ព័ត៌មានជាតិ
គណៈបញ្ជាការឯកភាពរាជធានីបើកកិច្ចប្រជុំទប់ស្កាត់ជំងឺកូវីដ-១៩ ក្នុងព្រឹត្តិការណ៍សហគមន៍២០ កុម្ភៈ
ប្រធានគណៈបញ្ជាការឯកភាពរាជធានីភ្នំពេញ លោក ឃួង ស្រេង កាលវេលាថ្ងៃត្រង់ថ្ងៃទី២០ ខែកុម្ភៈ ឆ្នាំ២០២១នេះ ពោលគឺក្រោយបញ្ចប់កិច្ចប្រជុំជាមួយសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាបានបើកកិច្ចប្រជុំបន្ទាន់មួយជាមួយប្រធានគណៈបញ្ជាការឯកភាពខណ្ឌទាំង១៤ និងមន្ដ្រីរាជការ កងកម្លាំងប្រដាប់អាវុធពាក់ព័ន្ធ ពិសេសនគរបាល អាវុធហត្ថ និងមន្ដ្រីសុខាភិបាល ត្រូវធ្វើការរួមគ្នាយ៉ាងយកចិត្តទុកដាក់ ពង្រឹងវិធានការបង្ការ និងទប់ស្កាត់ការឆ្លងរីករាដាលជំងឺកូវីដ-១៩ ខណៈដែលជម្ងឺនេះបានផ្ទុះចូលក្នុងសហគមន៍ជាថ្មីម្តងទៀតគឺ ព្រឹត្តិការណ៍សហគមន៍ ២០ កុម្ភៈ។
លោក ម៉េត មាសភក្ដី អ្នកនាំពាក្យសាលារាជធានីភ្នំពេញ បានបញ្ជាក់អោយដឹងថា ក្នុងកិច្ចប្រជុំនោះ ក្នុងនាមប្រធានគណៈបញ្ជាការឯកភាពរាជធានីភ្នំពេញ លោក ឃួង ស្រេង បានដាក់បទបញ្ជាបន្ដយ៉ាងម៉ឺងម៉ាត់ជូនប្រធានគណៈបញ្ជាការឯកភាពខណ្ឌទាំង១៤ និងមន្ដ្រីរាជការ កងកម្លាំងប្រដាប់អាវុធពាក់ព័ន្ធ ពិសេសនគរបាល អាវុធហត្ថ និងមន្ដ្រីសុខាភិបាល ត្រូវធ្វើការរួមគ្នាយ៉ាងយកចិត្តទុកដាក់ ពង្រឹងវិធានការបង្ការ និងទប់ស្កាត់ការឆ្លងរីករាដាលជំងឺកូវីដ-១៩។
គួរបញ្ជាក់ថា នាព្រឹកថ្ងៃទី២០កុម្ភៈនេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញបទបញ្ជា និងអំពាវនាវចំនួន៦ចំណុច ដល់ភាគីពាក់ព័ន្ធទាំងអស់ និងប្រជាពលរដ្ឋ ដើម្បីរួមគ្នាទប់ស្កាត់ “ព្រឹត្តិការណ៍ ២០កុម្ភៈ” ដែលជាព្រឹត្តិការណ៍ឆ្លងជំងឺកូវីដ-១៩ ក្នុងសហគមន៍កម្ពុជាជាថ្មីម្តងទៀត។
ការចេញបទបញ្ជានេះ បានធ្វើឡើងបន្ទាប់ពីកម្ពុជា បានរកឃើញករណីវិជ្ជមានជំងឺកូវីដ-១៩ ចំនួន៣២ករណី នៅលើខ្លួនជនជាតិចិន ដែលបានចូលទៅកាន់ក្លឹបកម្សាន្តមួយឈ្មោះ «N8» នៅតំបន់កោះពេជ្រ នៅយប់ថ្ងៃទី១៩ និង២០ ខែកុម្ភៈ ឆ្នាំ២០២១នេះ។
សម្តេចតេជោ ហ៊ុន សែន បានចេញបទបញ្ជា និងអំពាវនាវមួយចំនួន ក្នុងនោះទី១៖ ស្នើសុំការយោគយល់ពីអ្នកធុរកិច្ច និងពលរដ្ឋដែលរស់នៅតំបន់នោះ ដែលអាជ្ញាធរតម្រូវឱ្យមានការបិទអគារ ក្លឹបកម្សាន្ត និងតំបន់មួយចំនួនដែលផ្ទុះករណីកូវីដ១៩ ជាចាំបាច់។ សម្តេចថ្លែងថា អ្នកនៅតំបន់នេះនឹងមានផលប៉ះពាល់ ប៉ុន្តែរាជរដ្ឋាភិបាលគ្មានជម្រើសទេ។ពលរដ្ឋដែលក្នុងតំបន់នោះ អនុញ្ញាតឱ្យមានការចូលបើសិនជាគាត់ជាម្ចាស់ផ្ទះ ប៉ុន្តែមិនអនុញ្ញាតឱ្យចេញមកក្រៅនោះទេ។
ទី២៖ ត្រូវបន្តយកសំណាកដើម្បីធ្វើតេស្តសម្រាប់អ្នកនៅក្នុងតំបន់មានផ្ទុះកូវីដ-១៩ លើកនេះ ហើយបន្ទាប់ពីធ្វើតេស្ត ត្រូវធ្វើចត្តាឡីស័ក ១៤ថ្ងៃ ដើម្បីរង់ចាំការធ្វើតេស្តលើកទី២ ដែលចំនួននៃការធ្វើតេស្តអាចនឹងមានចំនួនច្រើន។
សម្តេចបានថ្លែងថា ប្រតិបត្តិការនេះត្រូវធ្វើឱ្យលឿន ដោយអំពាវនាវឱ្យពលរដ្ឋដែលពាក់ព័ន្ធធ្វើការសហការដើម្បីឱ្យក្រុមគ្រូពេទ្យចូលទៅយកសំណាក ដើម្បីធ្វើតេស្ត។សម្តេចស្នើឱ្យក្រសួងសុខាភិបាល ពិចារណាក្នុងការធ្វើតេស្ត២ដងឬ៣ដង។
ទី៣៖ អាជ្ញាធរត្រូវបន្តស្វែងរកអ្នកពាក់ព័ន្ធនឹងក្លឹប N8 ទោះទៅដល់ទីណាក៏ដោយ។ បណ្តាខេត្តដែលមិនទាន់កើត ក៏ត្រូវមានការប្រុងប្រយ័ត្ន ព្រោះការឆ្លងបែបនេះ នឹងបន្តរីករាលដាលទៅកាន់បណ្តាខេត្ត ដែលបទពិសោធន៍កន្លងមកមានរួចហើយ ដូចជាព្រឹត្តិការណ៍៣វិច្ឆិកា រាលដាលដល់១០រាជធានី-ខេត្ត និង២៨វិច្ឆិការាលដាលដល់ជាង២០រាជធានី-ខេត្តជាដើម។ បណ្តាខេត្តត្រូវមានការសម្របសម្រួល និងសហការ ដល់ការស្វែងរកអ្នកពាក់ព័ន្ធនឹងព្រឹត្តិការណ៍ ២០កុម្ភៈ។
ទី៤៖ ត្រូវធ្វើចត្តាឡីស័កសម្រាប់អ្នកដែលមានការពាក់ព័ន្ធទាំងអស់ ហើយក្រុមគ្រូពេទ្យត្រូវខិតខំយកសំណាក។ ចំពោះការធ្វើចត្តាឡីស័ក អ្នកដែលមាន អាផាតមិន ត្រូវរស់នៅតាមអាផាតមិន អ្នកដែលមានផ្ទះ ត្រូវធ្វើនៅតាមទីកន្លែងផ្ទះរៀងៗខ្លួន ហើយអាជ្ញាធរត្រូវទទួលខុសត្រូវលើអ្នកធ្វើចត្តាឡីស័កទាំងនេះ ដោយមិនត្រូវបណ្តែតបណ្តោយឱ្យកើតមានករណីប៉ុន្មានថ្ងៃមុន ដែលស្ត្រី៤នាក់ ចេញពីកន្លែងធ្វើចត្តាឡីស័ក ហើយចូលទៅវិញដោយក្នុងនោះមាន២នាក់ ត្រូវបានរកឃើញមានកូវីដ-១៩ ដែលករណីគឺមានការជួយសម្រួលពីសន្តិសុខ។
ទី៥៖ អំពាវនាវដល់អ្នកពាក់ព័ន្ធនឹងក្លឹប N8 ទាំងអស់ និងពាក់ព័ន្ធនឹងអ្នកមានជំងឺកូវីដ១៩ ទាំង៣២នាក់នេះ ត្រូវមានម្ចាស់ការមកឱ្យពិនិត្យសំណាក ព្រោះបន្តទៅទៀតជំងឺខ្លួនឯងក៏មាន ហើយអាចបន្តចម្លងធំទៅៗ ដែលយើងត្រួតត្រាលែងបាន។ សម្តេចស្នើឱ្យមានការយកចិត្តទុកដាក់ចូលរួមពីអ្នកពាក់ព័ន្ធទាំងអស់។
ទី៦៖ សម្តេចតេជោ ហ៊ុន សែន អំពាវនាវដល់ពលរដ្ឋនៅភ្នំពេញ និងតំបន់ដទៃទៀត តែពិសេសរាជធានីភ្នំពេញ ត្រូវបង្កើនការប្រុងប្រយ័ត្ន ហើយរឹតបន្តឹងក្នុងការអនុវត្តវិធានការ៣ការពារ និង៣កុំ។ សម្តេចប្រកាសឱ្យអនុវត្តការពាក់ម៉ាស់នៅគ្រប់ទីធ្លាសាធារណៈទាំងអស់ ដោយរក្សាគម្លាត និងលាងដៃ។ សម្តេចតេជោ ហ៊ុន សែន មិនចេញបញ្ជាឱ្យបិទពិធីមង្គលការ ឬសាលារៀនទាំងរដ្ឋ និងឯកជនទេ ក្នុងករណីដែលពលរដ្ឋអនុវត្តវិធានការត្រឹមត្រូវ តែសម្តេចអំពាវនាវឱ្យអនុវត្តវិធានការ៣កុំ៣ការពារ។ សម្តេចតេជោ ហ៊ុន សែន បន្តប្រាប់ដល់ប្រជាពលរដ្ឋឱ្យមានការប្រុងប្រយ័ត្ន បើគ្មានការចាំបាច់ សូមកុំចេញពីផ្ទះ។
សម្តេចតេជោ ហ៊ុន សែន សង្ឃឹមថាប្រជាពលរដ្ឋទាំងអស់ នឹងបន្តចូលរួមជាមួយវិធានការ «៣ការពារ៣កុំ»៕
អត្ថបទ ៖ ស្រីរ័ត្ន
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៤ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១៨ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៤ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ