ព័ត៌មានជាតិ
កម្ពុជា ជំរុញ អាស៊ាន ពង្រឹងកិច្ចសហប្រតិបត្តិការវិស័យអប់រំ ជំនាញសតវត្សទី ២១ និងជំនាញឌីជីថល ក្នុងសករាជ AI
លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាតំណាងជាតិសម្រាប់ក្រុមប្រឹក្សាសហគមន៍សង្គម-វប្បធម៌អាស៊ាន បានជំរុញឱ្យសមាជិកអាស៊ានពង្រឹងកិច្ចសហប្រតិបត្តិការក្នុងវិស័យអប់រំ ជំនាញសតវត្សទី ២១ និងជំនាញឌីជីថល សម្រាប់ការរស់នៅក្នុងសករាជ AI។
ការជំរុញនេះបានធ្វើឡើង កាលពីថ្ងៃទី ២៤ ខែមីនា ឆ្នាំ ២០២៤ នៅក្នុងកិច្ចប្រជុំក្រុមប្រឹក្សាសហគមន៍សង្គម-វប្បធម៌អាស៊ានលើកទី ៣១ នាខេត្តហ្លួងព្រះបាង សាធារណរដ្ឋប្រជាធិបតេយ្យប្រជាមានិតឡាវ។
លោកឧបនាយករដ្ឋមន្ត្រី បានបន្តថា ការពង្រឹងកិច្ចសហប្រតិបត្តិការក្នុងវិស័យអប់រំ ជំនាញសតវត្សទី ២១ និងជំនាញឌីជីថលសម្រាប់ការរស់នៅក្នុងសករាជ AI បានបង្ហាញជំហរក្នុងការលើកកម្ពស់ការអនុវត្តគ្រប់ជ្រុងជ្រោយនូវរបៀបវារៈស្ដីពីស្ត្រី សន្តិភាព និងសន្តិសុខ ក្នុងតំបន់អាស៊ាន ដោយជំរុញឱ្យរដ្ឋសមាជិកទាំងអស់ប្រែក្លាយរបៀបវារៈនេះទៅជារបៀបវារៈជាតិ។
ជាមួយគ្នានេះដែរ កម្ពុជា បានសម្តែងនូវការគាំទ្រកិច្ចព្រមព្រៀងក្របខណ្ឌស្ដីពីប្រព័ន្ធសម្របសម្រួលគ្រោះអាសន្នសុខភាពសាធារណៈអាស៊ានដែលផ្តោតការយកចិត្តទុកដាក់លើភាពធន់ នៃអាកាសធាតុ ការអភិវឌ្ឍហេដ្ឋារចនាសម្ព័ន្ធរូបវន្តជនបទ អនាម័យប្រកបដោយនិរន្តភាព ការលើកកម្ពស់អនាម័យ និងសុខភាព បានលើកឡើងពីបញ្ហាប្រឈមដែលប៉ះពាល់ដល់ពិភពលោកបណ្ដាលមកពីការផ្លាស់ប្ដូរអាកាសធាតុ និងបានគូសបញ្ជាក់អំពីសារៈសំខាន់ នៃការផ្លាស់ប្ដូរទស្សនៈស្ដីពីអាស៊ានឆ្ពោះទៅអព្យាក្រឹតភាពកាបូននៅឆ្នាំ ២០៥០។
ទន្ទឹមនឹងនេះបានគាំទ្រដល់សេចក្ដីប្រកាសវ៉ាងវៀងស្ដីពីការជំរុញសហគ្រាសវប្បធម៌ធុនតូច និងមធ្យម (MSME) ស្របជាមួយនឹងភាពរីកចម្រើនបៃតងសម្រាប់ការអភិវឌ្ឍប្រកបដោយចីរភាពដែលគាំទ្រដល់គំនិតផ្ដួចផ្ដើមមុនៗ ដើម្បីពង្រឹងភាពធន់អាស៊ាន និងផ្តល់ផលប្រយោជន៍ដល់ MSME ដែលបានរងផលប៉ះពាល់ពី Covid -19 និងធានាភាពធន់ និងបរិយាបន្នអាស៊ាន បានផ្តោតសំខាន់ទៅលើការអភិរក្ស និងលើកកម្ពស់ បេតិកភណ្ឌវប្បធម៌នៅក្នុងសហគមន៍អាស៊ាន បានបង្ហាញពីការបន្តយកចិត្តទុកដាក់ទៅលើគោលការណ៍ណែនាំអាស៊ានស្ដីពីចល័តភាព នៃផលប្រយោជន៍សន្តិសុខសង្គមសម្រាប់ពលករទេសន្តប្រវេសន៍ ដើម្បីពង្រឹងនូវការទទួលបានកិច្ចគាំពារសង្គមសម្រាប់ពលករទេសន្តប្រវេសន៍ និងក្រុមគ្រួសារតាមរយៈកិច្ចសម្របសម្រួលចល័តភាព នៃសន្តិសុខសង្គមរវាងរដ្ឋសមាជិកអាស៊ាន។
គួរបញ្ជាក់ថា នៅក្នុងអង្គប្រជុំបានពិនិត្យ ពិភាក្សា និងផ្តល់អនុសាសន៍លើចំណុចសំខាន់រួមមាន ៖ (១) របាយការណ៍ នៃកិច្ចប្រជុំឧត្ដមមន្ត្រីសហគមន៍សង្គម-វប្បធម៌ លើកទី ៣៦។ (២) ការអនុវត្តផែនការសកម្មភាព នៃផែនការលម្អិតសហគមន៍សង្គម-វប្បធម៌អាស៊ាន និងអន្តរវិស័យ។ (៣) ទិសដៅយុទ្ធសាស្ត្រសហគមន៍សង្គម-វប្បធម៌អាស៊ាន។ (៤) ឯកសារលទ្ធផលក្រុមប្រឹក្សាសហគមន៍សង្គម-វប្បធម៌អាស៊ាន ដើម្បីដាក់ជូនមេដឹកនាំអាស៊ានអនុម័ត និងកត់សម្គាល់នាកិច្ចប្រជុំកំពូលអាស៊ានលើកទី ៤៤ និងលើកទី ៤៥។ ជាមួយនេះដែរ អង្គប្រជុំ បានពិភាក្សា និងដាក់ចេញនូវសេចក្ដីថ្លែងការណ៍រួមរបស់ក្រុមប្រឹក្សាសហគមន៍សង្គម-វប្បធម៌អាស៊ានផងដែរ៕
អត្ថបទ ៖ សំអឿន
ផលិតផលខ្មែរដាក់លក់នៅតាមស្ថានីយប្រេងឥន្ធនៈភីធីធី
រថយន្តអគ្គិសនីម៉ាក NETA Auto នាំចូលផ្តាច់មុខដោយក្រុមហ៊ុន SNKH Cambodia តែមួយគត់
មន្ត្រីជំនាញកំពុងខួងយកសំណាកដីពិនិត្យ ត្រៀមចាក់គ្រឹះគម្រោងសាងសង់ស្ពានផ្សាររាត្រី-អរិយក្សត្រ
Influencer ជនជាតិអូស្ត្រាលីរងបទចោទ «បំពុលកូនខ្លួនឯង» ដើម្បីរៃអង្គាសប្រាក់
YG ប្រកាសរំលាយផ្នែកសម្ដែងចោល ហើយងាកមកផ្ដោតតែតន្ត្រីប៉ុណ្ណោះ
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
អ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
ពាក់មី ហួសចិត្តនឹងអ្នកប្រើរូបខ្លួន ប្រកាសលក់ផ្ទះបន្ទាន់ និងស្នើសាធារណជន កុំគាំទ្រទង្វើរកសុីបែបនេះ
សូម្បីនាយករដ្ឋមន្ត្រីថៃក៏ស្ទើរតែចាញ់បោកក្រុមចោរបច្ចេកវិទ្យា ដោយប្រើ AI ធ្វើត្រាប់សំឡេង
នាយព្រីង ត្រូវកាត់ជេីង ដោយសារទទួលទានភេសជ្ជៈប៉ូវកម្លាំងរាល់ថ្ងៃ
-
ចរាចរណ៍៤ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ១ សប្តាហ៍ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៧ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៦ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៤ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ៣ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៧ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ