សន្តិសុខសង្គម
ខណ្ឌរដ្ឋបាលជលផលខេត្តស្ទឹងត្រែងចុះ ដកហូតត្រីខុសច្បាប់ចំនួន ៥០ គីឡូ
កម្លាំងខណ្ឌរដ្ឋបាលជលផលខេត្តស្ទឹងត្រែង សហការជាមួយគណៈកម្មការផ្សារសាមគ្គីស្ទឹងត្រែងបានចុះពិនិត្យដកហូតត្រីខុសច្បាប់បានមកពីការបំពុល ដែលអាជីវករលក់ដូរត្រីក្នុងផ្សារចំនួន ៥០ គីឡូក្រាម។
ការចុះដកហូតត្រីខុសច្បាប់ខាងលើនេះបានធ្វើឡើងនៅព្រឹកថ្ងៃទី ២៦ ខែមីនាឆ្នាំ ២០២៤ នៅផ្សារសាមគ្គីស្ទឹងត្រែងស្ថិតក្នុងភូមិត្រពាំងព្រីង សង្កាត់ស្ទឹងត្រែង ក្រុង ខេត្តស្ទឹងត្រែង។
![](https://www.kampucheathmey.com/wp-content/uploads/2024/03/photo_2024-03-26_21-41-42-2-1024x768.jpg)
មន្ត្រីរដ្ឋបាលជលផលបានឲ្យដឹងថា ក្រោយពីមានសេចក្តីរាយការណ៍ថា មានប្រជានេសាទប្រើឧបករណ៍ខុសច្បាប់បំពុលត្រីហើយយកមកលក់ឲ្យអាជីវករផ្សារសាមគ្គីស្ទឹងត្រែងកម្លាំងរដ្ឋបាលជលផលបានសហការជាមួយគណៈកម្មការផ្សារសាមគ្គីចុះពិនិត្យជាលទ្ធផលបានរកឃើញត្រីប្រាកែចំនួន ៥០ គីឡូក្រាមដែលបានមកពីការនេសាទខុសច្បាប់។
មន្ត្រីជលផលបានបន្តឲ្យដឹងទៀតថា ត្រីបំពុលដែលអាជីវករលក់នៅក្នុងផ្សារនោះត្រូវបានអាជីវករបញ្ជាក់ថាមានប្រជានេសាទមកពីស្រុកសៀមបូកចំនួន ៣នាក់ និងមកពីសង្កាត់សាមគ្គីចំនួន ១នាក់ យកមកលក់ឱ្យពួកគាត់។
![](https://www.kampucheathmey.com/wp-content/uploads/2024/03/photo_2024-03-26_21-41-43-1024x768.jpg)
មន្ត្រីជលផលបានបញ្ជាក់បន្ថែមថា ត្រីទាំងនេះត្រូវបានអ្នកនេសាទបំពុលដោយបានប្រើនុយប្រភេទដូចជាបាយដំណើប ត្រីល្អិតកាត់ជាកង់ៗ ក្ដាម សាច់គោ លាយជាថ្នាំបំពុលដើម្បីបោះចូលទឹកឲ្យត្រីស៊ី។
ខណ្ឌរដ្ឋបាលជលផលស្ទឹងត្រែង សូមអំពាវនាវឲ្យប្រជានេសាទឈប់នេសាទដោយសារធាតុពុល ហើយប្រជាជនឈប់រើសត្រីពុល និងអាជីវករឈប់ទិញ លក់ ដឹកជញ្ជូនត្រីដែលបានពីការនេសាទខុសច្បាប់ ដែលមានទាំងបំពុល ឆក់ និងប្រើគ្រឿងផ្ទុះ ព្រោះសកម្មភាពទាំងអស់នេះគឺខុសនឹងច្បាប់ស្ដីពីជលផល។
![](https://www.kampucheathmey.com/wp-content/uploads/2024/03/photo_2024-03-26_21-41-42-3-1024x768.jpg)
បច្ចុប្បន្នត្រីទាំងនោះត្រូវបានបំផ្លាញចោល ព្រោះបើត្រីទាំងនេះត្រូវបានប្រជាជនយកទៅហូបគឺបើសិនមានជាតិពុលខ្លាំង ក្រោយហូបត្រីនេះទៅនឹងធ្វើឲ្យមនុស្សពុលផងដែរ បើសិនមានជាតិពុលតិចពេលហូបត្រីនេះទៅនឹងធ្វើឲ្យប៉ះពាល់សុខភាពនៅពេលក្រោយទោះមិនពុលភ្លាមៗក៏ដោយ។
ចំណែកអាជីវករលក់ត្រីចំនួន ៣នាក់ត្រូវបានខណ្ឌរដ្ឋបាលជលផល នាំមកធ្វើកិច្ចសន្យាបញ្ឈប់ទិញត្រីដែលបានមកពីការនេសាទខុសច្បាប់យកមកលក់នៅលើទីផ្សារ ដូចជាត្រីបានមកពីការបំពុល ឆក់ និងប្រើគ្រឿងផ្ទុះ ព្រោះសកម្មភាពទាំងអស់នេះគឺខុសនឹងច្បាប់ស្ដីពីជលផលបើមិនរាងចាលនឹងអនុវត្តទៅតាមនីតិវិធីច្បាប់៕
![](https://www.kampucheathmey.com/wp-content/uploads/2024/03/photo_2024-03-26_21-41-44-2-1024x768.jpg)
![](https://www.kampucheathmey.com/wp-content/uploads/2024/03/photo_2024-03-26_21-41-44-1024x768.jpg)
អត្ថបទ៖ ងិនលីម
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ