ព័ត៌មានជាតិ
ជំនួបជាមួយសម្តេច ហ៊ុន សែន មេក្រុមហ៊ុនធំនៅចិន លើកគម្រោងស្ថាបនាផ្លូវជាតិ ៥០សេ កំពង់ឆ្នាំង-កំពង់ធំ និងផ្លូវកំពត-វាលរិញ
កាលពីរសៀលថ្ងៃទី ២៨ ខែ មីនា ឆ្នាំ២០២៤ ក្នុងឱកាសចូលរួមវេទិការបូអាវ ឆ្នាំ២០២៤ នៅក្រុងបូអាវ ខេត្តហៃណាន ប្រទេសចិន សម្តេចតេជោ ហ៊ុន សែន បានអនុញ្ញាតឲ្យប្រតិភូក្រុមហ៊ុន China Communication Construction Corporation (CCCC) ដឹកនាំដោយលោក ឈិន បុង (Chen Zhong) សមាជិកគណៈកម្មាធិការអចិន្ត្រៃយ៍ គណៈកម្មាធិការបក្ស និងជាអនុប្រធានគ្រប់គ្រងទូទៅនៃក្រុមហ៊ុនសាងសង់ទូរគមនាគមន៍ចិនចូលជួបសម្តែងការគួរសមនិងពិភាក្សាការងារ។

ក្នុងជំនួបនោះ អនុប្រធានក្រុមហ៊ុន CCCC ដែលជាក្រុមហ៊ុនមេរបស់ក្រុមហ៊ុន china road and bridge បានរាយការណ៍ជូនដល់សម្ដេចតេជោ ហ៊ុន សែន ពីគម្រោងសាងសង់របស់ក្រុមហ៊ុននៅកម្ពុជា ដែលរួមមានផ្លូវល្បឿនលឿនភ្នំពេញទៅក្រុងព្រះសីហនុដែលកំពុងដាក់ឲ្យប្រើប្រាស់ ផ្លូវល្បឿនលឿនភ្នំពេញបាវិតកំពុងដំណើរការសាងសង់ ក៏ដូចជាការសិក្សាគម្រោងផ្លូវល្បឿនលឿនភ្នំពេញសៀមរាបនិងសៀមរាបប៉ោយប៉ែត និងគម្រោងព្រៃជីកហ្វូណតេជោ។
សម្តេចតេជោ ហ៊ុន សែន នៅចំពោះមុខថ្នាក់ដឹកនាំក្រុមហ៊ុន CCCC បានលើកឡើងពីគម្រោងព្រែកជីកហ្វូណនតេជោ ដែលជាគម្រោងយុទ្ធសាស្រ្តដ៏សំខាន់សម្រាប់ជំរុញការអភិវឌ្ឍន៍សម្រាប់កម្ពុជា។
ឆ្លើយតបការលើកឡើងពីថ្នាក់ដឹកនាំកម្ពុជា អនុប្រធានក្រុមហ៊ុន CCCC បានយល់ពីសារសំខាន់ពីគម្រោងជាប្រវត្តិសាស្រ្តគម្រោងព្រែកជីកហ្វូណនតេជោនេះ។ ថ្នាក់ដឹកនាំក្រុមហ៊ុន CCCC ក៏បានប្តេជ្ញានឹងខិតខំប្រឹងប្រែងឲ្យគម្រោងព្រែកជីកហ្វូណនតេជោ លេចចេញជារូបរាងតាមអនុសាសន៍ណែនាំរបស់សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។
ជាមួយគ្នានេះ អនុប្រធានក្រុមហ៊ុនក៏បានជម្រាបជូនសម្តេចតេជោ ហ៊ុន សែន ពីគម្រោងអភិវឌ្ឍហេដ្ឋារចនាសម្ព័ន្ធរួមមានគម្រោងផ្លូវ ៥០សេ តភ្ជាប់ពីកំពង់ធំ ទៅកំពង់ឆ្នាំង និងគម្រោងផ្លូវជាតិលេខ ៣ ពីកំពតទៅវាលរិញប្រវែងជាង ២០ គីឡូម៉ែត្រ ដែលផ្លូវខូចធ្វើមិនចេះជាប់ ដោយក្រុមហ៊ុនរបស់លោកបានសិក្សាចប់សព្វគ្រប់ហើយ។
ដើម្បីជំរុញអាចឈានទៅបើកការដ្ឋានសាងសង់ អនុប្រធានក្រុមហ៊ុនក៏បានស្នើសុំសម្តេចតេជោ ហ៊ុន សែន ជួយជំរុញដល់មិត្តចិនទំលាក់ថវិការដើម្បីក្រុមហ៊ុនយកទៅសាងសង់ ដោយសារក្រុមហ៊ុនបានជួយថែរក្សាផ្លូវនោះរយះពេលជាង ២ ឆ្នាំមកហើយ៕

-
ព័ត៌មានអន្ដរជាតិ១៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?