ព័ត៌មានជាតិ
សម្ដេច ហ៊ុន ម៉ាណែត អរគុណពលរដ្ឋខេត្តពោធិ៍សាត់ ដែលបានបន្តផ្ដល់ទំនុកចិត្តលើការដឹកនាំរបស់គណបក្សប្រជាជន
ពីវេទិកាសាធារណៈនៅខេត្តពោធិ៍សាត់ នាព្រឹកថ្ងៃនេះ សម្ដេចធិបតី ហ៊ុន ម៉ាណែត បានថ្លែងការអរគុណចំពោះប្រជាពលរដ្ឋទូទាំងខេត្តពោធិ៍សាត់ ដែលបានបន្តផ្ដល់ការជឿទុកចិត្តមកលើការដឹកនាំរបស់គណបក្សប្រជាជនកម្ពុជា រយៈពេលប្រមាណជាង៤០ឆ្នាំមកនេះ។

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងការអរគុណនេះ ក្នុងឱកាសសម្ដេចអញ្ជើញជាអធិបតីភាពក្នុងពិធីសម្ពោធឆ្លងបទុមចេតិយ វត្តមណីរតនារាម ខេត្តពោធិសាត់ នៅព្រឹកថ្ងៃទី៣១ ខែមីនា ឆ្នាំ២០២៤នេះ។
សម្ដេចធិបតី ហ៊ុន ម៉ាណែត បានថ្លែងដូច្នេះថា៖ «សូមអរគុណប្រជាពលរដ្ឋខេត្តពោធិ៍សាត់ចំពោះការទុកចិត្ត ជឿជាក់ និងគាំទ្រលើការដឹកនាំរបស់គណបក្សប្រជាជនកម្ពុជា ក្នុងរយៈពេលប្រមាណជាង៤០ឆ្នាំមកនេះ ជាពិសេសនៅអាណត្តិមុនៗ ក្រោមការដឹកនាំរបស់សម្ដេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា»។
សម្ដេចធិបតី គូសបញ្ជាក់ថា ការជឿទុកចិត្តរបស់ប្រជាពលរដ្ឋខេត្តពោធិ៍សាត់ បានស្ដែងចេញតាមរយៈការបោះឆ្នោតជាតិ កាលពីខែកក្កដា ឆ្នាំ២០២៣ កន្លងទៅនេះ ខេត្តពោធិ៍សាត់ ទទួលបានលទ្ធផលជាទីមោទនភាព ពោល គឺនៅទូទាំងខេត្តពោធិ៍សាត់មានប្រជាពលរដ្ឋប្រមាណ ៨៧ភាគរយ ដែលបានទៅចូលរួមបោះឆ្នោត ក្នុងនោះចំនួនពលរដ្ឋច្រើនលើសលប់ បានផ្ដល់ការជឿទុកចិត្តបោះឆ្នោតជូនគណបក្សប្រជាជនកម្ពុជា។

ឆ្លើយតបនឹងការទុកចិត្តនេះ សម្ដេចធិបតី មានតែការអរគុណ ជាមួយនឹងមានតែការប្ដេជ្ញាចិត្តដើម្បីបម្រើប្រយោជន៍ជូនប្រជាពលរដ្ឋនៅគ្រប់កន្លែងទាំងអស់ រួមទាំងខេត្តពោធិ៍សាត់នេះផងដែរ ដើម្បីធ្វើយ៉ាងណាជួយជំរុញប្រទេសជាតិ និងប្រជាពលរដ្ឋ កាន់តែមានភាពរីកចម្រើនជឿនលឿន និងមានជីវភាពល្អប្រសើរ៕

-
ព័ត៌មានអន្ដរជាតិ១៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?