ព័ត៌មានជាតិ
មន្ត្រីជំនាញក្រសួងអប់រំ កំពុងចុះសិក្សាពីកង្វះខាតអគារសិក្សានៅទូទាំងប្រទេស ដើម្បីឱ្យសិស្សទទួលបានកន្លែងសិក្សាសមរម្យ
មន្ត្រីជំនាញ នៃក្រសួងអប់រំ យុវជន និងកីឡា បាននិងកំពុងចុះសិក្សាស្រាវជ្រាវពីកង្វះខាតអគារសិក្សានៅទូទាំងប្រទេស ដើម្បីឱ្យសិស្សានុសិស្សទទួលបានកន្លែងសិក្សាបានសមរម្យ ខណៈបច្ចុប្បន្នបរិមាណសិស្សហាក់មានការកើនឡើង។
លោកបណ្ឌិត កាន់ ពុទ្ធី អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅថ្ងៃទី ២៣ មីនា នេះថា «ការសិក្សាការខ្វះខាតអគារសិក្សានេះ គឺធ្វើទាំងបឋមសិក្សា មត្តេយ្យ មធ្យមសិក្សា ហើយការដោះស្រាយត្រូវវិភាគតាមរយៈចរន្តសិស្ស កំណើនប្រជាជន ការកំណត់ទីតាំងសាងសង់ ហើយរហូតមកដល់ពេលនេះ យើងមិនបញ្ចប់ការសិក្សានៅឡើយ នៅបន្តមួយចំនួនទៀត ដើម្បីទទួលព័ត៌មានគ្រប់ជ្រុងជ្រោយ»។
លោកបណ្ឌិត កាន់ ពុទ្ធី បានបន្តទៀតថា ការសង់សាលាបន្ថែមនេះ ផ្តោតទៅលើសាលាណាជួបការលំបាក ពិសេសនៅតាមបណ្តាខេត្តផ្សេងៗ និងសាលាដែលមានរោងដោលយកធ្វើជាថ្នាក់រៀនដូចជាខេត្តនៅភាគឦសានដូចជា ព្រះវិហារ ស្ទឹងត្រែង រតនគីរី ឧត្តរមានជ័យ និងមណ្ឌលគីរី។
ការចុះសិក្សាស្រាវជ្រាវកង្វះខាតអគារសិក្សានៅទូទាំងប្រទេសនេះ បន្ទាប់ពីថ្មីៗនេះ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានណែនាំឱ្យពិនិត្យ និងរៀបចំឡើងវិញ នូវផែនការសកម្មភាពអាទិភាពការងារសាងសង់ និងនិយាមគ្រូបង្រៀន ការរៀបចំឱ្យមានប្រព័ន្ធប្រមូលទិន្នន័យចំនួនគ្រូបង្រៀន ចំនួនសិស្ស ចំនួនបន្ទប់ និងថ្នាក់រៀន នៅតាមសាលារៀន។
លោកបណ្ឌិតសភាចារ្យ ឧបនាយករដ្ឋមន្ត្រី បានផ្ដល់អនុសាសន៍មួយចំនួន ដើម្បីបង្កើនប្រសិទ្ធភាព និងប្រសិទ្ធផលការងារ ដូចជា ៖ ត្រូវដោះស្រាយបញ្ហាប្រឈមជាកញ្ចប់ ដោយបង្កើតជាប្រព័ន្ធតាមដានច្បាស់លាស់ ចុះពិនិត្យផ្ទាល់ ដើម្បីប្រមូលទិន្នន័យ និងវាយតម្លៃ ផ្អែកលើភាពជាក់ស្ដែង,ពិនិត្យមើលឡើងវិញនូវការងារគ្រប់គ្រងបុគ្គលិក និងគ្រូបង្រៀន,នាយដ្ឋានផែនការ ត្រូវបន្តចុះពិនិត្យផ្ទាល់តាមសាលា ដើម្បីប្រមូលទិន្នន័យចំនួនសិស្សបន្ទប់រៀន ថ្នាក់រៀន និងចំនួនសិស្សក្នុងមួយថ្នាក់ ដើម្បីធានាបាននូវគុណភាពក្នុងការរៀន និងបង្រៀន រួចរៀបចំប្រជុំដាក់ផែនការ និងត្រូវប្រជុំជាប្រចាំ ដើម្បីតាមដានវឌ្ឍនភាព និងកំណត់ការងារអាទិភាព៕
អត្ថបទ ៖ សំអឿន
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១៩ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ