ព័ត៌មានជាតិ
សង្ស័យបុគ្គលិកភោជនីយដ្ឋាន នៅក្រុងតាខ្មៅ ពាក់ព័ន្ធព្រឹត្តិការណ៍ ២០ កុម្ភៈ
ឧត្ដមសេនីយ៍ត្រី ឈឿន សុចិត្រ ស្នងការនគរបាលខេត្តកណ្ដាល បានប្រាប់ កម្ពុជាថ្មី អំបាញ់មិញនេះថា សមត្ថកិច្ចកំពុងដាក់កម្លាំងយាមកាម នៅចំណុច ភោជនីយដ្ឋាន ឡូហ្សិក ll នៅជិតផ្សារកាច់ជ្រុង ក្រុងតាខ្មៅ ដែលស្ថិតសង្កាត់តាខ្មៅ ក្រុងតាខ្មៅ ខេត្តកណ្តាល។ ការបិទ ភោជនីយដ្ឋាន ខាងលើជាបណ្ដោះអាសន្ននេះ ដោយសារមានការង្ស័យទៅលើស្ត្រីម្នាក់ដែលជាបុគ្គលិក ភោជនីយដ្ឋាន ឡូហ្សិក ll ដែលមានប្តីជាបុគ្គលិកក្លឹប អិនប្រាំបី N8 ស្ថិតនៅក្នុងសង្កាត់ទួលស្វាយព្រៃទី២ ខណ្ឌបឹងកេងកង រាជធានីភ្នំពេញ ដែលត្រូវបានតេស្ដឃើញមានវិជ្ជមាន កូវីដ-១៩។

ឧត្ដមសេនីយ៍ត្រី ឈឿន សុចិត្រ ស្នងការនគរបាលខេត្តកណ្ដាល បានមានប្រសាសន៍ថា៖ “សមត្ថកិច្ចមិនផ្អាកភោជនីដ្ឋានទេ គ្រាន់តែឃាត់ ដើម្បីទុកឱ្យអ្នកជំនាញខាងសុខាភិបាលចុះទៅធ្វើការងាររបស់គេបន្ថែម”។

លោក បន្ថែមថា៖ “មកដលពេលនេះ យើងមិនទាន់ដឹងថា ស្រ្តីរូបនោះមានផ្ទុកមេរោគកូវីដ-១៩ ឬអត់ទេ គឺកំពុងរង់ចាំលទ្ធផលពីមន្ត្រីសុខាភិបាល ដោយពេលនេះភោជនីយដ្ឋានត្រូវបានហ៊ំព័ទ្ធបិទជាបណ្ដោះអាសន្នសិន”។

កាលពីព្រឹកម្សិលមិញ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសការឆ្លងកូវីដ-១៩ចូលសហគមន៍លើកទី៣នៅកម្ពុជា ដែលហៅថា “ព្រឹត្តិការណ៍សហគមន៍ ២០ កុម្ភៈ” ដែលលើកទី១ គឺ “ព្រឹត្តិការណ៍ ៣ វិច្ឆិកា” ពាក់ព័ន្ធករណី មន្ត្រីហុងគ្រី លើកទី២ជា “ព្រឹត្តិការណ៍ ២៨ វិច្ឆិកា” ដែលពាក់ព័ន្ធ ភរិយាមន្ត្រីពន្ធនាគារទៅផ្សារអ៊ីអន១។ គិតត្រឹមថ្ងៃទី២០ កុម្ភៈ ក្រសួងសុខាភិបាលបានរកឃើញអ្នកផ្ទុកមេរោគកូវីដ-១៩ ពាក់ព័ន្ធ “ព្រឹត្តិការណ៍ ២០ កុម្ភៈ” ចំនួន៤៣នាក់ហើយ ដែលភាគច្រើនជាជនជាតិចិន។ ក្នុងនោះមាន១៥នាក់ទើបតេស្ដឃើញមេរោគកាលពីម្សិលមិញទៀត៕
អត្ថបទ៖ ច័ន្ទ វីរៈ
សូមអានព័ត៌មានពាក់ព័ន្ធ៖ បុគ្គលិកក្លឹបខារ៉ាអូខេ នៅក្រុងតាខ្មៅ ៧៤នាក់ ធ្វើចត្តាឡីស័ក ព្រោះពាក់ព័ន្ធ “ព្រឹត្តិការណ៍ ២០ កុម្ភៈ”
សម្ដេចតេជោ ហ៊ុន សែន ប្រកាស ព្រឹត្តិការណ៍សហគមន៍លើកទី៣នៅកម្ពុជា “ព្រឹត្តិការណ៍សហគមន៍ ២០ កុម្ភៈ”

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ