ព័ត៌មានជាតិ
កម្ពុជា-ថៃ ជួបប្រជុំទ្វេភាគីលើកទី១៤ស្តីពីកិច្ចសហប្រតិបត្តិការប្រយុទ្ធប្រឆាំងគ្រឿងញៀន
ភ្នំពេញ ៖ ក្រោយខកខានជួបប្រជុំគ្នាដោយសារបញ្ហាជំងឺកូវីដ-១៩ រហូតមកដល់ថ្ងៃទី២៦ ខែមីនា ឆ្នាំ២០២៤ កម្ពុជា ថៃបានបើកកិច្ចប្រជុំទ្វេភាគីឡើងវិញហើយដែលជាកិច្ចប្រជុំលើកទី១៤ស្តីពីកិច្ចសហប្រតិបត្តិការប្រយុទ្ធប្រឆាំងគ្រឿងញៀននៅរាជធានីភ្នំពេញ។
កិច្ចប្រជុំនេះប្រព្រឹត្តទៅក្រោមអធិបតីលោក នាយឧត្តមសេនីយ៍ មាស វិរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀនកម្ពុជា ជាប្រធានក្រុមភាគីកម្ពុជា និងលោកឧត្តមសេនីយ៍ឯក ផានូរ៉ាត លូកប៊ូន(Phanurat Lukboon)អគ្គលេខាធិការក្រុមប្រឹក្សាត្រួតពិនិត្យគ្រឿងញៀនថៃ ជាប្រធានក្រុមភាគីថៃ។
ថ្លែងក្នុងកិច្ចប្រជុំនោះ លោក នាយឧត្តមសេនីយ៍មាស វិរិទ្ធ អគ្គលេខាធិការ បានជម្រាបជូនពីលទ្ធផលការងារនិងអរគុណចំពោះរាជរដ្ឋាភិបាលថៃ និងក្រុមប្រឹក្សាត្រួតពិនិត្យគ្រឿងញៀនថៃលើកិច្ចសហការនិងគាំទ្រស្ទើរគ្រប់វិស័យពិសេសក្នុងការងារប្រយុទ្ធប្រឆាំងគ្រឿងញៀននៅកម្ពុជាទាំងលើការងារអនុវត្តច្បាប់ ព្យាបាល ស្តារនីតិសម្បទា មន្ទីរពិសោធន៍ ការងារផ្សព្វផ្សាយ អប់រំពីគ្រោះថ្នាក់នៃគ្រឿងញៀន និងការអនុវត្តផែនការភូមិ ស គ្មានគ្រឿងញៀនពិសេសតាមរយៈឯកសារ អិលអូអេ(LOA) ដែលយើងបានអនុវត្តជាងរៀងរាល់ឆ្នាំ ។
កិច្ចប្រជុំលើកទី១៤ នេះបានបន្តធ្វើការពិនិត្យ ពិភាក្សាលើកិច្ចការដែលយើងបានសហការគ្នាអនុវត្តក្នុងពេលកន្លងមកនិងស្វែងរកវិធាននិងវិធីសាស្ត្រថ្មីៗបន្ថែមទៀតក្នុងគោលដៅពង្រឹងកិច្ចសហប្រតិបត្តិការរវាងស្ថាប័នប្រយុទ្ធប្រឆាំងគ្រឿងញៀននៃប្រទេសយើងទាំងពីរឱ្យកាន់តែមានប្រសិទ្ធភាពឆ្លើយតបបានជាក់ស្តែងទៅនឹងស្ថានភាព និងនិន្នាការបច្ចុប្បន្ន នៃបញ្ហាគ្រឿងញៀននៅក្នុងតំបន់ និងក្នុងប្រទេសយើងទាំងពីរ ការបង្កើតបន្ថែមនូវសកម្មភាពអនុវត្តផែនការរវាងប្រទេសទាំងពីរកម្ពុជា-ថៃ។
ផ្អែកលើលទ្ធផលជំនួបប្រជុំទ្វេភាគីលើកទី១៣កន្លងទៅ លោក ឧត្តមសេនីយ៍ឯក ផានូរ៉ាត លូកប៊ូន អគ្គលេខាធិការ បានកោតសរសើរដល់កិច្ចសហការយ៉ាងល្អកម្ពុជា ថៃ ទទួលបានផ្លែផ្កាគួឲ្យកត់សម្គាល់ ។ ប្រទេសថៃជាប្រទេសរងគ្រោះពីការលបលួចចរាចរគ្រឿងញៀនឆ្លងកាត់ព្រំដែនពិសេសនៅតំបន់ព្រំដែនភាគខាងជើងនិងឥសាន្ត ពីតំបន់ត្រីកោណមាស។ ឈ្មួញគ្រឿងញៀនបរទេសបានប៉ុនប៉ងលបលួចប្រើប្រាស់អនុតំបន់ទន្លេមេគង្គដឹកជញ្ជូនគ្រឿងញៀនប្រភេទមេតំហ្វេមីន អិចស្តាស៊ី កេតាមីន ហេរ៉ូអ៊ីននិងសារធាតុគីមីផ្សំ ក្នុងនោះថៃជួបប្រទះនូវបញ្ហាប្រើប្រាស់ល្បាយមេតំហ្វេតាមីន កេតាមីន MDMA (ម្សៅទឹកសប្បាយ) Happy Water ។
ក្នុងឱកាសនោះដែរ ឧត្តមសេនីយ៍ឯក ផានុរ៉ាត លូកប៊ូន អគ្គលេខាធិការ បានអំពាវនាវឱ្យកម្ពុជា ថៃ ត្រូវបន្តពង្រឹងការបង្ការទប់ស្កាត់ ដើម្បីកាត់ផ្តាច់សង្វាក់បណ្តាញឧក្រិដ្ឋជនដែលតែងតែលបលួចបង្វែរសារធាតុគីមីផ្សំទៅផលិតគ្រឿងញៀន។
តាមរយៈកិច្ចប្រជុំនេះកម្ពុជា-ថៃ បានរកឃើញនូវចំណុចគន្លឹះល្អៗនៃកិច្ចសហប្រតិបត្តិការបន្ថែមទៀតហើយជាប្រយោជន៍សម្រាប់ប្រជាជននិងប្រទេសយើងទាំងពីរក៏ដូចតំបន់យើងទាំងមូលហើយភាគីទាំងពីរកម្ពុជា ថៃបានឯកភាពបន្តរឹតបន្តឹងនូវចំណងមិត្តភាពកិច្ចសហប្រតិបត្តិការលើការងារប្រយុទ្ធប្រឆាំងគ្រឿងញៀនជួយគ្នាទៅវិញទៅមកដើម្បីពង្រឹងបាននូវប្រសិទ្ធភាព និងការអនុវត្តផែនការប្រយុទ្ធប្រឆាំងគ្រឿងញៀន៕
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី