ព័ត៌មានជាតិ
ក្រសួងកសិកម្ម ជំរុញឱ្យកសិករធ្វើតាមការណែនាំរបស់មន្ត្រីជំនាញក្នុងការដាំពោតពូជអ៊ីប្រ៊ីដកម្ពុជា០១ ទទួលបានផលល្អ
លោក ចាន់ សារុទ្ធ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ជំរុញលេីកទឹកដល់ប្រជាកសិករដែលកំពុងដាំដំណាំពោតនៅពេលនេះ ធ្វេីតាមការណែនាំរបស់មន្ត្រីជំនាញកសិកម្ម ដេីម្បីទទួលបានទិន្នផលខ្ពស់ និងយកចិត្តទុកដាក់ថែទាំដំណាំឲ្យបានល្អ។
លោកលើកឡើងបែបនេះ នៅក្នុងទិវាចម្ការបង្ហាញពូជពោតអ៊ីប្រ៊ីដកម្ពុជា០១ នៅក្នុងភូមិ៨ ឃុំកោះសូទិន ស្រុកកោះសូទិន ខេត្តកំពង់ចាម ដែលរៀបចំដោយមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម សហការជាមួយ មជ្ឈមណ្ឌល KOPIA ប្រចាំកម្ពុជានៃសាធារណរដ្ឋកូរ៉េ នៅថ្ងៃទី២១ ខែមីនា ឆ្នាំ២០២៤។
អនុរដ្ឋលេខាធិការ លោក ចាន់ សារុទ្ធ បន្ថែមទៀតថា ក្រសួងកសិកម្ម សហការជាមួយមជ្ឈមណ្ឌលកសិកម្មអន្តរជាតិកូរ៉េ ប្រចាំនៅកម្ពុជា ដេីម្បីផ្សព្វផ្សាយគាំទ្រជួយដល់កសិករនៅតាមខេត្តគោលដៅមួយចំនួនលើពូជពោតអ៉ីប្រ៊ីដកម្ពុជា០១ មានដូចជា ខេត្តកណ្តាល ខេត្តត្បូងឃ្មុំ ខេត្តកំពង់ចាម ខេត្តបាត់ដំបង និងខេត្តប៉ៃលិន។ ពូជពោតអ៉ីប្រ៊ីដកម្ពុជា០១ នេះគឺជាពូជរបស់កម្ពុជា ដែលកសិករកំពុងធ្វើការដាំដុះជាបណ្តើរៗ ជាមួយពូជផ្សេងៗទៀតដែលនាំចូល។
ជាមួយគ្នានេះ លោក សុង យ៉ុងហ្សូ នាយកមជ្ឈមណ្ឌល KOPIA ប្រចាំកម្ពុជា បានលេីកឡេីងថា កម្ពុជា និងកូរ៉េ គឺមានសហប្រតិបត្តិការយ៉ាងល្អប្រសេីរក្នុងការធ្វេីលេីគម្រោងពូជពោតនេះ និងពូជបន្លែ។ សម្រាប់ពូជពោតអ៊ីប្រ៊ីដកម្ពុជា០១ នេះ មជ្ឈមណ្ឌល KOPIA នៅតែបន្តគាំទ្រជួយដល់កសិករក្នុងស្រាវជ្រាវបន្ថែមលេីចំណុចអវិជ្ជមាន និងជួយអភិវឌ្ឍន៍វិស័យកសិកម្ម។
បើតាមប្រធានមន្ទីរកសិកម្ម រុក្ខាប្រមាញ់ និងនេសាទ នៅខេត្តកំពង់ចាម មានស្រុក៥ ដែលបានដាំដុះពោតច្រើន ដែលក្នុងនោះ ស្រុកកោះសូទិន ៣ ៧២៤ហិកតា ស្រុកកំពង់សៀម ៣ ៧០០ហិកតា ស្រុកចំការលើ ១ ៩០០ហិកតា ស្រុកស្ទឹងត្រង់ ១ ៤០៤ហិកតា ស្រុកកងមាស ១ ១០៥ហិកតា និងស្រុកមូយចំនួនទៀត សរុបផ្ទៃដីដាំពោតក្នុងខេត្ត មានប្រមាណ១២ ៦០១ហិកតាដែល ទទួលបានបរិមាណផល ៥៦ ០៦៤ តោន៕
ដោយ៖ ឡេក ចាន់ពេជ្រ
-
ចរាចរណ៍៦ ថ្ងៃ ago
ពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៦ ថ្ងៃ ago
អាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៤ ថ្ងៃ ago
នាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ២ ថ្ងៃ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២០ ម៉ោង ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ព័ត៌មានជាតិ៣ ថ្ងៃ ago
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ៣ ថ្ងៃ ago
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៤ ថ្ងៃ ago
ក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក