ព័ត៌មានជាតិ
ក្រសួងអប់រំ ដាក់ចេញយុទ្ធសាស្ត្រ ២០២៤-២០២៨ លើកកម្ពស់វិស័យអប់រំនៅកម្ពុជា កាន់តែប្រសើរ
ក្រសួងអប់រំ យុវជន និងកីឡា បានដាក់ចេញយុទ្ធសាស្ត្រ ២០២៤- ២០២៨ ដើម្បីលើកកម្ពស់វិស័យអប់រំនៅកម្ពុជាឱ្យកាន់តែប្រសើរឡើងបន្ថែមទៀត។
ក្នុងកិច្ចប្រជុំក្រុមការងារបច្ចេកទេសចម្រុះវិស័យអប់រំ ២០២៤ កាលពីថ្ងៃទី ២៧ មីនា លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ថា ក្រសួងអប់រំ បាននិងកំពុងយកចិត្តទុកដាក់រៀបចំផែនការយុទ្ធសាស្ត្រ (ESP) ២០២៤- ២០២៨ ដែលផ្ដោតការអនុវត្តលើគោលដៅច្បាស់លាស់តាមរយៈការបញ្ជ្រាបវិធានគន្លឹះ ៨ ក្នុងវិស័យអប់រំ ដូចជា ៖ (១).ការពង្រឹងអភិបាលកិច្ចសាលា។ (២).ពិនិត្យ កែសម្រួល និងរៀបចំកម្មវិធីសិក្សា និងសកម្មភាពបន្ថែមក្រៅម៉ោងសិក្សាក្នុងស្របតាមតម្រូវការក្នុងការពង្រឹងចំណេះដឹង វិន័យ សីលធម៌ និងអាកប្បកិរិយា។ (៣).ការថែរក្សាសុខភាពសិស្សតាមរយៈកម្មវិធីអាហារូបត្ថម្ភរបស់កុមារ និងគុណភាពអាហាររបស់សាលាគ្រប់គ្រង។ (៤).ជំរុញ និងលើកទឹកចិត្តឱ្យមានការចូលរួមពីមាតាបិតា អាណាព្យាបាល និងសហគមន៍ក្នុងវិស័យអប់រំ ស្របតាមពាក់ស្លោករដ្ឋ និងសហគមន៍ភាពជាដៃគូសម្រាប់ការអប់រំ។ (៥).ការពង្រឹងការអប់រំឌីជីថល។ (៦).ជំរុញមជ្ឈមណ្ឌលឧត្ដមភាពក្នុងការអប់រំឧត្ដមសិក្សា។ (៧).ការកសាងប្រព័ន្ធ និងការអភិវឌ្ឍសមត្ថភាព និង (៨).អភិវឌ្ឍន៍ការអប់រំកាយ និងកីឡា។
លោកឧបនាយករដ្ឋមន្ត្រី បានបន្តថា ដើម្បីសម្រេចបាននូវការងារអាទិភាពទាំង ៨ នេះ ក្រសួងអប់រំ យុវជន និងកីឡា បានកំណត់នូវគោលនយោបាយរួមមួយ ដើម្បីធានាបានថា ប្រជាជនកម្ពុជាគ្រប់រូប ទទួលបានការអប់រំប្រកបដោយបរិយាប័ន្ន និងសមធម៌ ចំណេះដឹង ជំនាញ និងគុណតម្លៃ ដើម្បីសុខភាពល្អ កាយសម្បទា និងការសិក្សាពេញមួយជីវិត។
លោកឧបនាយករដ្ឋមន្ត្រី បានបន្តទៀតថា តាមរយៈផែនការយុទ្ធសាស្ត្រអប់រំ (ESP) ២០២៤-២០២៨ ក្រសួងអប់រំ នឹងបន្តធ្វើកំណែទម្រង់កែលម្អ អនុវិស័យ នៃការអប់រំ យុវជន និងកីឡា នៅកម្ពុជា ការអប់រំកុមារតូច ការអប់រំបឋមសិក្សា ការអប់រំមធ្យមសិក្សា ការអប់រំនៅវិទ្យាល័យ ការអប់រំក្រៅប្រព័ន្ធ យុវជន និងកីឡា។
លោកបណ្ឌិត Will Parks តំណាងអង្គការយូនីសេហ្វ (UNICEF) និងជាប្រធានក្រុមការងារវិស័យអប់រំ (ESWG) បានសម្ដែងក្តីរីករាយ និងទទួលស្គាល់ពីភាពរីកចម្រើនជាច្រើនក្នុងវិស័យអប់រំ ពិសេសគឺការប្រកាសដាក់ឱ្យអនុវត្តស្តង់ដារសាលារៀនគំរូ និងជឿជាក់យ៉ាងមុតមាំថា ESP ថ្មីនេះ នឹងផ្ដោតលើការពង្រឹងប្រសិទ្ធភាព នៃប្រព័ន្ធអប់រំទាំងថ្នាក់ជាតិ និងថ្នាក់ក្រោមជាតិ ក៏ដូចជាបានបង្ហាញការប្ដេជ្ញាចិត្តក្នុងភាពជាដៃគូអភិវឌ្ឍន៍ បន្តចូលរួមពង្រឹងប្រព័ន្ធគាំទ្រវិស័យអប់រំឆ្ពោះទៅកែលម្អលទ្ធផលសិក្សា ឆ្លើយតបនឹងផែនការយុទ្ធសាស្ត្រកំណែទម្រង់វិស័យអប់រំនៅកម្ពុជា។
ដើម្បីជំរុញប្រសិទ្ធភាពការងារ លោកបណ្ឌិតសភាចារ្យ ឧបនាយករដ្ឋមន្ត្រី បានផ្ដល់អនុសាសន៍ជាគន្លឹះៗ មួយចំនួន លើការបន្តអនុវត្តកម្មវិធីកំណែទម្រង់កម្មវិធីសិក្សា និងការអប់រំគ្រូបង្រៀន អនុវត្តផែនការអាទិភាពដោយផ្ដោតលើការរៀបចំគោលនយោបាយផ្អែកលើលទ្ធផល បន្តពង្រឹងពង្រីកកិច្ចសហប្រតិបត្តិការជាមួយដៃគូអភិវឌ្ឍន៍ និងភាគីពាក់ព័ន្ធទាំងអស់ ឱ្យកាន់តែប្រសើរ ឈានឆ្ពោះទៅសម្រេចគោលដៅរួមជាច្រើនទៀត ដើម្បីលើកកម្ពស់វិស័យអប់រំនៅកម្ពុជា៕
អត្ថបទ ៖ សំអឿន
ក្រុមនិស្សិតប្លាស្ទិក ផ្តើមយុទ្ធនាការសម្អាតសំរាមនៅកោះស្តេចប្រែក្លាយជាតំបន់ទេសចរណ៍ដ៏ទាក់ទាញ
អភិបាលខេត្តចែកវិញ្ញាបនបត្រសម្គាល់អចលនវត្ថុជូនពលរដ្ឋជាង៣ពាន់ប័ណ្ណ នៅក្រុងបាវិត
ឃុំខ្លួនជនជាតិប៉ូឡូញម្នាក់ ដាក់ពន្ធនាគារបណ្ដោះអាសន្ន ចោទពីបទគំរាមថានឹងសម្លាប់
អតីតប្រធានគណៈមេធាវី លោក លី ច័ន្ទតុលា ត្រូវតែងតាំងជារដ្ឋលេខាធិការទីស្ដីការគណៈរដ្ឋមន្ដ្រី
កូរ៉េខាងជើង ចោទប្រធានាធិបតីកូរ៉េខាងត្បូងថាបង្កហានិភ័យនៃសង្គ្រាមនុយក្លេអ៊ែរ
អគ្គិភ័យឆាបឆេះកន្លែងស្តុកគ្រឿងសំណង់មួយកន្លែង ខូចខាតស្ទើរទាំងស្រុង
ប្រជានេសាទកំពុងសប្បាយរកត្រី នៅទំនប់ស្ទាក់ទឹកសាលាតាអន ខេត្តបាត់ដំបង
លោក Zelensky ស្នើសុំលោកខាងលិចអនុញ្ញាតឲ្យអ៊ុយក្រែនប្រើអាវុធវាយទ័ពកូរ៉េខាងជើង
ក្រុមនិស្សិតប្លាស្ទិក ផ្តើមយុទ្ធនាការសម្អាតសំរាមនៅកោះស្តេចប្រែក្លាយជាតំបន់ទេសចរណ៍ដ៏ទាក់ទាញ
យុវជនម្នាក់ ជិះម៉ូតូលឿនបុករថយន្តពីក្រោយ រងរបួសធ្ងន់ បញ្ជូនទៅមន្ទីរពេទ្យ
-
ជីវិតកម្សាន្ដ៤ ថ្ងៃ agoMiss Grand មីយ៉ាន់ម៉ា លេចធ្លោ និងឈ្នះមកុដធំៗចំនួន ៥ ទោះអាយុទើប១៨ឆ្នាំក្ដី
-
ព័ត៌មានជាតិ៣ ថ្ងៃ agoម៉ាស៊ីនស្វ័យប្រវត្តិ ថតបានភស្តុងតាងសត្វកម្រ ១០៨ ប្រភេទ ក៏មានហ្វូងសត្វឆ្កែព្រៃចុងក្រោយបង្អស់នៅកម្ពុជា
-
ព័ត៌មានអន្ដរជាតិ៣ ថ្ងៃ agoបាតុភូត ផែនដីមានព្រះចន្ទ២ នឹងបន្តរហូតដល់ចុងខែវិច្ឆិកា
-
ព័ត៌មានជាតិ៣ ថ្ងៃ agoអគារជាប់គាំងនៅខេត្តព្រះសីហនុ ចាប់ផ្តើមសកម្មភាពសាងសង់ឡើងវិញបណ្តើរៗ
-
សេដ្ឋកិច្ច៣ ថ្ងៃ agoក្រុមហ៊ុនវៀតណាម ដាក់ទុនវិនិយោគជាង $៨០០ លាន លើឧស្សាហកម្មកៅស៊ូនៅកម្ពុជា
-
ជីវិតកម្សាន្ដ៤ ថ្ងៃ agoខណៈរឿង កូនប្រសារស្រី ផ្ទុះល្បីឡើងវិញ អ្នកស្រី ពាន់ ភួងបុប្ផា បង្ហោះសារបែបនេះ ភ្ជាប់ជាមួយលីងរឿងពេញ!
-
សន្តិសុខសង្គម៧ ថ្ងៃ agoអ្នកភូមិគោកដូង ជិតពាក់កណ្ដាលជាអ្នកប្រកបរបររាវខ្យងលក់ ខណៈមានឈ្មួញនាំចេញទៅប្រទេសជិតខាង
-
ព័ត៌មានជាតិ៤ ថ្ងៃ agoបេក្ខជនប្រឡងបាក់ឌុបឆ្នាំនេះ ជាប់ជាង ១០ ម៉ឺននាក់ ក្នុងនោះសិស្សជាប់និទ្ទេស A មានជាង ២ ពាន់នាក់