ព័ត៌មានជាតិ

បើកការណូតមកពីធ្វើបុណ្យជាប់ហ្គែរបុកច្រាំងស្លាប់និងរបួសច្រើននាក់

បានផុស

៤ years មុន

នៅ

ថ្ងៃអាទិត្យ ២១ កុម្ភៈ ២០២១

ដោយ

មនុស្សម្នាក់បានស្លាប់និង៥នាក់ទៀតរងរបួសធ្ងន់និងស្រាល ក្នុងហេតុការណ៍គ្រោះថ្នាក់ចរាចរណ៍ផ្លូវទឹកដោយមានកាណូតមួយគ្រឿងកំពុងបើកបរក្នុងទន្លេជាប់ហ្គែរបុកច្រាំងឡើងគោកពេលត្រឡប់មកពីធ្វើបុណ្យវិញ។

ហេតុការណ៍ខាងលើនេះបានកើតឡើងវេលាម៉ោង១៣និង៣០ រសៀលថ្ងៃទី២០ ខែកុម្ភៈ ឆ្នាំ២០២១ ចំណុចក្បាលកោះត្រែងព្រែកកាត់ ក្នុងស្រុកកំពង់លែងឆ្លង ទៅខេត្តកំពង់ឆ្នាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ាល់ ជឿន អធិការនគរបាលស្រុកកំពង់លែង បានឲ្យដឹងតាមថា ជនរងគ្រោះបានបើកកាណូតត្រឡប់មកពីធ្វើបុណ្យវិញ តែដោយកាណូតជាប់ខ្សែហ្គែរ ធ្វើឲ្យអ្នកបើកមានភាពស្លន់ស្លោរេចង្កូតទៅបុកច្រាំងបណ្តាលឲ្យបាក់ដាច់២កំណាត់ ។

អធិការនគរបាលស្រុកកំពង់លែងបានឲ្យដឹងទៀតថា អ្នកបើកបរកាណូតដែលជាម្ចាស់កាណូតខាងលើមាន ឈ្មោះ ភឿង សុភាព ភេទប្រុសអាយុ២៨ឆ្នាំ រស់នៅភូមិក្រងផ្តិល ឃុំប្រឡាយមាស បានបើកបាឡាស្មាច់ ០១គ្រឿងដែលមានប្រវែង៧,៧០ម៉ែត្រ ក្នុងទិសដៅពីឃុំប្រឡាយមាស ទៅកំពង់ ឆ្នាំង ដោយមានអ្នករួមដំណើរចំនួន០៦នាក់

សមត្ថកិច្ចបានបញ្ជាក់ឲ្យដឹងថា ក្រោយពេលកើតហេតុជនរងគ្រោះដែលបានស្លាប់ ត្រូវបានក្រុមគ្រួ សារដឹកយកទៅធ្វើបុណ្យតាមប្រពៃណី។ ដោយឡែកអ្នករងរបួសបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តកំពង់ឆ្នាំង៕

អត្ថបទ ៖ ឈៀង ថារិទ្ធ

Related Topics:ខេត្តកំពង់ឆ្នាំង