ព័ត៌មានជាតិ
កម្ពុជា មានអ្នកស្រឡាញ់ភេទដូចគ្នា ប្រមាណ ១០ ម៉ឺននាក់ នៅទូទាំងប្រទេស
លោកទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានឱ្យដឹងថា បច្ចុប្បន្ននៅកម្ពុជា មានចំនួនអ្នកស្រឡាញ់ភេទដូចគ្នាប្រមាណ ១០ ម៉ឺននាក់ នៅទូទាំងប្រទេស ដែលពួកគេទាំងនោះទទួលបានការយកចិត្តទុកដាក់យ៉ាងខ្លាំងពីរាជរដ្ឋាភិបាល។
នៅក្នុងជំនួបពិភាក្សាការងារជាមួយ លោក Jean-Marc BERTHON ឯកអគ្គរដ្ឋទូតបារាំងទទួលបន្ទុកសិទ្ធិអ្នកស្រឡាញ់ភេទដូចគ្នា កាលពីរសៀលថ្ងៃទី ២២ មីនា លោកទេសរដ្ឋមន្ត្រី បានបន្តថា ករណីឆ្លងមេរោគអេដស៍ថ្មីនៅកម្ពុជាមានការកើនឡើងគួរឱ្យកត់សម្គាល់ក្នុងឆ្នាំ ២០១៩ មានចំនួន ៧៨០ ករណី និងនៅឆ្នាំ ២០២២ មានអ្នកឆ្លងមេរោគអេដស៍ថ្មីចំនួន ១ ៤០០ ករណី ក្នុងនោះ ៦០០ ករណី ជាអ្នកស្រឡាញ់ភេទដូចគ្នា។
លោកទេសរដ្ឋមន្ត្រី បានបន្តទៀតថា «នេះជាកង្វល់ដែលយើងកំពុងសម្រួចទិសដៅទៅធ្វើការជាមួយយុវវ័យ។ នៅកម្ពុជា យើងបានធ្វើការឈានមុខក្នុងការគាំពារសង្គមដល់ប្រជាជនគន្លឹះ ក្នុងនោះនារីបម្រើសេវាកម្សាន្តទទួលបានបណ្ណ ប.ស.ស ពេលដែលមានជំងឺទៅព្យាបាលដោយមិនបង់ប្រាក់។ អ្នកផ្ទុកមេរោគអេដស៍ ក៏ត្រូវបានទទួលស្គាល់ថា ជាប្រជាជនក្រីក្រ និងបានទទួលអត្ថប្រយោជន៍ពីកម្មវិធីគាំពារសង្គម និងប្រាក់ឧបត្ថម្ភផងដែរ»។
លោកទេសរដ្ឋមន្ត្រី បានបន្ថែមថា ចំណុចដែលខុសពីប្រទេសផ្សេង គឺ កម្ពុជា បានអនុញ្ញាតឱ្យមានតំណាងប្រជាជនគន្លឹះនៅគ្រប់លំដាប់ថ្នាក់ នៃគណៈកម្មាធិការប្រយុទ្ធនឹងជំងឺអេដស៍ ដើម្បីឱ្យពួកគាត់លើកបញ្ហាមកបង្ហាញយើងដើម្បីដោះស្រាយ។ លើសពីនេះទៀត កម្ពុជា មិនមានការរំលោភបំពាន ការរើសអើងអ្នកស្រឡាញ់ភេទដូចគ្នានោះទេ។
លោកទេសរដ្ឋមន្ត្រី បានបញ្ជាក់ថា កាលពីថ្ងៃទី ១៥ ខែមីនា ឆ្នាំ ២០២៤ កន្លងទៅនេះ កិច្ចប្រជុំពេញអង្គគណៈរដ្ឋមន្ត្រី បានអនុម័តគោលនយោបាយបញ្ចប់អេដស៍ និងចីរភាពកម្មវិធីអេដស៍សម្រាប់ឆ្នាំ ២០២៣-២០២៨ ដែលត្រូវដាក់ឱ្យអនុវត្តចាប់ពីពេលនេះតទៅ។ ចំពោះគោលដៅ ៩៥-៩៥-៩៥ កម្ពុជា សម្រេចបាន ៨៦-៩៩-៩៨ គឺបានលើសគោលដៅទី ២ និងទី ៣។ ប៉ុន្តែយើងត្រូវការខិតខំធ្វើឱ្យសម្រេចគោលដៅទី ១។
ក្នុងជំនួបនេះដែរ លោកឯកអគ្គរដ្ឋទូតបារាំង បានថ្លែងអំណរគុណកម្ពុជា ដែលមានការយកចិត្តទុកដាក់ចំពោះអ្នកស្រឡាញ់ភេទដូចគ្នា និងបានទទួលយកអនុសាសន៍របស់អង្គការសហប្រជាជាតិអំពីសិទ្ធិអ្នកស្រឡាញ់ភេទដូចគ្នា។ បារាំង ក៏បានវាយតម្លៃខ្ពស់ចំពោះកិច្ចខិតខំប្រឹងប្រែងប្រយុទ្ធនឹងជំងឺអេដស៍នៅកម្ពុជា ហើយបារាំង មានកិត្តិយសជាប្រទេសទី ២ ដែលផ្តល់ជំនួយក្នុងការពង្រឹងកិច្ចសហប្រតិបត្តិការក្នុងការឆ្លើយតបនឹងមេរោគអេដស៍ និងជំងឺអេដស៍៕
អត្ថបទ ៖ សំអឿន
នគរបាលនាយកដ្ឋានប្រឆាំងបទល្មើសសេដ្ឋកិច្ច ចុះដកហូតទឹកឃ្មុំក្លែងបន្លំប្រភពដើមប្រមាណជិត ២០តោន
កម្ពុជាមានក្រុមហ៊ុនវិនិយោគអាជីវកម្មរ៉ែមាស ១១ ក្រុមហ៊ុន ប្រតិបត្តិការនៅ ៦ ខេត្ត ទូទាំងប្រទេស
លោក តាន់ អ៊ីឈីតាន់ ចុះប្រគល់រង្វាន់ ១០០លានរៀល ដោយផ្ទាល់ដល់អ្នកមានសំណាងនៅស្រុកកំចាយមារ ខេត្តព្រៃវែង
កសិករម្នាក់ ដាំដំណាំមួយប្រភេទនៅក្នុងស្រុកទឹកឈូ ដែលផ្លែវា១គីឡូក្រាមអាចលក់តម្លៃបានជាង១ពាន់ដុល្លាអាមេរិក
អ្នកធ្លាប់ប្រើ ប.ស.ស.ថា គ្មានការកំណត់ចំនួនដងដូចការប្រឌិតព័ត៌មានឡើយ
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៤ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១៦ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត