ព័ត៌មានជាតិ
អង្គភាពប្រឆាំងអំពើពុករលួយ ចូលរួមសង្កេតការណ៍លើការប្រឡងជ្រើសរើសសិស្សអាជ្ញាសាលា
នៅថ្ងៃទី២៣ ខែមីនា ឆ្នាំ២០២៤នេះ ក្រុមការងាររបស់អង្គភាពប្រឆាំងអំពើពុករលួយ បានចូលរួមសង្កេតការណ៍លើដំណើរការប្រឡងប្រជែងជ្រើសរើសសិស្សអាជ្ញាសាលា ជំនាន់ទី៣។
![](https://www.kampucheathmey.com/wp-content/uploads/2024/03/image-1289-1024x630.png)
ការចូលរួមសង្កេតការណ៍ពីសំណាក់ក្រុមការងារអង្គភាពប្រឆាំងអំពើពុករលួយនេះ គឺដើម្បីធានាឱ្យការប្រឡងប្រជែងជ្រើសរើសសិស្សអាជ្ញាសាលា ជំនាន់ទី៣ ប្រព្រឹត្តទៅប្រកបដោយតម្លាភាព យុត្តិធម៌ និងប្រសិទ្ធភាព ព្រមទាំងរក្សាបាននូវសណ្ដាប់ធ្នាប់របៀបរៀបរយក្នុងការប្រឡងប្រជែង។ ការប្រឡងប្រជែងជ្រើសរើសសិស្សអាជ្ញាសាលា ជំនាន់ទី៣ បានរៀបចំដោយបណ្ឌិតសភាភូមិន្ទយុត្តិធម៌កម្ពុជា ដែលមានរយៈពេលមួយថ្ងៃពេញ នៅមណ្ឌលប្រឡង បណ្ឌិត្យសភាភូមិន្ទយុត្តិធម៌កម្ពុជា។
![](https://www.kampucheathmey.com/wp-content/uploads/2024/03/image-1290-1024x682.png)
បេក្ខជនចំនួន ៣៩៣រូប (ស្រីចំនួន ១០៩រូប) ត្រូវបានប្រកាសទទួលស្គាល់សិទ្ធិប្រឡង ដោយជ្រើសរើសបេក្ខជនជ័យលាភីក្នុងដំណាក់កាលសំណេរចំនួន ៧៥រូប ដើម្បីចូលរួមប្រឡងវិញ្ញាសាសួរផ្ទាល់មាត់។ ដំណាក់កាលសំណេរប្រព្រឹត្តទៅនៅថ្ងៃសៅរ៍ ទី២៣ ខែមីនា ឆ្នាំ២០២៤នេះ លើមុខវិជ្ជានីតិរដ្ឋប្បវេណី នីតិវិធីរដ្ឋប្បវេណី នីតីព្រហ្មទណ្ឌ និងនីតិវិធីព្រហ្មទណ្ឌ។ ចំណែក វិញ្ញាសាសួរផ្ទាល់មាត់ ពាក់ព័ន្ធនឹងវិស័យច្បាប់ និងយុត្តិធម៌ នឹងជូនដំណឹងនៅពេលក្រោយ ដោយបណ្ឌិតសភាភូមិន្ទយុត្តិធម៌កម្ពុជា។
![](https://www.kampucheathmey.com/wp-content/uploads/2024/03/image-1291-1024x682.png)
គិតចាប់តាំងពីឆ្នាំ២០២២ មក នេះជាលើកទី២ហើយ ដែលអង្គភាពប្រឆាំងអំពើពុករលួយ បានចូលរួមសង្កេតការណ៍ប្រឡងប្រជែងជ្រើសរើសសិស្សអាជ្ញាសាលា។ សូមជម្រាបថា អង្គភាពប្រឆាំងអំពើពុករលួយ ចូលរួមសង្កេតការណ៍ដំណាក់កាលប្រឡង ដំណាក់កាលកំណែ ស្រង់ បូក និងផ្ទៀងផ្ទាត់ពិន្ទុ រហូតប្រកាសលទ្ធផលស្ថាពរ៕
![](https://www.kampucheathmey.com/wp-content/uploads/2024/03/image-1292-1024x666.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៦ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ២០ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៦ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី