រូវអនុញ្ញាតឲ្យប្រើប្រាស់តែនៅពេលថ្ងៃ ដើម្បីឲ្យដំណឹង ដល់អ្នកប្រើប្រាស់ផ្លូវដទៃទៀត ជៀសវាងនូវគ្រោះថ្នាក់ដែលអាចកើតមានឡើងជាយថាហេតុ និងដើម្បីសុំជែងនៅក្រៅទីប្រជុំជន។ ទី២. នៅពេលយប់សញ្ញាសូរសព្ទ «ស៊ីផ្លែ” ត្រូវជំនួសដោយសញ្ញាភ្លើងហ្វាកូតឆ្លាស់គ្នា សម្រាប់ឲ្យដំណឹងដល់អ្នកប្រើប្រាស់ផ្លូវដទៃទៀត ដើម្បីជៀសវាងនូវគ្រោះថ្នាក់ និងសុំជែង។ ទី៣. សញ្ញាសូរសព្ទ «ស៊ីផ្លែ» ត្រូវប្រើក្នុងរយៈពេលខ្លី គឺមិនយូរជាងការចាំបាច់ឡើយ លើកលែងតែមាន ការប្រកាសអាសន្ន និងសំឡេង «ស៊ីផ្លែ” ត្រូវកំណត់ក្នុងចន្លោះពី ៩០dB(A) ទៅ ១១៥dB(A)។ ទី៤. សញ្ញាសូរសព្ទ «ស៊ីផ្លេខ្យល់» ត្រូវហាមប្រើនៅក្នុងទីក្រុង ទីប្រជុំជន ឬនៅជិតមន្ទីរពេទ្យ និងទី៥. ការបំពាក់សញ្ញាសូរសព្ទ ភ្លើងបំភ្លឺ ឬភ្លើងលំអផ្សេងៗទៀត ក្រៅពីការកំណត់លក្ខណៈបច្ចេកទេស របស់យានជំនិះ ត្រូវហាមឃាត់៕
រន្ទះបាញ់សត្វគោ ងាប់ចំនួន ០៦ ក្បាល នៅស្រុកសំបូរ
ដីព្រៃលិចទឹកជុំវិញបឹងចំនួន ២ កន្លែង ប្រមាណជា ៤ ហិកតា ត្រូវបានឈូសឆាយទន្ទ្រានយកជាកម្មសិទ្ធិ
ពលរដ្ឋជីករុករករ៉ែមាស តាមកោះតាមដងទន្លេមេគង្គ ត្រូវបានអាជ្ញាធរស្រុកសំបូរហាមឃាត់
ដាក់ពន្ធនាគារថៅកែចិន និងកម្មករ១២នាក់ ពីបទផលិត -លក់តុក្កតាអាសអាភាស
កម្ពុជា-ថៃ រួមគ្នាពង្រឹងកិច្ចសហប្រតិបត្តិការប្រយុទ្ធប្រឆាំងគ្រឿងញៀនក្នុងកិច្ចប្រជុំទ្វេភាគី នៅខេត្តក្រាប៊ី
ឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
ដាក់ពន្ធនាគារថៅកែចិន និងកម្មករ១២នាក់ ពីបទផលិត -លក់តុក្កតាអាសអាភាស
អតីតប្រធានាធិបតីអ៊ុយរូហ្គាយ ក្របំផុតលើលោក ទទួលមរណភាព ក្នុងវ័យ ៨៩ឆ្នាំ
គ្រោះរញ្ជួយដីនៅថៃ៖ ពលករខ្មែរពីររូបទៀតបានទទួលមរណភាព ខណៈក្រសួងការងារចូលរួមរំលែកទុក្ខ និងបន្តតាមដានទាមទារសំណងជូនក្រុមគ្រួសារសព
លោក គីម ជុងអ៊ុន ចុះពិនិត្យការហាត់សមប្រើយន្តហោះគ្មានមនុស្សបើក ដើម្បីទប់ទល់សង្គ្រាម
-
ព័ត៌មានអន្ដរជាតិ១ សប្តាហ៍ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ៣ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានជាតិ៦ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ២ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
សន្តិសុខសង្គម១០ ម៉ោង agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៧ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៥ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ១ សប្តាហ៍ agoរឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា