ព័ត៌មានជាតិ
ករណីរោងចក្រ អ.ជី ត្រូវបានដោះស្រាយបញ្ចប់ដោយជោគជ័យ
ក្រសួងការងារ និងបណ្តុះបណ្តាលវិជ្ជាជីវៈនៅថ្ងៃទី២៩ ខែមីនា ឆ្នាំ២០២៤ បានចេញសេចក្តីប្រកាសព័ត៌មានដោយគូសបញ្ជាក់ថា អតីតកម្មកររោងចក្រអ.ជី ហ៊្វូតវែរ (ខេមបូឌា) ឯ.ក (R.G FOOTWEAR (CAMBODIA) CO., LTD.) ចំនួនជាង២១៤៣នាក់លើ២២១៤នាក់ ដែលស្មើជិត១០០ភាគរយ បានមកទទួលប្រាក់ឈ្នួល និងប្រាក់បំណាច់ផ្សេងៗដែលបានបើកនៅសាលាស្រុកអង្គស្នួល ខេត្តកណ្តាល។
ជាមួយនឹងចំនួនខាងលើនេះ បានបង្ហាញថាករណីរោងចក្រ អ.ជី ត្រូវបានដោះស្រាយបញ្ចប់ដោយជោគជ័យខណៈដែលអ្នកនៅសេសល់៧១នឹងបន្តមកទទួលប្រាក់បំណាច់ជាបន្តបន្ទាប់រហូតដល់ថ្ងៃទី៣១ ខែមីនា ឆ្នាំ២០២៤។ សម្រាប់លទ្ធផលប៉ុណ្ណេះ លោកបណ្ឌិត យ៉ង់ ពៅ អ្នកវិភាគសង្គម និងជាអគ្គលេខាធិការនៃរាជបណ្ឌិត្យសភាកម្ពុជា បានអបអរសាទរចំពោះដំណោះស្រាយ ហើយថៅករណីនេះថាជាការបិទបញ្ចប់ដោយជោគជ័យ។ ជាការជោគជ័យត្បិតអីករណីនេះ ទទួលបានការសម្របសម្រួល ដោយក្រសួងការងារ និងបណ្តុះបណ្តាលវិជ្ជាជីវៈជាមួយនឹងក្រុមហ៊ុនដើម្បីផ្តល់ដំណោះស្រាយជូនកម្មករ។
លោកបណ្ឌិតរូបនេះ បន្តលើកឡើងថា ដំណោះស្រាយយ៉ាងលឿនជុំវិញករណីរោងចក្រ អ.ជី នេះបង្ហាញឱ្យឃើញពីការយកចិត្តទុកដាក់ចំពោះកម្មករ ពីសំណាក់រាជរដ្ឋាភិបាលកម្ពុជាអាណត្តិទី៧ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ករណីនេះ បានបង្ហាញយ៉ាងច្បាស់ពីសមត្ថភាពរបស់រាជរដ្ឋាភិបាលអាណត្តិលើការដោះស្រាយបញ្ហារបស់កម្មករ ត្បិតពិភពលោកក៏កំពុងជួបបញ្ហានៃការបញ្ជាទិញផ្សេងៗផងដែរ។ នេះបើតាមការបញ្ជាក់ពីលោកបណ្ឌិត យ៉ង់ ពៅ ដដែល។
គួរបញ្ជាក់ថា ករណីរោងចក្រ អ.ជី ហ្វ៊ូតវែរ (ខេមបូឌា) ឯ.ក ( R.G FOOTWEAR CAMBODIA) ត្រូវបានឆេះរងការខូចខាតអស់ទាំងស្រុងកាលពីថ្ងៃទី១៨ ខែមីនា ឆ្នាំ២០២៤។ ដើម្បីដោះស្រាយបញ្ហានេះក្រសួងការងារ និងបណ្តុះបណ្តាលវិជ្ជាជីវៈកាលពីថ្ងៃទី២៤ ខែមីនា ឆ្នាំ២០២៤ បានចេញសេចក្តីជូនដំណឹងស្តីពីបើកប្រាក់ឈ្នួល និងប្រាក់បំណាច់ផ្សេងៗ ចំនួនបីចំណុចជូនកម្មករនៃរោងចក្រស្បែកជើង អ.ជី ហ្វ៊ូតវែរ (ខេមបូឌា) ឯ.ក នៅថ្ងៃសៅរ៍ទី៣០ ខែមីនា ឆ្នាំ២០២៤ ក៏ប៉ុន្តែក្រសួងការងារ បានសម្របសម្រួលជាមួយនិយោជកឱ្យបើកប្រាក់ឈ្នួល និងប្រាក់បំណាច់ផ្សេងៗនៅថ្ងៃសុក្រ ទី២៩ ខែមីនា ឆ្នាំ២០២៤ ជំនួសវិញ។ ក្នុងនោះកម្មករនិយោជិតត្រូវទទួលបានទី១ ប្រាក់ឈ្នួលដែលមិនទាន់បានបើកខែចុងក្រោយ ទី២ ប្រាក់ជួសការឈប់សម្រាកប្រចាំឆ្នាំដែលនៅសេសសល់ និងទី៣ ប្រាក់បំណាច់បញ្ចប់កិច្ចសន្យាការងារ៥%។
ជាមួយគ្នានេះ ក្រសួងការងារ និងបណ្តុះបណ្តាលវិជ្ជាជីវៈ បានអំពាវនាវកម្មករដែលមិនទាន់មកបើកប្រាក់ឈ្នួល និងប្រាក់បំណាច់ផ្សេងៗ អាចមកបន្តបើកនៅថ្ងៃសៅរ៍ទី៣០ ខែមីនា ឆ្នាំ២០២៤ និងថ្ងៃអាទិត្យ ទី៣១ ខែមីនា ឆ្នាំ២០២៤។
ទន្ទឹមនឹងនេះ លោកស្រី និល ខេន អនុប្រធានសហជីពខ្មែរស៊ីយូអេហ្វ ប្រចាំរោងចក្រស្បែកជើង អ.ជី បានកោតសរសើររាជរដ្ឋាភិបាលកម្ពុជាលើដំណោះស្រាយដ៏ឆាប់រហ័សជូនកម្មករឱ្យទទួលបានប្រាក់ឈ្នួល និងប្រាក់បំណាច់ផ្សេងៗមុនពេលកំណត់។ សហជីពរូបនេះបានអរគុណរាជរដ្ឋាភិបាលកម្ពុជា និងថ្នាក់ដឹកនាំក្រសួងការងារ រួមទាំងថៅកែរោងចក្រ ដែលបានខិតខំដោះស្រាយប្រកបដោយយុត្តិធម៌ និងត្រឹមត្រូវស្របតាមច្បាប់ដែលមានចែងជាធរមាន។ ជាមួយគ្នានេះកម្មករនៃរោងចក្រទាំងអស់ទទួលយកដំណោះស្រាយ ដើម្បីបិទបញ្ចប់ករណីរោងចក្រ អ.ជីប្រកបដោយភាពរីករាយ៕
លោក ឃួង ស្រេង ៖ សិទ្ធិមនុស្ស ត្រូវបានសម្តេចតេជោ ហ៊ុន សែន ផ្តល់ជូនប្រជាជនកម្ពុជាតាំងពីឆ្នាំ១៩៧៩មកម្ល៉េះ
តុលាការដោះលែង បុគ្គល ពេជ ពិសិដ្ឋ ឱ្យមានសេរីភាពឡើងវិញ បន្ទាប់ពីទទួលស្គាល់កំហុសថាបានប្រមាថថ្នាក់ដឹកនាំរដ្ឋាភិបាល
មីនតោន ដែលអ្នកកាសែតដោះដឹកតាមម៉ូតូឱ្យប៉ូលិស ត្រូវបានស៊ីម៉ាក់ចុះទៅយក÷ មេស៊ីម៉ាក់ ប្រាប់ឱ្យរាយការណ៍ពីបញ្ហាគ្រាប់មិនទាន់ផ្ទុះជាជាងដោះដោយខ្លួនឯង
សម្តេចធិបតី ឱ្យអង្គការចាត់តាំងយុវជនគណបក្សប្រជាជនកម្ពុជានៅក្រៅប្រទេស ជួយស្រាយបញ្ហាដែលខ្មែរនៅក្រៅប្រទេសជួបប្រទះ
លើកទី១ក្នុងឆ្នាំថ្មី សម្ដេចធិបតី បំពេញទស្សនកិច្ចនៅហ្វីលីពីន ដើម្បីផ្ដល់សន្ទុះទំនាក់ទំនងប្រទេសទាំងពីរ
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
នគរបាលបញ្ជាក់់ពីមូលហេតុនៃការឃាត់ខ្លួនអ្នកកាសែតមួយរូបក្រោយដោះមីនតោនដឹកតាមម៉ូតូយកទៅឲ្យសមត្ថកិច្ច
សមត្ថកិច្ចខេត្តសៀមរាប ឃុំខ្លួនបុរស់ម្នាក់ ពីបទឡាយលក់កាំភ្លើងតាមបណ្តាញសង្គម
អ្នកសិល្បៈនិងសាធារណជន សម្តែងក្តីបារម្ភ ក្រោយដឹងដំណឹង នាយ កុយ មានបញ្ហាសុខភាពត្រូវវះកាត់ជាបន្ទាន់
យន្តហោះមួយគ្រឿង ធ្លាក់លើផ្លូវ រួចបុកជាមួយរថយន្តក្រុង នៅ ប្រេស៊ីល
-
សន្តិសុខសង្គម១ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ agoអតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១២ ម៉ោង agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច